¹ Paulo kame obedo nga oor, kalikame kajo amotoko kiyer ka dano do Yesu Kristo kede Rubanga Papa kame oyaruno en kikom jo koto ² Karacel kede imiegu kede amiagu acwao baluwani but kanisan me Galatia ³ Kisa kede mulem kame wok kibut Rubanga Papa wa kede wode Rwot wa Yesu Kristo bed kede wu ⁴ Kojalo kuo mere pi dub wa, me wek tetekeny elakwa ikom dub kame tie i piny ni di upere kede mit ka Rubanga Papa wa ⁵ Deyo bed but en pi mwaka kede mwaka Amen ⁶ Atie kede ur twatwal pi ekite kame wun ikwanyerenu kede tenge kibut ngat kame olwongo wu i kanisa ka Kristo di ikounu ot i Ejiri ace ⁷ kame doko likame obedo Ejiri ace apat, do tie jo mogo kame kelo ne u peko pi gin dudubo Ejiri ka Kristo ⁸ Akadi kono wan, arabo Malaika ame oyai kimalo bin di eko tuco ne u, miero lame. ⁹ Bala kite kame oudo a waco kede sek, nan da pwodi bobo ayamo amanono kame ngatamoro otuco Ejiri ace apat butu akato kame un itiekunu gamo pore lame. ¹⁰ Benyo ango likame nan atie supo jo? Benyo ango atie mono epone me yomo cuny jo? pien kame ango oudo atie yomo cuny jo likame pore ango do bedo nga tic ka Kristo ¹¹ Do ango aniango u be Ejiri kame ango atuco butu likame owok kibut dano ¹² Pien Pien likame agamo kibut dano, amotoko dano en kopwonya iye, do aude ki yabere ka Yesu Kristo ¹³ Pien itieko winyo epone me kuo na ikare okato di oudo pwodi atie i edini me iyudayan, oudo atidilo kanisa ka Rubanga i epone okato kare di adudubo en. ¹⁴ Ako mino ameda i edini me iyudayan akato mere atot irom na kena i ateker di mede ameda bedo kede apil me ito kajo apapina. ¹⁵ Do kame eyomo kede cuny Rubanga, kame opoko ango iye auris katotona, eko lwonga kede kisa mere. ¹⁶ Me yabo wode iiya, me wek apwony kop mere idiere me jo kakwie awakawaka likame ako ot udo tam ikom kede remo: ¹⁷ Likame ako ot i Yerusalem but jogo kame oudo tie jo or di pwodi ango do ako ot Arabia oko dwogo bobo Idamasiko ¹⁸ Dido icen me mwakini adek aoto Yerusalem neno Petero ako bedo kede pi ceng tomon iwie kany ¹⁹ Do jo or apat likame aneno ngatamoro, kwanyo Yakobo omime Rwot. ²⁰ Rubanga ngeo be kop kame ango atie wandiko ne u obedo ateni ²¹ Icen mere ako bino i adul me Siria kede Silisia, ²² Likame oudo angere wang kede wang but kanisa me Yudea kame oudo tie i Kristo ²³ Do oudo gin ki winyo kenekene, be ngat kame oudo dagi wa ikare okato nan do tie tito yei kame bin oudo etie dudubo ²⁴ Kiko mino Rubanga deyo pira