1
. Rubanga bin ikare me sek ca riki ebedo yamo kede jo kokwari iye epore apapat beo ibut inabino.
2
. Nan do ikare me atukini ni eyamo do kede wan beo ibut wode kawe en eyero pi bedo nga luny jame dedede, doka da, ecweo lobo dedede kede en.
3
. Kame obedo lero me deyo mere, kame nyuto cal mere kwikiwik kame karao malo gi dedede beo ikop me teko mere, kame en apire kene elonyo dub wan, eko bedo ibad me tucam me angosibib imalo.
4
. Etie di ocwee kiber kato imaliakan bala kame en etie nyalunyo jamini eko udo nying aber aloo me ajoso ocegun.
5
. Piento malaika mene kame ceng moro ewaco ne bee, in woda tin ango anyuali?
6
. Kede bobo bee, kame ekelo kede nywal me agege ii lobo eko Waco bee, wek imalaikan ka Rubanga dedede wore.
7
. Do me imalaikan ewaco bee, ngai ocweo imalaikan mege, cuny jotic mege tie mac kobirano.
8
. Do but awobi, ewaco bee, kom me pug ni okwe Rubanga ebedo nakanaka, ebela me pug me pore ebedo ebela me ajakanut ni.
9
. In imaro pore do idagi raco pimano Rubanga, en Rubanga ni ewiri kede moo me yom cuny kato jo woti.
10
. Kede in Rwot in en kame igeo timo iging gi me piny ii agege malo da obedo tic me cingi.
11
. Gin kibino rwenyo, wir do in idong adonga nakanaka do gin dedede kiyaro tic bala egoe.
12
. In iyaro jojono gi bala egoe di cal gi ko lokere doko pat, do in idong di ical acala amanono muakini ni likame jik.
13
. Do malaika mene kame cengemoro ewac ne bee bed ibad me tuu cam na, paka tuno ango keto jo kwor ni ka tieni piny?
14
. Likame gin dedede kibedo jo tic atie cuny kame kocwao pi timo tic pi jo kame oyaro lunyo alaka?