¹ Ana gi wonus hakki fi Kristo ana gi kabas ma, Roho tayi gi kelem ne Roho ab nedif. ² Ligo ana endis singa milan me kasur te gelba. ³ Kalam kan ana sidu aju daya Kristo kalam akwaana tayi me anas te familiya tayi te gildu. ⁴ Deya nas Israel ab wedi kede umon kun yala m heshima, me ahadi, me kutu noumon shariya, me so kidima te Rabbana, me sokolina kulu ab ja ahadi. ⁵ Anas al endis nas jidi toumon, nyereku Kristo ab tala min gildu ab gi hukum kila sokol Rabbana ab gi wedi nowo heshima fi wakti kulu ameena. ⁶ Lakin ma kalam, kalam te Rabbana ja wassa. Kalam anas ab gi tala min Israel mon ya ma ya nas Israel. ⁷ Ma kalam deya nyereku te Ibrahim, ya kun sabab te kun yala umon kulu lakin, min Ishaak ya nyereku taki bija futu min na. ⁸ Ya ja kelem gali yala te gildu, de ma ya yala te Rabbana, lakin yala ab gi steenu an ab gi ahadi ya gi hisab ya yala. ⁹ Kalam kalam wedede ya te ahidi, je wakti dolde bija rasulu, me Sarah bija kun me nyereku. ¹⁰ Lakin ma wede barraw, lakin me Rebecca bakan ligo batna, te wayi Ishaak jidi tena. ¹¹ Kalam wakti ab malisa weledu uwo, ligo umon ma ja so, kuwesi aw batal. Wafaka ta Rabbana fi nigitu kan kala bija kun gowu, ma kalam amal lakin kalam te ajol al gi futu. ¹² Ajol al gi kelem nowo gal kebir bija kun labi te sakar. ¹³ Gye namna ab ja katifu gali Yakobo ana ja hibbu uwo lakin esawu ana ja karaha. ¹⁴ Ina bija wonus kefin? Kun bila hidaaya fi ne Rabbana? wede singa. ¹⁵ Kalam ogi kelem ne Musa gali ana bija ayinu huruma te ajol al ana bi ayinu, ana bija ayinu huruma te ajol al ana bi ayinu huruma to. ¹⁶ Yala ya kan jede de ma ya ta ajol al waju, salakan batna to gi mashi,illa te Rabbana ab gi ayinu huruma. ¹⁷ Kalam ab jaa katifu gi kelem na Phorouh,ya ana ja agifu ita, baada to ana kede ja weeri gudra tayi fugita wu asma tayi kede ja wonus fi duniya taman. ¹⁸ Yala ya fi jede ogi ayinu huruma te ajol al waju ayinu huruma to, ya fi jede ogi arja ajol falata, ajol ab waja arja falata. ¹⁹ Yala ita bi kelem naana sunu ab gi kutu kede uwo geleb ana?Kalam mun ya gi abusu sokol ab waaju? ²⁰ Lakin al gi shinda ita ajol, ita ya munu ab gi juru laabil me Rabbana sanam bija kelem ne sidu adul uwo gal sun ya kutu kede ita adul ana jede? ²¹ Wala ajol al gi adul sanam min(bumba) om endis amri fi tura, fi kiyas te (bumba) so kiyas wayi ab te heshima,taani te haya? ²² Sunu satan Rabbana kan aju weeri gelba harri to ma weri gudra to, oso subra me steenu zaidi kikapo te gelbaa harri ab ja kutu te keregi? ²³ Dukur kede oa weeri utajir to te heshima te ayinu huruma ta anas al kan waadul zaman heshima. ²⁴ De ya ina me naadi ab uwo ja naadi ma fi nas Yudaaya barraw ladi na nas te beelana? ²⁵ Ya ja namna ab uwo gi wonus fi koseya ana bija nadi itakum anas tayi, anas al ma anas tayi ajol al aju ma bija aju uwo. ²⁶ Fi bakan ab ja kelem noumon gali itakum ma anas tayi, ya mon gi ja ganidu umon yala te Rabbana ab hayyi. ²⁷ Ya Isaya gi wonus kalama te Israel gali rakam te yala te Israel kan bija kun je musenyu te bahari, bakan ab gi ja fadul ya bija ligo hidaaya. ²⁸ Kalam Rabbanabija so jalam to fi duniya ligo ogi timi ga ligo ogi ta fogo. ²⁹ Ja namna ab Iaya ja wonus gal kan kan Rabbana te keya ma ja seebu neena nyereku ina kan bi kun je sodom okan bi kutu ina beenu je Gomora. ³⁰ Asede ina bija wonus kefin? Gaal anas beelana ab ma ja fatiya hidaaya, mon rasul fi hidaaya, ya hidaaya ab gi tala min amin. ³¹ Lakin Israel, fi fwata shariya te hidaaya mon ma rasul fi shariya naade. ³² Leey? Kalam umon ma fatiya ligo umon gi yegifu fi amin, lakin fi amal mon dusu aw samba fi laageri al ma gi samba fogo. ³³ Je namna ab ja katifu gal ayinu, ana gi kutu fi sayuuni ab gi: dusu fogo me gala al gi jade ajol al bi rudu wede oma bikun me haya.