¹ Wakti bakan tim fi yom sebi ligo okan gi futu fi samba te ngano swahaba to dukur abidu naga min ena te ngano mon akulu ligo umon gi adaku fi ida toumon. ² Anas te falisaayo taanin mon kelem sunu ya gi kutu kede itakum so kalama ab te haram fi so kazi yom sebi. ³ Yesu arja noumon fogo dukur okelem noumon gali wede itakum kan ma lisagaara fogo ma Daudi ab uwo ja so wakti jiyan ja so wakti uwo fi moumon. ⁴ Wakti uwo ja dakal fi juwa te Rabana uwo amurugu mukati te weeri ne anas waakul dukur owedi ne anas ab kan uwo fi moumon ab ma gi rudu kede akul illa kubarina te diini baraw? ⁵ Okelem noumon gali nyereku te binadum sidi te sabiti. ⁶ Wakti bakan tim fi yom sebi taanin odakal fi hafla uwo alim kan fi fogo ajol wayi ligo idda to lesegu bakan ayi. ⁷ Ini ya nas katiba me nas Falisaayo mon ayinu uwo ligo umon ma, gi weeri ja gal umon gi ayin uwo kan bi agder uwo kede ponyesha uwo fi Sabiti dukur kede umon ayinu namna ab ina agder asiki uwo. ⁸ Dukur uwo arufu fikra toumon dukur okelem ne ajol ab kan ida, to lesegu de gali gumu kede ita yegifu dukur uwo agifu oyegifu. ⁹ Ini ya Yesu kelem noumon gali, ana gi asadu itakum seyi seme yom sebiso seme awu so batal awun maisha awu keregi to. ¹⁰ Dukur uwo ayin umon kulu okelem gal arfa ida taki fi ya uwo so jede, dukur ida, to pona. ¹¹ Lakin umon kulu waga mujunun mon dukur abidu wonusu umon baraw sunu ya umon gura so ne Yesu. ¹² Wakti bakan tim otala oruwa fi gala kede owomba ogen na ladi lata saba. ¹³ Lata bakan saba onadi swahaba to min umon onigitu anas (12) wabidu nadi umon mursalim ¹⁴ Simon ya uwo nadi uwo Petero me andereya aku, to me Yakobo, me Yokana, me Philip, me Batolomeyo. ¹⁵ Me Matayo, me Thomas, me Yakobo nyereku te Alfaayo, me Simon ab kan gi nadi Zerotey. ¹⁶ Me Yuda aku te Yakobo, me Yuda Eskaliyoti ab akul fugu, uwo Lukwe (fitna). ¹⁷ Onenzil moumon wagifu bakan ab addil me kawm ab kebir ab te swahaba, to, me anas milan ab ja tala min Yudaya kulu me Yerusalem, me anas ab tala min bahari ab te tulo, me Sidon ab ja fi asma, uwo me ponyesha ayan toumon. ¹⁸ Me anas kulu ab kan gi taban umon me diamond kaman ponyesha umon. ¹⁹ Me kawm kulu abidu gata agili kede abusu uwo kalam gudra ab gi tala min uwo kan gi tala min uwo lakin gi ponyesha umon kulu. ²⁰ Uwo arfa ena ne swahaba to okelem gali tokum endisi bahati anas ab miskinin kalam mamlaka te Rabana ya takum. ²¹ Tokum endisi bahati itakum ab jiyan giso itai, kalam bija sabanisha itakum, tokum endis bahati, anas ab gi koore asede kalam itakum bija ataku ²² Tokum endisi bahati, anas kan bi kun ligo umon maaju itakum, kan umon bi juru umon boyi min itakum, kan umon bi sitim itakum kan umon bikarabu asma takum gali batal,me kutu itakum fi mahkama nyereku taajol. ²³ Furayi kum fi yom wede, furayi kum zaidi kalam ayinu suwab takum milan fi samayi kalam nas jidi jidi takum ya kaman umon so ne nebija jede. ²⁴ Lakin shida gura lligo itakum toyirin! Kalam itakum kala kun fi raha takum. ²⁵ Ligo badum me etakum anas ab lisa gi ataku asede kalam jiyan gi ja so itakum ligo badum me etakum anas ab lisa gi ataku asede kalam itakum bija ligo singa, tokum bija kore. ²⁶ Ligo badum meetakum anas kulu ab kan anas bija hibu itakum kalam ya jede nas jidi jidi takum namna ab umon ja so mo nebiya te kabas. ²⁷ Ana gi kelem ne etakum anas kulu ana gi kelem neetakum anas ab gi asma ana, aju kum