¹ Okutia penatchi nge matchimukuatefhako ku Clistu, tchi nge matchimukuatefhako nonkhenda yae, okulikuatea pamu Komphepo, 0kuninga lumu onkhenda oyokohi yombungo, ² fuifhenipo nawa ehambo lhange nokututea pamu, okuniga pé onkhenda imu, okuwanaenea okomphepo ya nokuninga otchipukatchimu. ³ Hakunatchi mamukaningea otchipululu pamu, nokulipakako, ya pae okulipundifha kohi pakeniko ovakueni vavalele konuelumu. ⁴ Hamuhulilua pé novipuka oviokoholo yeni, hulilueni nokoyovakuemee. ⁵ Hulilueni pamu ngatchi Yesu cistu nkhu akala, ⁶ tchi nkhu akako ngotchifhefha tcha Huku, ehemelipakako nga Huku ngapua nge elipakela. ⁷ Ya putcho É munielipundifha, aombo pé ngomundapi, atambula otchifhefha tcho panthu, eiwe lumu ngomunthu, ⁸ É muin elipufha aombo lumu té atchua ya kokekuluxo! ⁹ Pae emupakako ya emupa ena endi likeulu lho manatcho aahe. ¹⁰ Opo tchitie mena lha Yesu avehe avakakalea koyongolo keulu nokohi ya nowo kohi yohi. ¹¹ Omalaka aahe apopie okutia Yesu Clistu óTate Kulu, koumbala wa Huku Tate. ¹² Pae mapanga ange, ngatchi nkhe muantchumbile hatchile pé tchi nkhu ndjiko, ya pae ngatchileko vali unene tchi ami hepó eyewo lheni ngahapuluke nokuhumba Huku nomafuilili. ¹³ Mokonda emonue ngaile okuhanga, ngaile okutchininga, okuta koho Yae. ¹⁴ Ovipuka viatcho embio avihe viningeni hamuyaya, hamutanguna. Tutemee ngatcho opo hamuakaka mamuvelua muile oyonde avawa ava Huku hamuna nkhali. ¹⁵ Ya mukalaime ngotchitemee tchouye, pokati komuhoko wovaningi vanavi ovakelengua. ¹⁶ Okuholeka okukulamifha ondaka yomunhu opo ndjininge ehunga lho kulemua otchitenha tcha Clistu, pae opa ami miketchiva okutia hilumbukile pé ya hitalavaye pé tchi hatchiviukile. ¹⁷ Pae ngaile omulai wange wawuyukia ngokuyamba kotchilikutilo novininga viekolelo lhemee, onue amuhe ami ndjimulemuifha. ¹⁸ Ngotchikuavo lemuemee naami. ¹⁹ Mikevele ku Tate Kulu Yesu okumupa Timotio mondjangaopó naami ndjikoleke tchi mitambula ovitola vieni. ²⁰ Mokonda ami hikaya engu ehulilua ngami, ngaeyatcho, pae pae vingemii oviokoholo yeni. ²¹ Mokonda avehe vakaeta ovio koholo viawo, amaile ovia Yesu Clistu. ²² Onue pae mui otchituwo tchae, mokonda, ngatchi ondele atalavayako hé yae, é nae tuatalavaya pamu ondaka endji. ²³ Pae mikevele okumutuma embetchimuna tchi matchipiti naami. ²⁴ Ya pae mbaomiika pé mu Tate Hulu ku naami mikaenda lumu ondjanga. ²⁵ Apehe ami ndjituta okuttia tchechukifha okumutumakanaa vali Pafolonditu. É omuango wange, omunkhuatefhiko epanga lhange kotchilua, omumuheli wondaka engu ankhuatefhako kovichuka viange. ²⁶ Pae nkhu wachuka kokuka naonue, mokonda muemutele okutia mavele. ²⁷ Otchatchili é nkhu mavele lumu unene okuhupa kokutchua. pae Huku nkhu nkhu uno onkhenda nae, naami, opo ami hikae noluyuma keulu loluyuma. ²⁸ Ya mikemutuma zhiva okutia nge muekemumuna vali mukalemue, ya ami mikaka mbayowoka himihululua vali. ²⁹ Tambulemii Tate Kulu Pafelonditu nehambo enene ya humbemii avanthu ngae. ³⁰ Pae nkhu omokonda yovininga via Clistu elinekala omunhu wae okupa kokutchua anthalavayele nokumunikea mutcheinha onue nge hamutchingililie ami.