¹ Mon ma endisi makosa anas kulu al fi Yesu Kristo. ² Kalam shariya te roho te hayi al fi fi Kristo geeru ana kun ajol te amaani, amrugu ana min batal te shariya te mutu. ³ Kalam shariya sokol al ma agder meyi ne gildu, Rabbana bakan rasul nyereku to fi picha al te gildu al batal ogata ne gildu kesi al batal. ⁴ Nedif te shariya dukur kede rasul neena anas al magi dooru fi fwata gildu illa roho. ⁵ Kalam anas algi fwata gildu umon gi feker gali te gildu mon gi fekeri te gildu wu anas algi fwata roho mon gi fwata roho. ⁶ Kalam agil te gildu mutu bara lakin fikra te roho ya hayi me raha. ⁷ Kalam feker te gildu hatari na Rabbana kalam ma gi hukum uwo me shariya te Rabbana. ⁸ Me dolde al fi gildu mon ma agder fulayisha Rabbana. ⁹ Lakin itakum ma fi gildu lakin itakum fi fi roho, aw roho te Rabbana gi gen fugu itakum ajol kan ma endis roho te Kristo uwo ma gi gen roho te Rabbana . ¹⁰ Kan Kristo fi fugu itakum gildu takum gi mutu kalam batal, lakin roho ya hayi te hidaya. ¹¹ Lakin roho te Yesu alja gum min meitin gen fugu itakum alja tooru Yesu Kristo min meitin me gildu takum algi mutu obija kutu kede kun hayi. ¹² Akwana ina endisi deeni gildu ma ya gi banja ina kun ligo ina gi fatiya uwo; ¹³ Kan ina bi fatiya gildu itakum bija mutu, lakin kan itakum bi seebu kidima te gildu tokum bija kun hayifi roho. ¹⁴ Kalam anas kulu al gi fatiya roho te Rabbana deya yala te Rabbana. ¹⁵ Kalam ata wedi neitakum ma roho telabi me kwafu. Lakin wedi neitakum roho te kun yala ligo ina gi koore gali Abba baba tena. ¹⁶ Roho taasil bakan wayi me roho tena maana to kulu gali, ina yala te Rabbana. ¹⁷ Je namna ab ina fi yala lakin ina fi warith te Rabbana ya fi jede ina gi na warith bakan wayi me Kristo. Al ne gi ligo bakan wayi motaabu fi mwisho nekul bija ligo heshima mowo. ¹⁸ Kalam taabu kulu al ina gi ligo fi wakti ta sade magi ben je heshima algija fata neena ¹⁹ Kalam ayinu zaidi te sokolina al me kalagu gisten fata ne yala te Rabbana. ²⁰ Kalam (mahluka) kutu kede hukum umon al ma fogo ma kalam aju laajol ta ajol alhukumumon (mahluk). ²¹ Ladi mahluka kulu bija wedi noumon hurriyat wassa min hukum al me sofun dakal fi hishima te yala te Rabbana. ²² Kalam ina arufu mahluka kulu gi ligo shidabakan wayi haadi wakti wede. ²³ Ya wede ma barrawu, lakin ina kaman al endisi fawaakih te roho ina kaman gi koore minjuwa tena, ligo ina gistenkun yala wede ya amrugu te gildu tena. ²⁴ Ligo hidaya ina ligo me abusu gata taama al kan negi taman de ina bija rasul fogo kalam mafi ajol algi kun me matumayini te sokolal uwo ma gi ayinu ²⁵ Ina kan bi taman sokol al ina magi ayinu ina gisten ligo ina kutu fogo subra. ²⁶ Roho kede awun ina min kislan tena kalam ina ma arfu duwa je namna al faa kede ini duwa mo, lakin roho sidu gi asadu me hurumiya ina fi roho almagi wonusu. ²⁷ Ajol al gi taman gelba uwo ya arfu namna ab roho gi wonus mo, kalam uwo gi adul ne anas ab nedif je Rabbana aju. ²⁸ Ina arufuja anas al aju Rabbana anas ab naadi, je namna te wafki aju kila sokol ogiso laajol te seme. ²⁹ Fi wakti ab uwo ja faham zaman , oja jib firka zaman beenu je nyereku to okutu uwo ajol tawlan min akwana to al milan. ³⁰ Fi wakti ab ja ferteku zaman, onadi umon anas al onaadi, owedi noumon hidaya anas al owedi noumon hidaya owedi noumon heshima. ³¹ Ina bi wonus kefin fi kalama dolde?. kalam kan Rabbana fi fi bakan tena aduyi tena ya munu? ³² Omaja aba nyereku to lakin owedi uwo laajal tena kulu, obija gesim neena kila sokol. ³³ Munu ya bija asiki anas ab Rabbana nigitu? Rabbana gi wedi noumon hidaaya. ³⁴ Mun ya bija hukum umon? Kristo ja mutu aw al gum min meitin alfi idda yomin ta Rabbana kede uwo mangu Rabbana neena. ³⁵ Mun ya bija ferteku ina ma mahaba te Kristo? Ayin singa wala waja wala gusu waarena, wala ji yan wala kun aryan wala batal, wala sokol dusman? ³⁶ Je namna al ja katifu uwo gi katulina ladi lata kati ligo ita ya sabab, gi sulina je kooru ab guruwa daba. ³⁷ Lakin fi sabab wede kulu ina shinda ladi fi mwisho kalam Rabbana gi wedi neena gudra wa jina. ³⁸ Kalam ana faham taasil sala kan mutu sala hayi sala malaika sala anas al gihukum, sala kila sokol al fi saade, aw al gi ja fi aw anas te gudra. ³⁹ Sala kan gala, sala kan lufira aw mahluk taani yoyote agder ma ferteku ina ma mahaba te Rabbana, al fi fi Kristo Yesu sidi tena.