1
. Di ceng me pentekot kime otuno oudo gin dedede kitie kede tam acel ikabedo acel.
2
. Cucuto nono di mor oko wokun kimalo bala yamo kabuko kitek, Di eko pongo iot dedede kakame bin kitie bedo iye.
3
. Ikamono gimoro diko neno negi bala leb mac kokarun, di eko poto ikom dano acel acel kikom gi.
4
. Di gin dedede kiko pong kede cuny kacil, di gin kiko cako yamo kede leb apapat, bala kame cuny acil omio gi kede twero.
5
. Bin tie jo ame bedo iyerusalem Ame kobedo iyadayan kojalere iworo Rubanga, bin kiwok iyatekerin me wi lobo.
6
. Kakame mor nono Owinyere kede ekodet me jo oko cokere karacel, di wigi oko cungo pien ngat acel acel kikom gi oko winyo di oyamo leb mere ikome.
7
. Di gin dedede kiko bedo kede uro twatwal diki penyere kengi kengi be liame jogi dedede yamo leb me Galilaya?
8
. Do epone nyo? kame dano acel acel kikom wa tie winyo leb mere kame konywale iye.
9
. Jo me pasia jo me mede kede jo me elam kede jo ame bedo imesopotamia kede jo Yudaya kede jo me Kapadosia, jo Ponto, kede Esia.
10
. Jo me purigia jo pampulia, jo Misiri, kede jo me Adulio me Libia, kame Kopugo Sirene kede wele koyai ki Roma, iyudayan kede jo Kolokeyere idini me Iyudayan.
11
. Jo kurete kede jo me Arabia wan Owinyo gin kiyamo kede leb wa uce katek kame Rubanga Otino.
12
. Gin dedede kiko bedo kede uro kede Aduininkin diki yamo kengi kengi be man nyo?
13
. Mogo oko geno nyero mi acae diki waco be jo omer kede kongo anyen.
14
. Do Petero diko cungo malo kede jo tomon kede wie acel, di eko yamo kede dwan amalo, di ewaco negi be, un jo me yudaya kede jo dedede kame bedo Iyerusalem, ngeunu man be di kounu ciko itu di ikope na.
15
. Pien jogi lio mer bala kita kame un itamu nu kede nenunu pedi etie esawa Adek me odiko.
16
16. Do man en gi kame bin enabi Yoweri owaco.
17
. Rubanga owaco be ikare me ajikini abino conyo cunya ikom jo dedede. Di awobeu kede anyirau bino imurai idweu alino kobino neno yabere di jou kocato kobino leko lek.
18
. Abino oonyo cuny na ikom ipasoi na Acuo kede amon Iceng nogo, Di gin kiko bino imurait.
19
. Doko abino nyuto gi ura imalo kede gi aneno=a idud lobo, Remo kede mac kede ekuna ame duny iiro.
20
. Ceng bino lokere doko col, di dwe ko lokere doko Remo, di ceng Adwang APire tek me ka Rwot lio tuno.
21
. Do kare bino tino ame ngat bino iwango nying Rwot kobino lako.
2422
. Un jo me Isireal winyunu kope gi Yesu me Nasaret dano kame Rubanga omoko idiereu kede tangu, kede jiaura gia nene. Kame Rubanga otimo kede en idiereu bala kita kame uda kikomu ingeo nu kede.
23
. En bin ojale lye karinikinu kede ingec ka Rubanga. un dikonu tere kede cing jo dubo. Ikonu gure di ikonu neke. . Kame Rubanga bin oyaruno, di oko gonye lye aramo me too. Pien likame oudo ture be too pore jemo kede.
25
. Pien Daudi riki owaco kop ikome be, aneno Rwot di tie iniyima nakanaka pien etie ibada tetu cam tetekeny kur gimoro nyika.
26
. Pi mano cunga diko ilel. leba diko bedo kede yom cung. Akato mere da koma diko wei igen.
27
. Pien likame Idino weko tipo na ikabedo me jo otoo. Amoto weko dano ni kacil pi top.
28
. In imia ango yote me kuo in ibino mina kilel Adwong kinyimi.
29
. Jo na imiegu kede amiegu na. wek ayam kedeudi agonyere ikom kwaru wa Daudi ame riki di oko ike dokon ates mere tie kede wan paka tin.
30
. Pi mano bin en ebedo enabi doko din engeo be Rubanga olairo kede cikere be kibute kede ikwae mege, di lubere kede kom, ebino yaruna Kirisito di eko keto ikom mere.
31
. En eneno man sek di pwodi likame eyamo ikom too ka Kirisito be tipo mere tikame bin oweko ika bedo me jo otoo. Amotoko ringo kome top.
32
. Yesu noni kame Rubanga oyaruno en kame wan dedede obedo ijurak mege.
33
. Pi man kita kame en okiarao en kede kibad tetu cam ka Rubanga, di en eko gamo kibut papa cikere me cung kacil di en eko ango kame nataman, un inenunu kede kame iwinyu.
34
. Pien Daudi likame bin kotingo malo. Do en ikome ewaco Rwot oko waco ne Rwot na be bed ibad tetu cam na.
35
. Tuno kede di ango amio jo kwor ni odoko ka teno tieni.
36
. Pi mano wek jo dedede me ot me Isirail ngei ateteni be Rubanga omio Yesu nono kame un igurunu odoko Rwot kede Kirisito.
37
. Kaka me gin kiwinyo kede kop ni, oko cobo cuny gi di gin kiko yamo ne Petero kede Josia ocengun be jo wa imiegu kede amiegu wa wan do otim benyo.
38
. Di Petero oko waco ne gi be swilaronu di oko batiso ngat acel acel kikonu inying Yesu Kirisito me kwanyo dub, di okonu udo giamia me tipo kacil.
39
. Pien cikere ni omio butu kede but idweu kede but jo dedede kame tie kaka boco kiton jo atot kame Rubanga bino iwongo.
40
. Kede kope atot en emuo ijura but gi di ecuko cunyi di ewaco ne gi be lakunu kom kibut iwak kodubere me ikare ni.
41
. Do jo kame ogamo kop mere kede cuny oko batiso gi di iceng acel nono jo oko mede ikom gi jjo tutumia adek.
42
. Di gin kiko mede keto cuny gi ipwony me Josia kede inywak, kede ituturo mugati, kede ilega.
43
. Di iwoko oko mako jo dedede. Pien Josia otino gia me aura, kede gi anena atot.
44
. Doko jo koyei dedede oudo bedo karace dikki inywako jamini dedede karacel.
45
. Di gin kicato poti kede jamno gi di kiko pokopoko but jo dedede di lubere kede nut me dano acecel.
46
. Doko oudo gin kimede bedo karacel nakanaka itempulo diki tuturo mugati iot lot. diki camo cam gi kede ayoma ic kede cuny acel.
47
. Di kipako Rubanga diki kitie kede kisa but jo dedede oudo Rwot medo jo kame lakere buli ceng ikanisa.