¹ Ya akwana, sei intum arufu? (ana bi wonusu le nas al humon arufu an namus) inu al namus bi hukumu insan ze ma huwo bi ish. ² Le mara al jouzu robutu be namus ta raji fi zaman al huwo bi ish, lakin kan rajil de mutu huwo bi kun hur min namus ta jouzu. ³ Fi zaman al rajil towo kan lisa hai, kan huwo ruwa le rajil tani de huwo amulu zina, lakin kan rajil towo mutu huwo hur min namus, kan huwo ruwa le rajil tani de ma bi kelimu gali zina. ⁴ Ashan kida ya akuwana, intum kan meitin fi namus be wasat jisim ta Maesi, de ashan intum bi agder limu ma nas taninde le Huwo al gum min mutu. Ashan nina bi agder talau simat le Allah. ⁵ Ashan zaman nina lisa fi jisim kan niyatta katiya al ta namusbi amulu fi ada ta nina ashan bi talau simar ta mutu. ⁶ Lakin hasa hariru nina min namus, nina mutu fi zol al kan nina bi amsuku fogo huwo, de ashan nina bi agder akhdim fi haya al jedid ta roho, wa ma fi risala al gedim. ⁷ Biga nina bi kelimu shunu? Sei namus katiya La de ma bi kun, lakin ana ma arufu katiya ile be namus, ashan ana kan ma arufu shahuwa wa ile kan namus kelimu, gali kede niya takum ma fatah. ⁸ Lakin katiya ligo fursa be wasat ta wosiya wa jibu le ana kulu niyat, ashan bidun namus katiya meit. ⁹ Lakin kan fi zaman tani ana bi ish bidun namus, lakin zaman wosiya ja, katiya biga bi hai wa ana mutu. ¹⁰ Al wosiya al kan bi jibu haya gilibu biga le ana mutu. ¹¹ Ashan katiya ligo fursa be wasat wosiya wa kabasu ana. be wasat wosiya huwo katulu ana. ¹² Ashan kida namus mukadas, wa wosiya mukadas adil wa kuwes. ¹³ Sei biga haja al kuwes tala le ana mutu? De ma bi kun, lakin ashan bi arufu gali de katiya, ile be wasat hajat al kuwes jibu le ana mutu, de ashan kan be wasat wosiya, katiya bi kun katiya al ma bi agder gisu. ¹⁴ Nina arufu gali namus de haja ta Roho, lakin ana tehet jisim kan biyu ana ze kadam ta katiya. ¹⁵ Ashan haja al ana bi amulu, ana hagiga ma bi fahim, ashan haja al ana deiramulu ana ma bi amulu. wa haja al ana ma deir amulu yau ana bi amulu. ¹⁶ Lakin kan ana amulu haja al kan ana ma deir, ana bi ligo tifagu ma namus gali namus kuwes. ¹⁷ Lakin hasa de ma ana yau bi amulu, lakin katiya al bi hai fi ana. ¹⁸ Ashan ana arufu gali fi ana, al huwo fi jisim tai, mafi fogo haja al kuwes, ashan niya a haja al kuwes fi le ana, lakin ana ma bi agder amulu. ¹⁹ Ashan ana ma agder amulu haja al kuwes al ana ma deir amulu, lakin katiya al ana kan ma deir amulu, yau ana bi amulu. ²⁰ Yala hasa kan ana bi amulu haja al kan ana ma deir amulu, bi mana de ma ana yau bi amulu, lakin katiya al bi hai fi ana. ²¹ Ana ligo namus al fi ana deir kede ana amulu kuwes, lakin katiya hasa fi le ana. ²² Ashan ana mokosut fi namus ta Alla, ma insan al fi juwa ana. ²³ Lakin ana aynu namus tani fi ada ta jisim tai. bi shakil namus al jedid al fi fikira tai. Huwo kutu ana kadam be wasat namus ta katiya al fi ada ta jisim tai. ²⁴ Ana zol al ma kuews, de munu yau bi hariru ana min jisim ta mutu? ²⁵ Lakin shukuran le Allah be wasat Yesuah al Mesi Rabuna ta nina, ashan biga be nefsa tai biga kadam ta namus ta Allah ma fikira. Lakin fi jisim ana kadam ta katiya.