1
. Yakobo, ngatic ka Rubanga kede me ka Yesu Kurisito, but atekerin tomon kiwie are kosarakin kabedere apapat amotou.
2
. imiegu na miunu ebed me kilel kame ibeunu i atama me epone dedede.
3
. Di ingeunu be, kame kotoma yei u, ekelo neu ikanyakin.
4
. Do yeu nu ne ikanyakin timo tic mere kiber, me wek un idokunu beco odocon abongo rem ikaramoro dedede.
5
. Kame ngatamoro kikomu orem kede rieko, epeny Rubanga kame mio bur jo dedede kede cuny kaber, abongo ibunan, di oko bino mino bute.
6
. Do pore epeny kede yei, abongo yayangun pien ngat kame yayangun ecal kede ebuka me nam kame yamo buko di edipidipun.
7
. Pien dano nono kur tam be eyaro udo gimoro kibut Rwot.
8
. Dano kame tam mere tie are likame osipakin iyote mege dedede.
9
. WEkunu omin kame tie iruom kapiny leli pien kotinge malo.
10
. Do lokobaro ngei be kodwoke piny pien bala ature me lum, en ebino rwenyo tenge.
11
. Pien kame ceng owokun kede lieto atek awaka di lum tuo kede oonyu ature megge, di cilo mere dubere; aso ngat kobaro da oyaro ner kamonono ki iyote megge.
12
. Tie kede winyo ngat kame kanyakino ki atama, pien kame otame, eyaro udo ocero me kuo kame Rwot ocike ne jo kame mare.
13
. Kame ngatamoro kotamo kur ewac be Rubanga otamo; pien Rubanga likame kotamo kede gikarac, doko en likame etamo dano moro.
14
. Do buli dano kotamo, kame imuwe mere owae, di oko yodao en.
15
. Dido kame imuwe oyac ekelo bal bal ka otieko tic mere, dido eko keluno to.
16
. Kur icetar unu, wun imiegunango kame amaro.
17
. Gia amia kaber kede giamia kitenara wok kimalo di eko bino piny kibuut papa me lero kame li kede alokulokun amotoko tipo moro me lokere.
18
. Kame kimit mere en eko nywalo wa kede kop me ateni, me wek wan obed anyakini me agege ikom gi acwea megge.
19
. Pimano, imieguna kame amaro, wekunu dano acel acel bed dwir iwinyo kop, do eot momot ki iyamo kede kii lilo.
20
. Pien lilo me dano likame timo pore ka Rubanga.
21
. Pimano, ketunu tim ki ngorijij kede dud koyitiriro, di ikounu gamo kede mwolo kop kame opito idiereu kame twero lako tipo u.
22
. Do bedunu jo tim kop, weko jo winy kenekene di ikounu donyo ngalere kenu.
23
. Pien ka ngatamoro obedo ngawiny kop dodi likame etimo gi, udo ecal kede dano kame ngico cal mere kii kilabura.
24
. Pien engico kome di eko ot mere, awaka di wie wil kede epone me dano kame oudo en ebedo.
25
. Do ngatokame ngibuco neno iswil me ateni kame kelo gony, di eko mede ameda iye, di likame ebedo ngawiny kop ka wiye wil, do ngatim tic, dano noni oyaro bedo kede winyo igi kame etimo.
26
V 26. Ka dano moro idiereu tamo be en ebedo nga dini, dodi likame egwoko lebe, dodi en engalere kii cunye kene, edini ka danononi udo tie me nono.
27
. Edini acil dilikame opwokere inyim Rubanga kede papa en ine, Welao iduwe kic kede apuserun kii can gi kede gwokere keni i amunaun me piny.