¹ Paulu omulongua wa Yesu Kilistu, koholo ya Huku, kovafuifhepo va Huku ko Efechu, omba vafuapo ku Kilistu. ² Olupandu okonue, ya nombembua endji yalua ku Huku Tate Yetu ya na Tate kulu Yesu Kilistu. ³ Okutia Huku engu eli Tate ya Tate Kulu yetu Yesu Kilistu ngayimbilue, engu etupa oyonkhano zhatcho azhihe komphepo komalukalo okeulu mu Kilistu. ⁴ Nkhe ouye hauyatungua, Huku wetupangula mu Kilistu opo tukae tuafhopo ya nokuviuka Komihoe ⁵ Huku wapanga okututchita ngoyondele vae, kotchikonda tcha Yesu Kilistu, konkhenda yoholo Yae. ⁶ OKutchitua kuetu kulua kokuyimba kotchali tchae tcheinha kombungo Yae muni etupa ku engu nkhu ahánda ⁷ Ku Yesu Kilistu, otue tuneyovo Komulai wae, ya nokuevelua koyopekalo zhetu, ngoulombe wotchali Tchae. ⁸ É wetuwuyulea unnene otchali Tchae kounongo watcho auhe ya nokuifhapo. ⁹ Huku wetuivifha tcheinha tchaholama otcho koholo Yae, kutcheinha nkhu tchemukaleapo nawa, ya tchi ailikifha mu Kilistu. ¹⁰ Komphango yo tchizho, okuhonhainika ovipuka viatcho avihe, ngaele ovio keulu ngaele ovi kohi, komutue umu pé Kilistu. ¹¹ Mu Yesu tuahopua okuila oyomphinga, ya otcho atenga okutupangula opo tuninge ovininga viokoholo Yae. ¹² Huku wetupangula oumphinga tuile ovanthu woupoupe okuomiikua konkhevelo ku Kilistu okuningea okutia tukaeko nokumuyimbila oumbala Wae. ¹³ Mu Kilistu mutea ondaka yaTchatchili, ondaka yeyovo, ya muatavela Mue, mupewa Omphepo endji nkhu muapangelua, ¹⁴ ondjila youmphinga wetu té matakeufuifhapo potchatchili, kokuyimbila oumbala Wae. ¹⁵ Mokonda yatcho, nkhe mbatele ekolelo lieni muTate Yesu, ya nokulihole kueni amuhe mu Huku, ¹⁶ mituatuako nokupandulia ku Huku nokutumbulia momalikuambelo ange. ¹⁷ Ami ndjilikuambela ku Huku ya Tate Kulu Yesu Kilistu, Tate youmbala emupe omphepo younongo noyokuilikifha okuiva Kuae. ¹⁸ Ami ndjilikuambela okutia omiho oyombungo zheni amiimiikilue, opo mutchive okuomeeka konkhevelo ku É emuifhanina, ya noulombe woumbala woupinga Wae pokati kovanthu vatcho avehe avaHuku. ¹⁹ Momalikuambelo ange, mikumbu okutia muive ounene waHuku, ombu hahetekua, oumbu umotue ovataveli ngatchei tchaka ovininga zhoyonkhono Zhae oyonene. ²⁰ Embhi oyonkhono zha Huku aninga tchi apindula Yesu Kilistu pokati kuomba vatchua ya Emukankhanike kokulimioko Kuae koyohika zhookeulu, ²¹ keulu lioumbonge watcho auhe nokokutumina nokoyonkho, nokokuviala nakuimbi nge mavitumbuluapo. Kilistu kakatumina pé pahe, nokolukulu makatumina. ²² Huku avihe wevipakea kohi zhoyomphazhi zha Kilistu, ya Wemuandjea kotchingelecha okuila omutue kovipuka viatcho avihe. ²³ Otchingelecha olutu Luae, okuyula kainguinha atukifha atchihe kovanthu vatcho avehe,