¹ Ainu kumu aju te Rabana je fi kebiri ali Baba teina wedi neina na dina yali te Rabana dunia ma gi faham ina misani Dunia ma faham uwo. ² Akwana ina yali te Rabana saba kan sakol abu ina bi kunu lisa benu na lakin uwo kan bija nebija ben jo uwo misani nebija kunu logo ne gainu uwo jol uwo gi benu. ³ Misani kila binadum ali endi bali wede fogo Rabana ogi nedi fuwo je Rabana fi nedif. ⁴ Kila azol ali giso zambi ogi kunu logo kashuru sheria misani zambi de ya kashuru sheria. ⁵ Me ita kum arufu je uwo ja amurugu zambi minja uwo mafi fogo zambi yoyote. ⁶ Me kila ajul ali gi kunu minjo uwo ma gi so zambi lakini kilo ajol ali giso zambi gi kunu logo. ⁷ Yali duga ajol ma yoyote ke woduru ita kum uwo ali giso adil oya adil je Rabana fi adil. ⁸ Lakini ali giso zambi uwo te sheitwan. misani mini fa abidu sheitwan giso zambi ya kutu nyereku te Rabana ja uwo kede kalasu kidma te sheitwan. ⁹ Kila binadum ali Rabana gi weledu ma giso zambi mi sani tira te Rabana gi kunu minja binadum de misani Rabana ya weledu. ¹⁰ Me fogo wede ya ina gi fautisha fogo yali te Rabana me yalite sheitwan. Me fogo wede yo ina gainu fogo yali te Rabana .kila ajol abi magiso adil uwo ma nyereku te Rabana me kila wai ali ma aju aku. ¹¹ Misani wede ya kalam abu ina asuma mina abidu ina aju badum. ¹² Ma kunu je kabil ali kan te sheitwan ali katulu aku to. Me asede uwo katulu uwo te ? misani kidima to ya kan batal me kidima ta aku to ya kan adil. ¹³ Ma ta kum hailu akwana tai dunia kan agita kum mafi. ¹⁴ Ina arufu je ina tala fi mutu ne ja da kal fi hai misani ina aju akwana teina. Ali ma endi aju uwo gi kunu fi mutu. ¹⁵ Kila binadum ali ma ga aju aku binadum uwo gi kunu katari me ita kum arufu je fi adil ma fi azol al katari ali di dakal fi hai ali kalasuma. ¹⁶ V 16Me fogo wede ya ina gi faham fogo aju misani uwo wedi hai to kalam ina me jede gi fa neina wedi hai teina kalama anasi wadin. ¹⁷ Kila ajol alendi sokolina te dunia oja ianu aku logo uwo endi ma aja wedi nowo fogo mafi aju to Rabana gi kunu ke fin minjua uwo? ¹⁸ Yali al duga aju ta kum ma kede ko ma fi lisani lakin ke ina weri fi kidima me fe haki ¹⁹ Me fogo wede ya ina bija faham fogo kan ina te haki ne jabari gelba teina gi damu uwo. ²⁰ Fi kila kalam al gelba teena gigata neina makasa. Misani Rabana uwo kebiri futu gelba teena me uwo arufufu kalama kul. ²¹ Akwana, kan gelba teen gata ma neena makasa negi kunu gowu gidamu Rabana. ²² kila sokol abu ina ga asadu agi wedi neena misani negi so kalama aladil gidamu uwo. ²³ Me wede ya amuri to kede ina amini nyereku to me aju badum je uwo wedi neena amuri. ²⁴ Me uwo ali gamusuku amuri to ogi kunu fi Rabana me Rabana kamani gi kunu fi binadum de. Me fogo wede ya ina gi faham fogo je Rabana gi kunu minjo ina kalam Roho abu uwo wedi neena.