¹ Biga zaman Yesuah kamilu kulu kelimat del, howo kelimu le talamize tou, ² intum arufu inu baad intiin yom bikun id al fesik, wa iben al insaan bi selimu ashan bi selibu. ³ Biga ruwasa al khahan wa al sheyuk al shaab kan limu fi beit ta reis ta khahan al isim tou caiapa. ⁴ Humon amulu maamara ashan bi gubudu Yesuah fi siir wa katulu huwo. ⁵ Lakin homon kelimukeli ma kun fi id, ashan keli ma bi kun fi shagab (lakabata)fi nus ta nus ⁶ wa zaman Yesush kan fi Bethany fi beit ta Simon al indu juddam , ⁷ wa ze ma howo kan gi geni wa gi akudu raha, jambu tarbiza, fi mara ja le howo ma jak ta dehan al gali shedid, wa heya kubu dehan de fi ras ta Yesuah, ⁸ Lakin zaman talamize ainu kalam de homon ta zalaniin wa homon kelimu, de kasara ta shunu zede? ⁹ De kan bi beyu ma gurush al ketir wa bi wodi le masakin ¹⁰ Lakin Yesuah kan arufu kalam de, wa howo kelimu le homon, malu intum gi amulu izaas le mara de? heya amulu haja al jemil le ana. ¹¹ Nas al masakiin gi geni ma intum kulu wukit, lakin ana ma gi geni ma intum kulu wukit ¹² Leanu heya kubu riha fi jesim tai, heya amulu de ashan dufunu tai. ¹³ al hagiga ana gi kelimu le intum, kulu mahal al gi bashiru injil fi alam, haja al mara de amulu bi wonusu le zikira ta heya. ¹⁴ Biga wahid min al itnashar al isem tou Judas Iscariot, ruwa le ris ta al khahan ¹⁵ wa kelimu, ''intum bi wodi le ana shunu ashan ana bi selimu howo le intum?'' homon jahizu teletiin gurush min feda le howo. biga ¹⁶ min zaman dak howo gi fetesu teriga ashan kef howo bi selimu Yesuah le homon. ¹⁷ Wa fi aweil ayam ta id al fetir talamiz ja le Yesuah wa kelimu. inta deiru keli nina jahizu le inta ashan bi akulu id al fesik weni?'' ¹⁸ howo kelimu, ruwa takum fi medina le zol tani wa kelimu takum le howo, al mulim gi kelimu, zaman tai gerib, ana bi amulu id''''' ¹⁹ al talamiz amulu ze ma Yesuah kelimu le homon, wa homon jahizu akil ta fesik. ²⁰ Zaman kan bi mesa,howo geni tehet ashan bi akulu ma talamiz al itnashar. ²¹ Ze ma homon gi akulu, kelimu, al hagiga ana gi kelimu le intum inu wahid min intum bi beyu ana, ²² homon kan mustagarabiin shedid, wa kulu wahid bada gi asalu howo, hal de bikun ana ya Rab?'' ²³ Howo juwabu, zol al bi beyu ana de, zol al gi akulu ma ana fi sahan. ²⁴ Ibiin al insaan bi ruwa, ze ma muktub an howo. lakin taab le zol al beyu ibini al insaan! kan bi kun kwes le zol de iza kan ma weledu howo. ²⁵ Judas al gi ja beyu howo de kelimu, hal de bi kun ana ya Rabbi? Yesuah kelimu le howo, inta kelimu bi nefsa taki. ²⁶ Wa ze ma homon gi akulu, Yesuah shilu rekef baraku, kasuru, howo wodi le talamiz wa kelimu, shilu takum, akulu takum, de jesim bi tai. ²⁷ Wa howo shilu kubaya, wa reja shukuran, wa wodi le homon, wa howo kelimu, asharab takum, intum kulu, ²⁸ leanu de yahu dom tai al ta ahaad al jedid al kubu le ajili na ketiriin al howo le magfara ta