¹ Ya onue tchi nkhu muli ovatchue mokupengefha kueni nopekalo, ² mu muaendela, koyondjila zhouye oumbu, okutezha omutumini woyonkhono zholumunhu. Endji omphepo yainguinha emoyondele wotatama. ³ Otue atuhe poupe tuali kaomba havatavelele, ya nkhu tuningia moholo yomalutu etu, okuiningilia oholo yomalutuetu ya noyondunge zhetu tuayumukue nondingavivi. ⁴ Pae Huku elombe lionkhenda mokonda yonkhenda Yae onene endji etuhanda nayo. ⁵ Tchinkhu tuatchua movivi mokupengefha É etuete omunhu muYesu. Ya ngongolui onue muyovoke. ⁶ Huku wetupindula Nae ya etutonkhamifha pamu momalukalo omawa mo Yesu Kilistu. ⁷ okutia kotchizho tchi matchikeya É meketuilikifha oulombe ombu haunaheteko kongolui Yae muni muvave muYesu Kilistu. ⁸ Mokonda yonkhenda muayovolua mokonda yekolelo ya tcho katchilue monue undo oluzhi lua Huku. ⁹ Hamukonda yovininga okutia umu nge helipakako. ¹⁰ Mokonda otue tutchifhefha tcha Huku tuatungua muYesu Kilistu tuninge ovininga oviwa embhi Huku apangea otue kolukalo okuningea okutia tuendemu. ¹¹ Pae nongonukemee vipunde kolutu vaifhanua novakueni okutia kamuhitie moviyumbo kolutu naómbenha vahita moviyumbo kolutu komavoko ovanthu, ¹² omatango ongenha onue nkhu mueliapuka naYesu Kilistu. Ovaenda kovanthu woichilaele tchinkhu hamuzhike mepinga endi okuhanina onkhevelo liambazhi hapena Huku Kouye. ¹³ Ya pahe muYesu Kilistu onue omba nkhumuka kokula na Huku muaetua nomulai waKilistu. ¹⁴ Mokonda Ééli ombembua yetu. É pae wevewanaika vailepe umu. Konhama Yae watungulula omphunda yokulipakako nawa endji nkhu yetuyapulula. ¹⁵ Ya tcho otchi É waifhapo ovitumino okutia nkhu apozhila okutumba omunthu omupe mue apakako ombembua evelungaeke. ¹⁶ Kilistu evelungaeke omihoko vivali naHuku koluto lumu mokonda yekuluchu atchihe wetchimanapo. ¹⁷ Yesu weya ya wapopia ombembua konue omba nkhu mukokula ya naombenha nkhu vepepei. ¹⁸ Ya pae mokonda yaYesu, atuhe tuaikulua pndjila ku Tate koMphepo imu. ¹⁹ Ya pahe onue ovipunde, kamuvaenda vali owokokuti. putcho, muvanthu wombunga yaHuku, muwokomuhoko wa Huku. ²⁰ Onue muatungua kombanda yavapostolu nowopolofheta Kilistu yatcho okuila ewe liatcho otchizheke. ²¹ Mue ovitunge viatcho avihe vikakateako ya vikula ngolutu muTate Kulu. ²² Kue nako okomamutungilua pamu ngomukalo waHuku KoMphepo.