¹ Hasa biga mutahakir fi yom Sebit, zema, biga saba bediri ta yom al awal fi usbu, ² Maria Magdalene wa Maria tanide jaa ainu turuba. humon kala, inak hasil , zalzal kebir, Malaika beta Rabana nazil min samah ja wa lezu bara hajir wa geni fogo. ³ Huwo zajir ze nur ta sakga, wa gumash tou abeyat zeta nada. ⁴ Gufara kaffu wa tala ze ruzal al mutu. ⁵ Al malaikat khatibu nusuwan wa kelimu le humon, ⁶ "Matakum kafu, ana arub intum be fetisu Yesu, alikan selibu. Huwo mafi heni, lakin gaamat, zema huwo kelimu. taalu suf mahal kan Rabana naimu fogo. ⁷ Rua takun seri wa worii le talami tuo, Huwo gam min mutu. Ainu, huwo masi fi gidam takun le Galillee. Henak intum sufuo huwo, Ainu, Ana wori lekum." ⁸ Al nusuwan kafu wa humon sibu gubur be sura wa maliyan mafara kebir. ⁹ Yesua gabilu humon wa gal "Salam ta kum" Al nusuwan ja, gobudu kurayin " tou wa abidu huwo. ¹⁰ but dak Yesua kelimu le humon, "Ma takun kafu, amsi worri le akwana tai keli humon ruwa le Gallee. Inak humon be ainu ana" ¹¹ Zema al nusuwan bi ruwa, gufara tanin futu le medina wa kelimu gusus kubarin all hajat dak al hasal. ¹² Nase gusus ma shiyuk amulo idtima wa wanesu ma humon an moudu, humon wadi gurus ketir le assakir wa kelimu le humon, ¹³ "Gulu le nas tanin, 'Talamis ta Yesua' jaa ini be belel wa seregu gesim tou zaman nehena kan naimin. ¹⁵ Iza kabara wasulu le waali, nehina be wanusu kede huwo silu bara koff ta ihaja. " ¹⁴ Al assakir akudu gurus de wa humon amulu zema worri le humon. Kabara de bada intesir beina Yehudiin wa istemir le yom ta alela. ¹⁶ Lakin Talamis hedasar de ruwa le Galileya, le jebel al kan Yesua wasifu le humon. ¹⁷ Asna humon ainu huwo, humon abidu huwo, lakin tanin shakiin. ¹⁸ Yesua jaa le humonwa wa wanusul le humon wa gal, "Kulu sulta fi samawat wa fi ardi wodi le ana. ¹⁹ Ashan kida Ruwa wa amulu telamis ta kulu daulat. Amidu humon be isim Al Ab, be isim Al Ibn, wa Roho Al Kudus. ²⁰ Derisu humon keli asuma kalam kulu ta awamir tai. Ainu, Ana daiman maakun, hatta le akir ta sinin.