¹ Kan fii ayi teshjee fi al mesih, kan fii ayi taziya min mohaba tuo, kan fii ayi sherika ta rohu, kan fii yi tegdima ta rahma wa heniya, ² Biga farah tai bi kun kamil ashan fekra tkum sawa, muhaba takum sawa, murbutiin bi wihda ta rohu, wa hadaf taku wahid. ³ Ma keli intum amulu haja bi sabab ta tamaaaw ghira (waja gelba). Lakin bi insaniya keli intum fekir an nas taniin aktar min nefsa takum. ⁴ Kulu wahid min intum keli ihtam ma bes le htiyajat ta nefsa tuo,lakin kaman le ihtiyajat ta nas taniin. ⁵ Keli intum fekir bi teriga al kan kaman fi al mesih yesua. ⁶ Howo zahir fi shekil ta ta Allah, lakin howo ma ainu nefsa tuo sawa ma Allah. ⁷ Lakin howo nezilo nefsa tuo. howo shilu shekil ta kadam howo zahir fi shebeh ta insan. ⁸ Howo nezilu nefsa wa tae hata le daraja ta mutu, kaman mutu ta al selib! ⁹ Ashan keda Allah kaman mejidu howo shedid. howo wodi le hwo isim al fok kulu isim. ¹⁰ Howo amulu keda ashan kulu rukuba bi dengeri fi isim ta yesua.rukuba ta del al fi samawat wa del al fi al ard. ¹¹ Howo amulu ashan kulu lisan bi ieterif inu yesua al mesih howo Al Rab, le mejid ta Allah Al Ab. ¹² Izan, mahbubiin tai, zi ma intum daiman gi tae, ma bes kan ana fii lakin hasa wa aktar kan ana mafii, keli intum fetisu kulasa takum bi ihtiram wa khuf. ¹³ Ashan Allah howo yahu gi ishtakal fi intum al itniinle irada wa le shukul ashan farah tuo al kwes. ¹⁴ Keli intum amulu kulu haja min dun shakwa aw kurikuri, Amulu biteriga de ashan intum bi kun min dun lum wa aminiin, iyal ta Allah bi la lum. ¹⁵ Keli intum amulu bi teriga de ashan keli intum wala zi nur fi al alam fi wasat ta ajeayal al ma adeel wa waskhan. ¹⁶ Keli intum amsuku kelima ta haya gowi ashan ana bi kun indu sabab al bi mejedu fi yom ta al mesih. ashan ana bi arufu gali ana ma jere le khasara aw ana ma taban le khasara. ¹⁷ Lakin hata iza dufugu ana zi atiya fi zebiha wa khidma ta iman takum,ana bi afrah, wa ana bi afrah ma intum kulu. ¹⁸ Be nefsu teriga intum kaman keli afrah, wa keli intum afrah ma ana. ¹⁹ Lakin ana gi itmana fi Al Rab yesua ashan bi rasulu Timutile intumgerib de,ashan ana kan arufu hajat an intum ana kaman bi kun mutashegee. ²⁰ Ashan ana ma indu zol tani al indu nefsa al tebiya zi howo, al bi kun mushtagle intumhagiga. ²¹ Ashan humon kulu gi fetisu faida le nefsa tumon, m hajat ta yesua al mesih. ²² Lakin intum arufu taman tuo, ashan zi jena gi amulu khidma le abu tuo, kaman howo gi khadimu ma ana fi al injil. ²³ Kaman ana bi itmana ashan bi asulu howo bi sura kan ana ienu hajat gi ruwa kef ma ana. ²⁴ Lakin ana indu sigha fi Alrabinu anabi nefsa tai bi jaa bi sura ²⁵ Lakin ana gi fekir inu ma dururi ashan ana bi rasulu Ebafruditas wara le intum howo Aku tai wa sabifi shukulwa jundi, wa marasula takumwa khadim le ihtiyjat tai. ²⁶ Ashan howo kan haznan shedid, wa owo kan mushtag ashan bi geni ma intum kulu, la anu intum asuma gali howo kan ayan. ²⁷ Ashan hagigatan howo kan ayan shedid howo kan gerib bi mutu. lakin Rabuna kan indu rahma le howo,wa ma bes le howo barau, lakin kaman le ana,ashan ana ma bi kun haznan fi ras haznan. ²⁸ Kulu de ashan nieya ta shedid le itum yahu ana gi rasulu howo,ashan kan intum ienu howo tani mara itakum bi afrah wa ana bi kun hur min ishtiyag de. ²⁹ Keli intum rahibu Ebafruditas le Al mesih bi kulu farah. Ihterim takum nas al zi howo. ³⁰ Ashan de kan bi sabab ta shukul ta Al mesih yahu howo kan gerib bi mutu. howo wodi haya tuo fi khatar ashan bi akhdimu ana wa howo amulu haja al intum ma bi agder le khidma tai