nas aduya takum, sotokum kwesi anas kulu ab ma habbu itakum. ²⁸ Womba tokum baraka ne anas ab gi laanu itakum, womba tokum ne anas kulu ab gi endisi. ²⁹ Ajol ab kan bidugu gwangiri taki geeru noumon sidi taani de; aol abija amurugu min itakum taki mata aba nouwo kanza. ³⁰ Kila ajol ab bi asadu neeta kede ita wedi nouwo; me wedede ab gi amurugu min ita sokol taki mata asadu nouwo maratani. ³¹ Je namna ab itakum aju anas kede so neetakum ya kaman kede itakum so noumon jede. ³² Yala kan itakum bi aju anas ab aju itakum gi shukur itakum sunu? Kalam me anas ab endisi batal de kalam anas abatal mon gi aju anas ab aju umon. ³³ Kama kan itakum bija so kuwesi, anas ab giso itakum kuwesi itakum, gi shukur itakum sunu, kalam me anas ab endisi batal mon ya jede. ³⁴ Kan itakum bi dofun ab itakum gi fekeri ab itakum gi fekeri wei noumon, gi shukur sunu neetakum? Me anas ab endisi batal mon kum ya jede. ³⁵ Lakin kede itakum aju adugu takum kede itakum so noumon seme kede itakum gi deena kaman matakum nesita kun me fikira te ana bija ligo(hope); me zawadi takum bija kun milan, itakum kaman labiya te sidu ab fi foo zaidi kalam uwo seme ne anas ab ma gi shukur me anas abatal. ³⁶ Gen tokum me huruma je Rabana takum namna ab uwo endisi huruma meetakum. ³⁷ Matakum hukum boina takum, kaman bija gata neetakum: kaman mata kum sindisha hukum me kaman itakum ma bja sindisha itakum. ³⁸ Sama takum badum kaman bija sama itakum, gesim tokum kaman bija gesim neetakum sokol ab kuwesi, ab huzu hizu ab milan ab bija wedi neetakum fi dusu. Kalam kiyas wede ab itakum gi pima ya kaman bija pima neetakum. ³⁹ Kaman mon ja weri noumon ija majako gali amyam wa agderi kun iman te amyan taanin mon ma bija waga fi lufura bakan wayi? ⁴⁰ Ajol ab gi alim ma agder ajol ab gi alim uwo: lakin killa ajol kan bija rasul na obija kun je ajol ab gi alim ⁴¹ Sunu ab gi kutu ita kede ayinu sokol ab fi fi ena ta aku to dukur ita a agder ayinu derebe ab fi fi ena taki? ⁴² Ita agder kefin kelem ne akutaki gali akutayi sten kede ana amurugu sokol ab fi ena taki wu kaman ita ma agder ayinu sunu ya fi fi ena taki ogi kelem mumafiki wede abur amurugu waskan fi ena taki kede ita ayinu seme sokol ab fi fi ena te akutaki. ⁴³ Kalam mafi seder ab kuwesi ab gi weledu sokol akul ab batal, sala kan lakata ab kuwesi ab gi weledu fawakih ab kuwesi. ⁴⁴ Kalam kila sederi gi faham uwo fi fawakih to kalam ma gi nigitu tiini min lakata ab ma endisi fawakih ma ab gi akul wu kaman ma agder nigitu zabibu min lakata te adaku sununu. ⁴⁵ Ajol ab kuwesi ogi amurugu sokol ab kuwesi ab tala min juwa gelba t; me ajol ab batal ogi amurugu sokol ab batal min sederi ab batal; kalam min dolde ya kalama ab gi amla min juwa gelba ya kasma gi wonusu. ⁴⁶ Ley itakum gi nadi ana sidi takum ligo kaman itakum ma giso kalama ab ana gi wonusu? ⁴⁷ Kila ajol kulu ab gi ja naana dukur uwo asma kalama tayi dukur ogiso ana bija weeri neetakum namna ab uwo gi beenu, mo. ⁴⁸ Ogi ben je ajol ab abinu juwa dukur uwo afta tey zaidi dukur foundation okutu fi laager ya bakan moyo kun milan moyo dukur futu fi juwa de kalam gudra te jada to, me kasuru to mafi ajol ab agder kasuru, kalam abinu kuwesi. ⁴⁹ Lakin ajol ab bija asma dukur waaba ogi beenu je ajol ab abinu juwa fi tura ligo uwo ma ja afta msingi dukur moyo futu fogo te gudra dukur waga fi gwaam me waga to dukur kun gowu.