¹ Yondele handeni owoholo muKilistu, mokonda tcho atchiwa. ² Humbahó nanhuko, tcho otcheheli otchizhilika tchapopiwa, ³ okutia viende nawa ya uninge omuhumuwa omula pohipo. ⁴ Onue Tate hamuyumanifha oyondeveni vetekuleni moyondunge ya nomounongo wa Tate Kulu. ⁵ Vapika humbeni ovatumini veni owopohi ya vehumbeni noyombungo zhatchatchili nokuteketa. vapika humbeniwo ngatchi muahumba Kilistu. ⁶ Humbeni ovantumini veni halile pwa muevemuna okutia opomundulua, mokonda helitcho humbeni ngovapika va Kilistu. aninga nombungo yae oviokoholo yaHuku. ⁷ Talavayeni noyombungo zheni aile muTate. ⁸ Mokonda otue okutia ovininga embhi omunthu engu makatalavaya makatambula ofheto kuHuku. ngaile omupuka ngaile heli mupika. ⁹ Ya onue ovatumini naonue ngeliotcho muninga ovatalavai veni hamuvekanaine okuiva okutia eli enguinha eli Tate kulu yeni eli Tate kulu yavo ya upeulu ya kapungu ovanthu. ¹⁰ Pokumanufhula kolekeni muTate Kulu ya nomoyonkhono yonene ozhaHuku. ¹¹ Waleni ovimaniko via Huku okutia opo mukuatefha omphangó oyeliapu. ¹² Mokonda ovilua vietu haviolutu nomulai ya viahungama mohandi ombi endji inowonkhano omba vei nawa ovivi viohamba vietuiki mutuka moyohandi oyombi kotchivei tcho keulu. ¹³ Pae manikeni oyonkhono zha Huku okutia mumuneko nawa ya mukuatefhe omatango omavi ngomuevimuna oviapwa mukae muakuatefha. ¹⁴ Pae viukeni emualua pokukuta onthipi nopotolona oyotchatchili. ¹⁵ Tapateni muafhauapo kakueni ondaka yeyovo. ¹⁶ Momaluvinda tcho kuateni otchiyakulilo otchekolelo mokonda yatcho ileni pae ovavafhepo owokuzhimapo avhe noyohindjimbele zhavavala oukola. ¹⁷ Kuteni oyonthumbo ozheyowo yanochipata yomphepo endji eli ondaka ya Huku. ¹⁸ Nomalikuambelo atcho yanomutontholo omatango atcho aehe Monphepo okutia muombe muapukuluka yano nonkhevela nelikuambelo alihe oyovawa. ¹⁹ Ya likuambeleniwo ami okutia ondaka ndjipewe pua mbaikula otchinhu tchange likaumbeleni nawa opalenga ami opó ndjitchizhila nawa otchatchili tchiholeke. ²⁰ Mokonda yondaka ami mbaila ohongozhi yondjuwo yoyonkhuatua okutia mokati koyonkhuatua nkhu ndjinamu oyonkhono zhikupopia pua nkhu mbatokala okupopila. ²¹ Tikiku omuhanduaomuanga wange omuahandua omuviuki omundapi waTate Kulu. mekemuningavio avihe oviwa okutia naonue muketchite tchiami mbakala ya natchiminingi. ²² Ami mbekutuma ko mokonda yatcho outia mukututea afhumuifhe oyombungo zheni. ²³ Ombembua ngaikae novangu vange onkhenda mekolelo olia Huku Tate ya naku Tate Kulu Yesu Kilistu. ²⁴ Ehambu ngalikae naombenha vahole Tate Kulu Yesu Kilistu nonkhenda endji haipu.