1
. Aciki inyim Rubanga kede Rwot Yesu Kristo oyaro ngolo ne jo akuo kede jo oto kop idongo mere kede ajakanut mere.
2
. Tuc kop bed di iyikere ikare dedede, yiki burano mi nwang cuny kede ikanyakin adwong.
3
. Pien kare binobino kalikame gibino dire kede pwony icararai do pi mit me kom gi bino coko jo pwonye apwonyo gi ayomo cungi.
4
. Kede gibino lengo yit git tenge i ateni di gi ko lokere winyo kop alikede ateni.
5
. Do gwokere igi duc, kanyakino peko ti ticeni me ejiri kede tiek tic ni me tuce.
6
. Pi ango nan aikere me amia bala gi ayala do karena me yai tie tuno.
7
. Ango gira ayiyi aber, atieko epeluna, adaro yei.
8
. Nando otieko ikoma ocoro me pore kame Rwot angol kop opore bino mina iceng nono kede likame ango kena do but jo nogo dedede da ame daro dwogo mere.
9
. Tim kede teko pi bino awakawaka.
10
. Pien Dema ojala, pi amara me lobo kede eoto i Thessalonica kuresene i Galatia, Tito i Dalamatia
11
. Luka kene atie kede, kwany Marako iko kele kedi: Pien piretek buta pi tic ni.
12
. Tukiko acwao i Epese.
13
. Esuka ame aweko Teroa but karapo, di itie bino bia kede, kede itabun, do tutwalmere cik acon.
14
. Alekesanda atet otimo na gire raco: Rwot cule dilubere kede tice mege.
15
. Bed di igwokere kede, pi edagi kitek kop wa.
16
. I dwokini na me agege likatie ngat ocungo kede do jo duc ojala: A lego Rubanga be kur eket raco nogo iwigi.
17
. Do Rwot oko cungo kede eko mina teko be di beo ibutango ejiri ngere tetekeny jo ame likatie iyudayan da winyi. Do oko laka idog engu.
18
. Rwot bino laka iraco dedede, di eko gwoka i ajakanut mere imalo: Deye bed buti nakanaka Amano.
19
. Mot Purisila kede Akwila kede diakal onesiporas.
20
. Erasito odong Korinto do Toropimu aweko miletu di tuo.
21
. Tim kede teko ni dedede pi bino dipwodi kare me ngico. Eubulu moti kede pulen kede Linu, kede Kulandia kede imiegu dedede.
22
. Rwot Yesu Kristo bed kede tipo ni Kisa mere bed kedi Amano.