1
. Pi mano bedunu jo kame lubanga bala idue me amara.
2
. Di ikounu oot kii amara bala kame Kristo da omaro wa kede di eko jaalo kome pir wan ba irabu kede gi ayala but Rubanga kame tie ngwece kikukuny.
3
. Do tim me caro karacel kede emuna amotoko ingobelel kur winyere idiereu bala kame ibecokina kede ne jo kacil.
4
. Akadi tim kinojorijiji, arabo yamo me mingo, amotoko iwa areco, kwanyo kenekene mio unu pwoc.
5
. Pien un ingeunu be imalaya, amotoko dano kalikacil, arabo ngai ngobelel, nga wor cal jwogi li kede iner kii ajakanut ka Kristo kede me ka Rubanga.
6
. Kur iyeunu ngatamoro ngalo wu kede kope me abe pien pi ekede me gigi nogi en omio lilo ka Rubanga tie bino ikom iduwe ko jomo.
7
. Pimano kur inywakunu kede gi.
8
. Pien bin wun ibedunu colo ikare moru, do nan do itienu lero kii Rwot; ootunu do bala idue me lero.
9
. (Pien anyakini me Tipo neeno ki bero dedede kede poore kede ateni)
10
. Di ngicunu iber jamini kame Rwot mito.
11
. Dokon kur inywakunu kede tice me col piny kame anyakini gi li do akaka mano dagunu gi.
12
. Piento etie da dokon gi me lewic me yamo jamini kame jo go timo kii mung.
13
. Do gi dedede kame reco bino neeno kaka leri pien gi kame woto jame kaka ler en lero.
14
. Pi mano en ewaco be, ceunu un jo kame tie nino, di kounu yaruno ikom jo ko too, di Kurisito ko mino u lero.
15
. Nenu be iotunu kede rieko, weko bala jo mingo do bala jo ariek.
16
. Di gwokunu isawan pien cengo gi reco.
17
. Pimano kur ibedu jo alika riek, do jo kame niang nyo kame Rwot mito.
18
. Dokon kur imerunu kede kong, kame kelo abwalar do pongunu kede Tipo.
19
. Yamunu kede were kede kope kame gero jo di werunu were me cuny kede dwan ka mit ki cunyu ne Rwot.
20
. Di imarunu miino pwoc but Rubanga kede papa pi gi dedede ki nying Rwot wa Yesu Kurisito.
21
. Di ture renu kenu buli dano but nga wote kii iworo Rubanga.
22
. Mon, ture renu but cwooju ikokome, bala ne Rwot.
23
. Pien icuwo en obedo wi dako, bala kite kame Kurisito da tie kede wi kanisa: dokon en ebedo ngalak me kom.
24
. Pi mano, bala kite kame kanisa turere kede ne Kurisito aso pore mon da tim ka manono but cwog gi kii gi dedede.
25
. Cuwoi marunu mon wu bala kite kame Kurisito da omaro kede kanisa di eko mii no kome pire.
26
. Tetekeny wek elwoke di eko lonye kede pii kame obedo kop mere.
27
. Tetekeny ekele bute di etie kanisa me deyo, di eli kede emuna, ara bo akemer amotoko aimoro acal kamanono do me wek ebed cil abongo ibunan moro.
28
. Aso epore ne cuwo maro mon gi bala kite kame ki moro kede kom gi ken gi. Dano kame maro dako mere maro kome kene.
29
. Pien likame tie icuwo moro kame dagi kome kene; do epite di egwoke, bala kame Rwot da timo ne kede kanisa.
30
. Pien wan obedo adulio me kome me ringo mere kede me cogere mege.
31
. Pi tien kop noni icuwo oyaro weko papa mere kede toto mere di eko makakin but dako mere di gin are kiko bino doko kom acel.
32
. Manoni obedo mung adwong: do ango ar=tie yamo ikom Kurisito kede kanisa.
33
. Akadi di mago di tie do pore icuwo mar dako mere bala kame emaro kede kome kene: di dako da ko neno be eworo cware.