¹ Akwana matakum amini me kila roho lakini abulu kum kila roho kani te Rabana misani Nebbiya milan al te kabasi fi Dunia. ² Ke deita kum faham fogo wede Roho teRabana je kila Roho aligi shahid je yesu lebisi gildi gi kun logo tala ne Rabana. ³ Me kila Roho ali ma gi shahid yesu ma te Rabana me wede ya gi kunu adui te christo abu ita kum asuma al fi dunia. ⁴ Ita kum te Rabana yali ali duga mei ita kum shidomoni ali fi minjo ita kum ke biri futu uwo ali fifi dunia. ⁵ Umoni te dunia yagi kutu umoni gi wonusu kalama te dunia duna ja suma umoni. ⁶ Ina te Rabana ali faham Rabana oga osuma ina me jede ya ina gi faham ogo Roho te Rabana me al mate Rabana. ⁷ Akwana ke de ina aju badum misani aju gitala na Rarabana ya weledu uwo me uwo gi faham Rabana. ⁸ Me uwo alendi ma aju uwo ma arufu Rabana misani Rabana uwo sidu aju. ⁹ Me fogo wede aju te Rabana weri wo neina misani uwo lasul nyereku to uwayi bara ali weredu ke de ina kunu hai kalam uwo. ¹⁰ Me fogo wede aju wer uwo logo Rabana uwo ya hajina ma ina aju Rabana uwo ja lasul nyereku to kunu sadak ne zambi teina. ¹¹ akwana, je Rabana umo aji ina gifa neina aju badum. ¹² Mafi ajol ala inu Rabana gi weruwo fogo ina me aju to gi kun adit mi njo ina. ¹³ Me fogo wede ya ina gi faham fogo je umo fi minjo ina me ina fi misani umo wedi neina Roho to. ¹⁴ Me ina ayinu ne janaba je Rabana lasul nyereku to kunu munqid te dunia. ¹⁵ Kila ajol ali gamini je Yesu nyereku te Rabana, gi kunu minjo gelba to me uwo gi kunu minjo Rabana ¹⁶ Me fogo wede aju gi ti mizowo neina misani kede ina kunu gowu fi yom kiyama misani jo uwo fi ina kamani fi jede fi dunia wede. ^{18 17} Aju ma fi fogo kwafu lakini aju aladil gi tu ruju boyi zaidi kwafu. misani fi kwafu fi fogo izabu me kila wai ali gi kafa uwo ma endi aju aladil. Ina ajuo misani uwo ya ajina min awulan. ^{21 19} Ajol yoyote uwo kan kalem ingal owaju Rabana lakin logo gel ba ta aju ma laku binadumu. ²⁰ Ogi kunu kabasi misan uwo ali ma endi aju naaku binadum abu gainu uwo agi deli kefin aju Rabana ali againu ma? V 21misani ineni amuri ali tala ne Rabana logo ga amuri sheina aju Rabana ma aju aku binadum.