¹ Nepelre da materna, nete teyowena Malaikat si mang Dia ya dlre na mia yaye, neplre nenei euna delre pa kasopelre, nenai moi da yobulrane nepe kiapoko. ² Ne ate elre yowe; nyape yowe alrtae delre seyowe dusu ponde! bahel delre nepe dusupuko! nepe peko nenoune nekewe nepelre neiesuna detelro alru peko-peko, meterna awe nalrete nepelre klri pelre taimena. ³ Nepelre, meterna selrei bu mau-mau te aneiye yeko nalre-nalre mekaiye, do yo bulrana belrengka-belrengka dete pekote mekaine, da youbulrane sa nai pelre mekai yena kaso plre kuwaine yelreu peko-peko kaso pelre." ⁴ Netinate nele beto yowe a kulrung si mena bulralrena meyowe elreyowe, "Ire baire ewe nepelre de peko de mende na we telromelrobom be. ⁵ Nepernaye, wena peko nebulrate-nebulrate nepe menote yowe nepelre mang ne peko kalrote wete oyote meyume. ⁶ Ne yo delre te mekowena dete mane, nena peko meyaina da beslrei pewa irin te bul rum su, nepelrre bupelre nanasa eine bulrai beko, da beslrei te lati bulrai beko. ⁷ Me selrei nete kapyone nepelre nena yatiyamena nenei eutena kasoplre nete kapyone nepelre nena yatiyamena nenei eutena kasoplre kilri yaiye, nete na meselro-selro mekom melre neteno kewalri delre ne selrei lati. Netenate, nenei kanane lere yowe, de ratu milre mane nekalre, ne janda ambai nepelre kewalri bete dou mena itipai. ⁸ Nemena potenate, ne klripo nekotena ya beimo meyowe, tete klri yowe, kewalritena, nepelre monimte tuwayaine. Ne singne dekiyaiye netenate nena delre te peyowena, ne singne dikiyaiye netenate nena delre te pe yowena Tuhan Allah nete tenembonde. ⁹ Detelro delre-delre da yo bulrana, nepelre kaimate diyainena ne moinelro nebei ye diyainena, di mete dimiyaiye nepelre alrate seiyaiya ne sim de ke yowenate tiyaine. ¹⁰ Endikite dekaikeko baitelrene tipiyaiye, "Peko! pekotelrena, babel yo delre, yo delre wakeltere! nepelre, su beimone peko nepe! Ne yo delrete meyowe!" ¹¹ Neyo delrena da yobulrane sa naipelre mekoyaina dimete dimiyaiye nepelre kewalri tuwaiyaine detelro simena nena naisa mena itipai. ¹² Ne sasasi emasye, perakye, permata ye, mitiara ye, mayon tepa-tepa nepelre, mayon ungu, mayon kia-kia, mayon kirmisi, metana olrena yowe nena perlu piyambaite dusu puko seni yane, ne sasasi mekoiyaine gading rena, ne o dai kaso pelre, tembaga irena, besi irena, marmer. ¹³ O yupulrena, rempah-rempah, pelro-pelro, mur, kemenyaan, anggur, minyak, tepung halus, gandum, marsya meternalre yowe detelro yei enulre yowe. ¹⁴ Meterna nepe ate elriyaiye, "Meterna mai neke yowena nepelre poi nekeyowena nena irena nalre puko, nepelre neknoutena itipai lati, nena irena nalre puko, nepelre neknoutena itipai lati." ¹⁵ Detelro da sanai pelre dekai keko baitelre tipiyaiye ne yo delrena meselro-selro mekoyewena tiyane dimete dimiyaiye kewalrite tuwa yane. ¹⁶ Ne Elri yaiye, "Peko! ekotelre ne yodelre, nepelre mayon linen halus; nena mayon titipulkona mayon ungu nepelre mayon kirmisi, nena dindei mayon melro bukano, emas, permata, irena olru, mutiara polre! ¹⁷ Meterna kasopelre tiyaunena, su beimone peko duwai peko!" Meterna eudung-dung pelretepaiyena ei bulrane kembalri pelre mekaiyena, meterna detelro yelreu kalrote naunelrone pelre duweiyena baine tipiyai tiyaiye. ¹⁸ Ne yo delre sing deke yowe nena nipite tiyaine ate elriyaiye memena yo delre da yodelrelrena? ¹⁹ Nenei belrennka bulrate waute bikri yaye nepelre ate elri yaiye dimite dimiyaiye kwalrite tuwa yane, elri yaiye," peko! yo delre pekotelre ne kalro irena ei delre mekoyowena kulrung bai masibai! ²⁰ Nena bulratena kena kalrite kombe, nenei dialrena, detelro melro-melro, a kiaganu pelre, nabi-nabi pelre! Mang nenalrena pokote elim beko meyowe ne yo delre bulrate meyowe. ²¹ Nemena kaye malaikat beiska waketelre olru delrete beiska elrutuku nenavdelre kilangan olrutena mane yepepuko naweite yowe nepelre elre yowe, "Babel tena mane ne kota delre, netenate ate nepe yowe nepelre neknotena bete pelre tupei panya. ²² Detelro kecapi sou pelre diyainena a ambai, seruling temapiyaina dimi semo busi-busi dimi yaina neknoite esuna dimipai, akoi-koi pelre diyainena nepe ambai, akoite diyainena metens sate sa ne mekoiyaiye nepalre esune tupeiyaiye, a kulrung ane siwaina nepe neknote esuna betopai lati. ²³ Ne Esuna sing kiamena betepelre dikipai. Do sekelropelre milre belrang pelre nena a kulrung mesuna neknotena betopai. Sinai plre mekaiyena detelri da yobulrane delre mane nekaiyena, nepelre, materna da saelrai kenaiyena ne pekolre nete mendo te nalrumu. ²⁴ Nepelre, neyo delre eina nabi-nabi, kena sate tupeiyaiye detelro melro-melro kena, meterna detero kena sa da yobulrana tutu yai ye."