1
. Pimano atin na bed di itek ikom kisa ame tie ikom Kuristo Yesu.
2
. Do gikame iwiny ibula inyim ijurak atot magongo ida mi but jo kame genere ame bino twero pwonyo jo ace da.
3
. Pimano kanyakino ikare atek bala sirikale a Yesu Kuristo.
4
. Likame tie nga yi moro kame bodo wie kede kuo me piny kan, do wek etim gikame yomo cuny ngat ko yero en bedo sirikale.
5
. Doko kame dano moro tie nga ringo likame eudo gia mia, kwanyo di elubo iswil me ringo.
6
. Ngapur ame puro pore bedo nga agege me udo anyakini me tic mere.
7
. Winyi gikame ango ayamo me wek Rwot mei iud niang ikom gi dedede.
8
. Yutuno be Yesu Kuristo akwar Daudi oyaruno ikom to bala kame ejiri na tie kede.
9
. Pi ejiri noni en amio ango akanyo can bala ngadubo pakana tuno iot kol do kop ka Rubanga likame otweo.
10
. Pimano ango akanyakino gi dedede pi bero me jo kame oyero me wek gin ki ud alako ame tie ikom Kuristo Yesu kede deyo me nakanaka.
11
. Etie kop me agena pi kame wan oto kede en, wan obino kuo bobo kede en
12
. Kame wan obeo ican obino bobo pug kede en kame wan odage eda ebino dagi w,
13
. Kame wan likame oyei ikome en ebino dong di egenere pi en likame edagere kene.
14
. Ikom kope gi ket gi iyutunu iko kwenyaro jo inyim Rwot wek kur ki dony piem ikom kope akony gi li ame dudubo jo ame winyo.
15
, Somi pi nyuto tienu but Rubanga bedo ngatic alikame pore bedo ileuc, ngat kame poko kiber kop me ateni.
16
. Dagi yamo mogo ame kony gi lii pien ki bino medo li me woro Rubanga.
17
. Doko kop gi bino bedo bala adola ame nyai ame obedo kumenayo kede pileto.
18
. Jo kame oparao ikop me ateni di ki yamo be iyarun otieko kato di kiko reto yei me jo ace.
19
. Kamano tie da acakini ka Rubanga cungo di osipo di etie kede amok be, Rwot ngeo mago ame tie mege. Doko be, wek ngat aciel aciel ame olwongo kede nying Kuristo yai tenge ikom dub.
20
. Do ikom ot adwong likame tie jame me sabu kede siliba kenekene, do tie jame ame otimo kede ibaon kede lobo mogo otio kede gi pi wor mogo otio kede gi ili me wor.
21
. Kame dano olonyo kome ikom magi dedede ebino bedo gitic me wor olonyere di eko ttuno imit ka Ngadwong eko nyutere ikom tice abeco.
22
. Yai tenge ikom mit me eponga: do lub poore yei amara kwei kede jo go jo kame iwongo Rwot kede cuny acil.
23
. Do kope me mingo kede peny alikame nyuto rieko weki di iko ngeno da be ki kelo piem.
24
. Ngatic ka Rubanga pore bedo ngat alikame piemo; do epore bedo dano ame mwole but jo dedede, ngat kame pwonyere dire.
25
. Iyi mwolere ngat kame pwonyo jo kame piemo kede me wek Rubanga mi gi cuny me swilaro tuno ingec me ateni.
26
. Me wek gi ki mai kom gi iye owic ka Sitani ame otero bedo ngabus ikom mit mere.