1
. Awandiko itabu me agege Ngadwong Teopilo, kame mako gidedede kame Yesu ogeo timo kede pwonyo,
2
. tuno kede iceng kame oture kede malo, Ingei en mino giamia me Tipo kacil but joor mege kame en eyero.
3
. Kakame otieko tidilo kede en eko nyutere iyote apapat kame moko ateteni be en ekuo, eneno negi pi ceng ot ongwon di eyamo kop Ajakanut ka Rubanga.
4
. Kakame ecokere kede gi karacel, eko ciko gi be miero kur ki yai ki Yerusalem, do kidar giacika ka papa, kame ewaco wun bin iwinyunu kibuta.
5
. Pien Yokana ateni batiso kede pi do kobino batiso wun kede Tipo kacil Ingei ceng anonok.
6
. Kakame kibino kede karacel, gin kiko penye be, Rwot mam ikare noni en kame ibino dwoko kede bobo Ajakanut ne Isirael?
7
. En eko waco negi be likame etie pi wun ngeno ceng arabo kare kame papa otieko keto itwer mere.
8
. Do ibinunu udo twer kame Tipo kacil obino but wu, di ikonu bino bedo ijurak na I Yerusalem kede Iyudea dedede, kede Isamaria tuno kede iajikini me wilobo”
9
. Kakame etieko yamio kede ginogi di gin kitie neno, oko tinge kotere malo, bobo da edou oko ume iwang gi.
10
. Di oudo gin kikitokin twatwal ngino malo, kakame en oudo etie oot kede cuo are oko cungo inget gi di kingapo engape katar liamaliam,
11
. di kiko waco negi be, “Wun cuo me Galilaya, pinyo bo komio ikitokinunu cungo ngiico malo? Yesu noni kame kokwanyo kibutu, di oko tere malo oyaro bobo dwogo iye pone acel nono bala kite kame inenenu kede di eoto malo.
12
. Gin kiko dok Yerusalem yai kimoru kame kolwongo be olibeti kame yai ki Yerusalem kame romo ot me ceng me sabato.
13
. Do kakame kituno kede gin kiko donyo iagola me malo kakame oudo ibedo iye; Petero kede Yakobo kede Yokana kede Anderia, Pilipo kede Tomasi, Batulumiayo kede Matayo, Yakobo wot ka Alipayo kede Simoni Selotes kede Yuda omime Yakobo.
14
. Gin dedede kiko medere kede cuny acel ilega kede kwac karacel kede mon kede maria toto me Yesu kede imiegu mege.
15
. Iceng nogo, Petero oko yai cungo idiere me josiao (wei gi oudo romo tol acel kede ot are) en eko waco ne gi be.
16
. Cuo kede imiegu iwandik kacil oudo miero cobere kakare kame bin Tipo kacil owaco idog Daudi kame mako Yuda ngat kame bin otelo jo komako Yesu.
17
. Bin komare karacel kede wa, doko eko udo epelu itic noni.
18
. Pien icuo noni oko wilo poto kede giamia me cul pi dub mere karac, en eko poto adule, di eko mwoc idiere di jamini me yie okobwote oko dedede.
19
. Eko ngere but jo dedede kame udo bedo Yerusalem di oko lwongo poto nono twatwal ileb gi be Akeldama, dwong mere be, poto me remo.
20
. Pien kowandiko Isabuli be wek kabedo mere dong nono doko kur ngatamoro bed iye da, kede tic mere me ngakan moro lunyi.
21
. Pi mano nataman kikom cuo kame lem obedo upere kede wa ikare dedede kame bin Rwot Yesu bino di wok idiere wa,
22
. Cako ikare me batisimu ka Yokana, tuno iceng kame kotere kede malo kibut wa, miero do kwer ngat acel pi bedo mijura karacel kede wa ikom iyarun mere.
23
. Gin kiko kelo jo are: Yosepu kame udo kolwongo be Barasaba, kame bin udo nyinge me pene Yusito, en kede Matiya.
24
. Gin kiko lego dikiwaco be; in Rwot en kame ingeo cuny jo dedede nyut ne wa kikom jo are gi ngat kame in iyero.
25
. Me wek eluny wang tic kede or kame Yuda I bal mere oweko me wek eot kabedo mere.
26
. Gin kiko uco alulu pirgi, alulu oko mako matiya. Dido oko ribe ikom joor tomon kiwie acel.