katiya. ²⁹ lakin ana kelimu le intum, ana ma bi asharabu tani mara min asiir ta karma de, lahadi yom dak ana bi asharabu al jedid ma intum fi malakut ta abu tai. ³⁰ Zaman humon guna ternima, humon ruwa fi jebel Zeitun. ³¹ Biga Yesuah kelimu le humon, "Fi bilel de intum kulu bi jere min Ana, Ana bi dugu al rai wa korufan al gi harisu bi shetetu. ³² Lakin baad ma Ana kan gum, Ana bi ruwa gidam min intum fi Jelil. ³³ Lakin Butrus kelimu le huwo, sala kan nas kulu jere min Inta, ana kulu kulu ma bi jere. ³⁴ Yesuah kelim le huwo, al hagiga Ana bi kelim le inta. Fi bilel de gubal dik ma kore inta bi anguru Ana talata marat. ³⁵ Butrus kelim le Huwo, sala kan kelimu gali kede Ana mutu ma inta, ana ma bi anguru Inta. Wa kulu talamiz kelimu nefsa haja. ³⁶ Biga Yesuah ruwa ma humon fi mahal al isim towo Jetesimani wa Huwo kelimu le talamiz Towo, geni takum hini Ana lisa bi ruwa seli hinak. ³⁷ Huwo shilu Buturus wa itnin iyal ta Zebedi ma Huwo, yala biga Huwo bada tala wa bi fekiru shedid. ³⁸ Biga Huwo bada kelimu le humon Roho tai haznan shedid, le dereja ta mutu. Geni takum hini wa sahir takum ma Ana. ³⁹ Huwo ruwa shuweya gidam, wa Huwo dengiri usa towo tehet, wa seli Huwo kelimu, Ya Abui sala kan mumkin shilu kas de min Ana, lakin ma hasab irada taki. ⁴⁰ Huwo ja le talamiz wa Huwo ligo humon bi num wa Huwo kelimu le Buturus, leh intum ma bi agder ashan bi sahir ma Ana wahid saa? ⁴¹ Sahir takum wa seli takum ashan intum ma bi dakalu fi tejiriba fi hagiga Roho deiru, lakin jisim deiif. ⁴² Huwo ruwa tani maraashan bi seli, Huwo kelimu, "Ya Abui kan Inta ma bi agder ashan bi shilu kas de min Ana, kede irada taki timu. ⁴³ Huwo ja tani mara wa ligo humon bi num, wa kan uyun tomon tegil. ⁴⁴ Huwo sibu humon tani mara, de biga nimira talata al Huwo ruwa ashan bi seli, Huwo kelimu nefsa kelimat. ⁴⁵ Biga Yesuah ja le talamiz wa kelim le humon, Sei intum lisa bi num a bi akudu raha? Aynu takum, zaman kalas ja gerib wa ibin insan bi selimu fi idan ta nas al ta katiya. ⁴⁶ Gum takum, kede nina ruwa, aynu takum, zol al bi ruwa selimu Ana de biga gerib." ⁴⁷ Zaman Howo lesa gi wonusu, judas, al wahid min talamiz al itnashar, Ja. Nas ketir ja ma Howo min mahal ta reis ta al khahana wa sheyuk ta shab. Homon ja bi suyuf wa asayat. ⁴⁸ Biga zol al gi ruwa selmu Yesuah de wori le homon alama,Gal, " Ayi zol al ana amulu le Howo gubla. de yahu Howo. gubudu Howo. ⁴⁹ Be sura keda Howo ja le Yesuah wa kelimu, " Salamat, Rabbi!" wa Howo amulu gubla le Yesuah. ⁵⁰ Yesuh kelimu le howo, " Ya Sabi, amulu haja al inta ja ashan bi amulu." Biga homon ja, wa kutu iden tomon le Yesuah, wa gubudu Howo. ⁵¹ Biga, wahid min nas al kan ma Yesuah medu iden tuo, wa tala seaf ta tuo wa dugu kadam ta reis ta al khahana, wa gata adana tuo. ⁵² Biga Yesuah kelimu le howo, "Kutu seaf taki de wara fi mahal tuo, le nas kulu al gi shilu seaf