Pasal 17
Perempuan di Atas Binatang
1
Nepelrena a'sani-sani misi be pelre teu nepe tapu yawe nopilre nepe elryowe, dekote dena a' domane welra datemi, o te kilritupone peko milre, bu metelrna bulrane.
2
Nepelrena detiro delre mangklra nekaina ne nepe mangklra te ne tiaye bu kembalri ne neplrna kaima nipilre.
3
A' sani-sani na de nepe dokutlre yonele alru eire belantara paute, nepe tiarna milre simbei malrisa bulra nepe nekeyowe nena semo nimi-nimi nena eune peko eido, nena berengkana tanduk mebe selrei.
4
Ne milre mayon piyambainya titipko, mayon nimi-nimi lati nena dindei melro pekona emas olru meya-meya mane, neplre nena dindei me ne tapewe nepelrena teu emas ne bulrana peko ne selreimbei kaima nipilrna.
5
Nena kena bulrana, nena eido, semo melrapkona detlro nimeipai; Babel delre selrai, nameng milre peko nepelrena peko ne selreine da mangkelrane."
6
Dou tiarna ne milre mau-mau yembuko telre pelre detlro kena sa te nepelrena peko ne akeya-akeya na Yesus sa walri nepe tiarna nenatena sesoyu tupialre.
7
A' sani-sani na nepe de saniyote okaye biatena sesayu te tupuye? de wete a bte santu pone ne milre kena peko nepelrena ne malrisa ne bulrane, nekeyowe, nena berengka matelrna misi be pelre nena tnaduk mebe.
8
Ne malrisa dou tiauna nemeye, nepelrena menaya nepe ambai, nepelrena tu pelre baite mende, detlro nulru kena euns baite ambai dunde nepelrena ne malrisa ne tenembonde yasina dou tiyouna mane nekot telati mende.
9
Dana nekeuna mendo poi te mekomahlre, misi bepelre nena berengka; misi bepelre nena meko ne bulrana ne milre nekeyouwe.
10
Ne berengka misi bepelrena nena lati misi bepelre detlro delre ne misis nepe ate berai, detlro delre simbei nemeye, ne detlro delre ne misi nepe ate berai, detlro delre simbei namye, ne deltro delre simbei mipai ne meye, nepelrena ne mendena, bete nekembonde.
11
Yansina malrisa menaya nepe ambai, nena nekeuna detlro delre misi namin pelre nena bulrune misi be pelre detlro delre peko nelrote nepe aye .
12
Ne tanduk mebe tiauna neha nekeuna detlro delre mebeye da delre neme yatipainya, nepelrena nekaina detlro delre kena su mbeiska nepelrena ne malrisa pelre.
13
Nena yeko aina nembei, nepelrena ne aina neno peko malrisa t'na mane.
14
Ne pelra te lati denalre Walri Yei, nete lati nepelrena nekeuna, mai Mang Walri detlro delre kena bulrane ne simimbuko ne elripuko nemblre-nemblre.
15
Ne pelrena, a'sani-sani, nepe sanuyomu ne bu tiyena; ne bulrane peko milre angkike, nena detlro peko, metelrena selraisi, meterena peusi.
16
Ne tanduk mebe tiauna ne malrisa milre peko telati duende, netelati eu kiatlre nena peko telati nena eu endung pelre sin bulru te nai.
17
Nepelrena, mai Allah ne yeko-yekote nena kenabulrune nepete nemepuko nena delre bulrane nenate a'sna walrite note mekonai bonde.
18
Ne milre dou tiauna nena dia delre detlro kena dia delre.