¹ Al kelimat ta Nehemiah welet ta Hakaliah: Hasa uwo hasal fi al sahar ta Kislev, fi al isirin sena, ze Ana kan fi al himaya ta Susa, ² gali wahid ta akuwana tai, Hanani, ja ma juzu nas min Yahuza, wa Ana asalu umon an al Yahud al kan tefest, al bagi ta al Yahudien al kan inak, wa an Arselim. ³ Umon kelim le ana, ''Delin fi al wulaya al fadulu fi al abodia umon fi taab sedid wa fadia ashan al heta ta Arselim kan biga kasuru fadi, wa abuab tao kalas biga haragu be nar.'' ⁴ Ze guwam ze Ana asma kalamat delin, Ana geni tehet wa kore, wa le ayom Ana istemir be huzun wa siam wa salawat gidam al Allah ta sama. ⁵ Biga Ana kelim, ''Ita yau Yahuah, Allah ta sama, al Allah al yau azim wa ajib, al hafisu al ahat wa muhaba tao gowi sedid ma delin al hibu uwo wa hafisu wasayat tao. ⁶ Asma le salawat tai wa fata uyuun taki, kida ita kede asma le salawat ta kadam taki al Ana hasa seli gidam taki nahar wa bilel le nas ta Israil kadamin taki. Ana bi ikterif al katiat ta al nas ta Israil, al yau nina kalas aktau dit ita. Kulumin Ana wa bet ta abu tai kalas aktau. ⁷ Nina kalas amulu batal sedid dit ita, wa nina biga ma hafisu al wosayat, al faraid, wa al gawanin ita amiru kadam taki Musa. ⁸ Malis zekiru fi fikra al kelima ita amiru kadam taki Musa , 'Kan itakum amulu beadamamana Ana bi setetu itakum wasat al umam, ⁹ lakin kan itakum rija le ana wa tabi wasayat tai wa amulu umon, hata nas takum kalas setetu tehet sama al abaad, Ana bi limu umon min inak wa jibu umon le makan dak al Ana kalas iktaru le amulu isism tai fadulu.' ¹⁰ Hasa umon yau kadamain taki wa nas taki, al ita kalas ankisu be guwa azim taki wa be iden taki gowi. ¹¹ Yahuah, Ana bi asalu ita, asma hasa le al salawat ta kadam taki wa le al salawat ta kadamin taki al moksutin le karamat isism taki. Hasa wodi najah le kadam taki alela, wa wodi le uwo rahma fi al nazar ta rajil de.'' Ana kadimu ze arfakubaya le al melik.