homon bi mutu bi seaf. ⁵³ Hal intum gi fekir inu ana ma bi agdeir nadi Abu tai wa howo bi rasulu le ana ktar min itnashar jesh min malaikat? ⁵⁴ Lakin biga kef hajat al muktub de bi kamilu, inu lazim de bi hasil?" ⁵⁵ Fi zaman dak Yesuah kelimu le nas, " Hal intum ja ma seyuf wa asayat ashan bi gubudu ana ze harami? Kulu yom ana gi geni wa gi derisu fi Haikal, waintum ma gubudu ana. ⁵⁶ Lakin de kulu gi hasil ashan bi kelimu kutub ta al anbiya." Wa fi zaman dak talamiz kulu sebu Howo wa homon jeri. ⁵⁷ Nas gubudu Yesuah homon jibu Howo Caiaphas reis al khahana, Fi mahal al kataa wa sheyuk lemu fogo ma baad. ⁵⁸ Laki Buturus gi ja fi wara Tuo min eyet lahadi fi beit ta reis ta al khahana. howo dakalu juwa wa geni tehet ma huras ashan i ainu nehaya ta haja al bi hasil. ⁵⁹ Biga euwasa al khahana wa al mejelis kulu kan gi fetisu shuhud al ta kezib did Yesuah ashan homon bi katulu Howo. ⁶⁰ Be rakam Shuhudiin ta kezib ja gedam ketir, ila homon ma ligo ayi galat le Yesuah. Lakin fi akir fi itniin shuhudiin tala gedam. ⁶¹ Wa homon kelimu, " Zol de kelimu gal, 'Ana bi demiru Haikal ta Allah, wa Ana bi abinu fi talata ayam.'" ⁶² Reis al Khana gum fok wa keliu le howo, hal inta ma indu juwab? De shunu yaho homon gi shahidu did inta? ⁶³ Lakin Yesuah kan askut. Reis al Khana Kelimu le howo, ana gi alifu le inta bi isem ta Allah al hai, wori le nina, hal inta al Masi ibin Allah". ⁶⁴ Yesuah juwabu le howo, inta kelimo be nefsa taki, lakin ana gi kelimu le intum, min hasa intum bi ainu ibiin al ansaan gi geni fi ida yemin ta guwa, a gi ja fi sehab min sama. ⁶⁵ Biga reis al khana setetu gumash tou wa kelimu," Kalam al howo kelimu de tejdef! Wa nina lesa deiro shuhudiin ashan shunu?Ainu takum hasa intum asuma tejdef." ⁶⁶ Itakum gi fekeru shunu? Humon huwabu wa kelimo," howo bi istahig mutu." ⁶⁷ Bigahomon tufu buzak fi usa ta tou wa dugu howo, wa durobu howo ma asayat al kan fi idiin tomon, ⁶⁸ wa homon kelimo," Naba le nina, inu inta al mesi, de munu yahu durubu inta?" ⁶⁹ Kan Peter gi geni bara fi beif ta reis al khana, wa kan fi beniya al khadam hinak ja le howo wa kelimu, "inta kama kan ma Yesuah ta Gelilee." ⁷⁰ Lakin howo kan anguru fi gedam tomon kulu, howo kelimu, ana ma arufu kalam al inta gi kelimu de"." ⁷¹ Zaman huwo ruwa fi buwba, beniya al khadam tani aino howo wa kelimu, le nas al kan hinka," zol de kaman kan ma Yesuah ta Nazareth." ⁷² Huwo tani mara anguru bi halifa., " Ana ma bi arufu zol de!" ⁷³ Yala baad suwiya keda, nas al kan gi wogifu hinak ja wa kelimu le Peter, "be kulu takid inta kaman wahid min humon, ashan gi beinu min teriga ta wunusa taki." ⁷⁴ Biga huwo bada gi laano wa gi halifu ,"ana ma bi arufu zol de", wa be sura keda gedada kore. ⁷⁵ Peter zekiru kelimat al kan Yesuah kelimo. " Gubal gedada ma kore ita bi anguru ana talata marat." Biga huwo tala bara wa kore shedid.