¹ Pharisyiin wa sadduciyiin ja wa jeribu huwo asalu huwo keli zahiru le umon alama min al fadah. ² Lakin huwo juwabu wa kelimu le umon. ''Izakan zaman biga misa, intum bi gul, 'huwo bikun jou kwes, fa al fadah ahmar.' ³ zaman kan sabah, intum bi gul, huwo bikun sihaf, fa al fadah huwo ahmar wa sihaf.' Intum bi arufu ashan bi terjimu sikil ta al fadah, lakin intum ma bi arufu terjimu alamat bita zaman. ⁴ Jil bita shar wa bita zina bi fetis alama, lakin mafi alama bi wori le umon ile bes alama bita Yonah.'' Bad dak Yesua sibu umon wa masha. ⁵ Zaman talamiz wosulu le tija tani, umon nesitu ashan shilu ezh. ⁶ Yesua kelimu le umon, Keli intum kun suja wa harisin min kemira bita Pharisyiin wa Sadduciyiin.'' ⁷ Talamiz fekiru be nufusm wa gal, '' kalam hasil ze de ashan nina ma shilu ezh.'' ⁸ Yesua arufu kalam de wa gal, '' intum al iman saheir Lie intum bi fekir fi nufuskum wa gal kalam hasal ashan nina ma shilu ez? ⁹ Intum ma zekiru kamsa ezhat le kamsa alf, wa kam gufat intum limu? ¹⁰ Wele saba ezhat le arba alf, wa kam gufat intum? ¹¹ Kef intum ma bi asma be inu Ana ma bi wonusu le inta an ezh? Keli intum kun suja wa haris min kemira bita Pharisiyin wa Saduciyin.'' ¹² Bad dak umon fahim be inu huwo ma bi wori le umon ashan yekun harisin min ezh, lakin yekun harisin min dirasa bita Pharisiyin wa Sadduciyin. ¹³ Zaman Yesua ja le iklim gerib ma Caesarea philippi, huwo asalu talamiz, gal, Intum bi fekir nas bi gul sunu an ibin al insan?'' ¹⁴ Umon gal, Tanin bi gul Yohana mahmadan; tanin, Elijah; wa tanin Jeremiah, wele wahid min anbiya.'' ¹⁵ Huwo kelim le umon, ''Lakin intum be gul ana munu?'' ¹⁶ Samaan Butrus gal, Inta al Mesih, Ibin Alla al hayi.'' ¹⁷ Yesua Juwabu wa kelim le huwo, ''Baraka le inta, Samaan Bar Yonah, Laham wa dom ma zahiru de le inta, lakin Abu bitai al fi samah. ¹⁸ Ana kaman le inta be-inu inta Butrus, wa fi ras hajer de Ana bi abinu kenisa tai. Guwa (Buaba) bita mutu ma bi wogif didu. ¹⁹ Ana bi wodi le inta mafati ta molokut bita samah. ai haja al intum bi robutu fi al ard bi robutu fi samah, wa ai haja al intum bi fiku fi al ard bi fiku fi samah.'' ²⁰ Bad dak Yesua wasi talamiz ashan umon ma bi wori le ai zol be-niu huwo al Mesih. ²¹ Min zaman dak Yesua bada wori le talamiz biitou be -inu huwo lazim bi yemshi le Urselim, bi taabu be hajat ketir fi idan ta siyuk wa kuhana wa mualim bit sheria,, bi katulu, wa bi goumu huwo le haya fi yom a talit. ²² Bad dak Butrus shilu huwo fi taraf wa wobiku huwo, gal, keli kalam de yekun beid min inta, Rabana; keli kalam de ma hasil le inta.'' ²³ Lakin Yesua galab wa kelim le Butrus, ''Amshi beid min ana, Shetan! Inta hajiz le ana, Inta ma mosul ana hajat bita Allah, lakin min hajat bita nas.'' ²⁴ Bad dak Yesua kelim le talamiz bitou, ''Kan ai zol der ashan bi ja wara ana, huwo lazim bi anguru(nesitu) nefsu, shilu slib bitou, wa ja wara ana. ²⁵ Ai zol al der nkizu haya bitou bi woduru, wa ai zol bi woduru haya bitou ashan ana bi ligo. ²⁶ Zol bi estefit sunu izakan huwo rebe kulu duniya lakin bi woduru haya bitou? Zol bi wodi sunu bedil le haya tou? ²⁷ Ibin al insan bi ja fi mejid bita Abu bitou ma malaikat tou. Bad dak huwo bi dafa makafa le ai zol hasab haja al huwo amulu. ²⁸ Ana bi kelim le intum hagiga, fi nas tanin minakun al bi wogifu hina ma bi jerib mutu lahadi umon bi ainu Ibin al Insan jai le molokut bou.''