¹ Pien wan ikomu imiegu kede amiegu na, ingeunu donyo wan butu be likame oudo ebedo me nono. ² Do akadi icen ngei mano, wan okanyo can doko otimo ne wa time me leuc bala kitekame wu da ingeunu kede i Pilipi. ³ Do wan cuny wa nwang i Rubanga wa pi tuco ne wu Ejiri a Rubanga kede piem adwong pien kwac wa oudo likame wok iye angalo arabo ingolo rieko. ⁴ Do, bala kite kame Rubanga oyei geno wa kede kop me Ejiri, Pimano wan likame oyamo pi yomo cuny jo do kwanyo Rubanga ngat kame tamo cuny wa. ⁵ Pien likame tie esawa moro kame wan otio kede kope amit, bala kame ingeunu kede, amotoko di oumo eranga wa. ⁶ Pien Rubanga en ijura doko likame oudo deyo ayai ibut jo apat me wek kur obed yec apek bala jo pwony a Kristo. ⁷ Do wan obedo mwol idiere wu bala kite kame dako gwoko kede idwe mege. ⁸ Aso kite kame wan obedo kede, par piru di omito wu tic kede mit atek pi nywako kuo wu, likame Ejiri a Kristo kenekene do iton cuny wa da idokunu jo kame omaro irom atek. ⁹ Pien wun iyutunu nu, imiegu kede amiegu na, cane wa kede tic atek. Pi tic iwor kede iceng piento likame wan omito kelo ne ngatamoto ikom wu adia dia di wan otuco Ejiri a Rubanga but wu. ¹⁰ Wun ibedunu Ijurak, iton Rubanda da, pi epone kame wan obedo kede kuo kacil, di omwol doko abongo ibunan idiere diere wa jo oyei. ¹¹ Bala kame wun ingeunu kede kitekame wan obedo gwoko wu kede di odaro wu di ocukoro cuny ngat acel acel bala Papa kede idwe mege, ¹² tetekeny wek itwerunu ot iye kite kuo kame yomo cuny Rubanga ngat olwongo wu iye ajakanut kede ideyo mere. ¹⁴ Pien wan, imiegu kede amiegu, na ibedunu jo kame lubo Kanisa a Rubanga kame tie i Yudaya I Kristo Yesu. Wun da ibedunu kanyo pekini atot bala jo me lobo wu, ibut i Yudayan ¹⁵ kame oneko Rwot wa Yesu kede inabin gi di gin iko cano wa, gin iko wango cuny Rubanga di i piem kede jo dedede. ¹⁶ Gin igengo wan tuco Ejiri but jo kalikame i Yudayan kame oudo romo lokere. gin iko medo pongo dub gi ameda pien liko a Rubanga tie bino ikom gi irwom agwai. ¹⁷ Do wan, imiegu kede amiegu, okwanyo wan tenge ki butu pi kare acecek, ikom do likame icuny. Wan otamo, kede mit adwong, pi neno wang wu. ¹⁸ Pimano wan oudo omito bino but wu ateteni, Ango Paulo, do Sitani oko totolo wa. ¹⁹ Pien nyo kara en obedo gen wa, arabo ilel, amotoko ocoro me ewaka? likame ebedo wan nogo inyim Rwot wa Yesu Kristo i ceng me bino mere.? ²⁰ Pien wun en ibedunu deyo kede ilel wa.