¹ Bulus wa Timataus, kadamiin ta al mesih yesu , le kulu del al wodi nefsa le yesua al mesih al homon fi philiby, abunat wa shamamis, ² Keli salam wa neima mi Allah wa rabuna yesua al mesih kun maakum. ³ Ana gi sukuru Allah tai kulu zaman al ana gi zekiru intum. ⁴ Daiman fi kulu salawat tai le intum kulu, ana gi seli be farah. ⁵ Ana gi sukuru Alla min ajili shrika takum fi injil min yom al aweil lahadi hasa. ⁶ Ana indu shega fi kulu haja, al howo bada haja al kwes fi intum howo bi istemir ashan bi kamilu lahadi fi yom ta yesua al mesih. ⁷ huwo hagiga ashan ana bi ashuur bi triga ze de an intum kulu le anu intum fi jiwa geliba tai, intum kulu shuraka bi tai fi neima wa wori al injil, ⁸ Allah yahu shuhut tai, gudur shunu ana gi fekiru an intum ma rahma ta yesua al mesih. ⁹ Ana gi seli inu muhaba takum keli geni gowi aktar wa aktar fi marafa wa fehim. ¹⁰ Ana seli ashan keli intum amulu al kwes wa ashan intum bi kun muklisiin wa bedun katiya fi yom ta al mesih. ¹¹ Ana seli inu kaman inta be mala ma samar ta biir al bi ja be wasat yesua al mesih, al le mejid wa sukuru Allah. ¹² Hasa ana daiir keli intum arufu, ya akwana, inu haja al hasil le ana hagiga saidu fi khidma ta injil. ¹³ Wa ka netija, shega ta (sejeen) tai al beinu fi al mesih fi kulu weelaya wa fi kulu bagi mahalat. ¹⁴ Akwana kutar indu shega ketiir ( kebiir) fi al Rab ashan shega (genziir) tai, wa humon bi wonusu (bashir injil bi shuja bidun khuf. ¹⁵ Fi baad min nas bashiru al mesih be hasada wa tagsiim wa baad min humon e irada al kws. ¹⁶ Bashiru al resala de bi muhaba,keli intum arufu gali inu ana amulu de ashan defa injil. ¹⁷ Lakin nas al kan bi bashiru al mesih bi hub al nefs ( ananiya),ma be ikhlas. humon fekeri humon bi zedu taab le ana ze ma ana murbut. ¹⁸ Bega shunu? bes bi ayi teriga, kan bi zahiru nefsa aw bi hagiga, yesua al mesih bashiru, wa fi de ana farahan, naam wa ana bi afrah, ¹⁹ Ana arufu inu de be wasat salawat takum ana bi naja (itharar) wa musaaa ta roho ta yesua al mesih. ²⁰ huwo hasab towokaat tai al shedid wa raja al mudmon al ma be sibu ana kulu kulu ma fadiya, wa bi kulu shuja, wa hasa zi kulu wakit, fi jesim tai yesua al mesih bi arfawu fok, kan be haya wala be mut. ²¹ Zi le ana ashan be ish huwo al mesih wa ana bi mutu huwo rebih. ²² Lakin ashan ana bi ishfi jesim, de be mana shukul al indu faidale le ana. lisa yatu yahu bi ikhtaru? ana ma arufu. ²³ Asuru ana shedid beina al itniin, fi niya tai ana deiir ruwa ashan bi kun ma al mesih, al huwo afdal, ²⁴ Kaman ashan ana bi kun fi jesim huwo dururi shedid le ajiil intum. ²⁵ Ashan intum bi kun mutaakidiin min de, ana arufu inu ana be kun ma intum wa be istemiir ma intum kulu, ashan farah wa tenmiya takum fi iman. ²⁶ Ashan be wasat ana malumat takum be zidu ashan intum bi dala fi al mesih yesua fi zaman al ana bi ja le intum tani mara. ²⁷ Bes saraf takum fi teriga al kwes ta injiil ta yesua al mesih, ashan sala kan ana ja ashan be ainu intum aw an mafi ana bi asuma an intum, inu intum gi wogifu gowifi roho wahid, ma fekira wahid kelina jere ma baad wara iman ta injiil. ²⁸ Ma takum kafu min nas al gi kuafu intum al humon gi aridu intu. al le humon de damar, lakin le intum de kulasa- al min Allah, ²⁹ Al kalas kan wodi le intum, min ajiil al mesih ma ashan bes bi amin fi huwo, lakin kaman taab min ajiil huwo. ³⁰ Intum be kun indu nefsa sura al intum ainu fi ana, wa hasa intum asuma fi ana.