¹ Ngat kame yei be Yesu obedo Kristo udo enywalere i Rubanga, ngat kame mare udo enywalere i amara mere bobo udo etieko nywalere i en. ² Kede mane wan ongeo be omaro idwe a Rubanga, kame omaro Rubanga kede ogwoko iswilia mege. ³ Man en obedo amara a Rubanga: me wek ogwok cikere mere kede cikere mere kalikame tek. ⁴ Ngat kame onywalere i Rubanga udo eloo lobo. man en obedo loc kame eloo lobo kede yei wa. ⁵ Ngai en obedo ngat oloo lobo? do ngat kame yei be Yesu en obedo wot a Rubanga. ⁶ Man en obedo en kame obino kede pii kede remo, akadi Yesu Kristo da likame obino kede pii kenekene, do pii kede remo. Kede do Tipo Kacil kame mio ijura, piento Tipo Kacil en ateni. ⁷ Tie jo adek en kame mio amok i malo, Papa, Kop kede Tipo Kacil, jo adek gi tie acel. ⁸ Jo adek da en kame mio ijura i lobo, Tipo Kacil, pii, kede remo. Adek gi yei iyie acel. ⁹ Kame oudo ijura me jo, ijura a Rubanga dwong kalamo. Pi man en obedo ijura a Rubanga kame etuco ikom wode. ¹⁰ Pi ngat kame yei wot Rubanga udo etie kede ijura i en kene. Do ngat kame likame yei Rubanga udo nga ngalo, pien likame en eyei kede kop kame Rubanga omio i wode. ¹¹ Kede man en: kop a Rubanga omio wa en kuo kalikame jik, kuo ni tie iwode. ¹² Ngat kame tie i wode udo eudo kuo. Kede ngat kame likame tie iwot a Rubanga udo kuo li iyie. ¹³ Jamini gi ango awandiko but wun jo oyei nying wot a Rubanga me wek ingeunu be itienu kede kuo kalikame tiek kede da ikounu yei inying wot a Rubanga. ¹⁴ Man, en asupo cuny a wan oudo i en be kame wan openyo gimoro di lubere kede mit mere, ewinyo wa. ¹⁵ Kede ka wan ongeo be ewinyo wa, gi a wan obino penyo, ongeo be oyaro udo ibute. ¹⁶ Kame icuo moro oneno omimere di timo bal kalikame tere i too, epore penyo ngat kame poore mino kuo but jo otimo bal kalikame tero gi i too, tie bal atero jo i too, likame tie yamo be oleg iye. ¹⁷ bedo abongo cilo en bal, do tie bal kalikame tero wa i too. ¹⁸ Wan ongeo be ngat onywalere i Rubanga likame timo dub, do ngat onywalere i Rubanga gwokere kene kede jo tim areco da likame bino mule. ¹⁹ kede wan ongeo be wan me a Rubanga, kede lobo dedede tim areco tie iye. ²⁰ Wan ongeo be wot a Rubanga obino bala niang me wek wan ongee ebedo ateni. wan otie iye ateni mere i wode Yesu Kristo. ²¹ Idwe atino, pokere nu tenge kede woro cal jwogi. nakanaka.