¹ Opipua patuka okutatama ya novituhi pokati kemii? kavilu koyoholo zheni embi zhilua pokati kamalutuemii? ² Muhanda otcho hamunatchi munatcho, muleka ya munemuna evi ya kamunatchi munatcho, mulua ya muatatama kamunatchotupu otchi hamukumbu. ³ Mukumba kamutambula mokonda mukumba navi, okuninga okutia tcho mutchininge otchokoholo yeni. ⁴ Vapengefhi wondaka ya Huku! kamutchi okutia okuninga otchite nouye okuila otchita tcha Huku? Pae engu ahanda okuila epanga liouye maile otchita tcha Huku. ⁵ Ine mututa okutia ovihonikua vipopia pé Huku nefhipa unemuna noMphepo endji É aninga ikae naotue? ⁶ Pae Huku uandja otchali otchinene tcho tchapopiwa movihonikua: Huku ukalo kowokulipakako, ya uandja otchali kowokulipundifha. ⁷ Pae temii ku Huku, patameeni eliapu ya olio malikemuhomboka. ⁸ Fuemeeni ku Huku É nae mekemufuena ponemii omavoko emii oyopekalo, ya fuifhenipo oyombungo zheni onue omba muapoyola. ⁹ Liyumanifheni yiyimeni, ya lileni! otchindjola tcheni ngatchile okuyiyima ya ehambo lieni ngalitchituke oluyuma. ¹⁰ Lipundifheni kotchipala tcha Huku, ya É mekemulondeka. ¹¹ Hamulipopi navi polueni novakueni. Omunthu engu apopia navi omuangu umu, pamu ukoyefha omuango wae umu upengefha otchitumino ya ukoyefha otchitumino kutia okukoyefha otchitumino ya nokutalavaya otchitumino ukukoyefha. ¹² Oumupé nge matumine mokukoyefha É pé nge moyovola. Ove iwa engu nge mukoyefha omunthu omukueni? ¹³ Tamii pahe onue omba mutia pahe ó okomuhuka otue matuende kachitati endjo matukakako enima limu, matukaningeako ondingocho ya matukaifhako olukulu. ¹⁴ Oiwa etchi tchi matchikeya komuhuka? Ya omunhu weni otchitchi? onue muka pé omanima omaphiki tchimualuapó omutchui. ¹⁵ Nge muatuta ngatchi: Tate Kulu ngo ahanda matukakako ya matukaninga tcheinha na tchei. ¹⁶ Pae onue mulipaka koyochetu zheni zhouhima okulipakako kutchoko kuila okuvi. ¹⁷ Pae inguinha etchi okuninga otchiwa ya ahamaningi uninga opekalo.