¹ Bad dak pharishiyin wa mualamin ja le Yesua min Urselim. umon gal, ² ''Le talamiz bitak bi kasuru taghalid bita siyuk? Umon ma bi kasulu idan tomon zaman kan umon bi akulu.'' ³ Huwo juwabu wa kelim le umon, ''Bad kida le intum bi kasuru wasaya ta Allah ashan taghalid bitakum? ⁴ Allah bi gul, 'Ihterim abuk wa umak,' wa Ai zol al bi kelim shar bita abu wele umu hagiga bi mutu.' ⁵ Lakin intum bi gul, ''Ai zol al bi kelim le abu wele umu, ''Ai haja al bi saidu inta akudu min ana hasa huwo hadiya wodi le Allah,'' ⁶ ma mohim le zol dak ashan bi ihterim Abu.' Fi teriga de inta alisu kalam ta Allah le kwes bita tagahlid bitakum. ⁷ Intum al munafikin! Isaiah ma naba le intum gal, ⁸ Nas del bi ehterim ana be kasma bitomon, lakin gulub bitomon beid min ana. ⁹ Umon bi abidu ana fi sifir le anu umon bi derisiu akhida bitomon al huwo wasia ta nas.'' ¹⁰ Bad dak huwo nadi jamahir le nefsu wa kelimu le umon, '''Asma wa afham_ ¹¹ Ma haja al bi dakalu be kasuma yau bi nijisu zol. ile al bi tala min kasuma, yau bi nijisu zol. ¹² Bad dak talamiz ja wa kelimu le Yesua, ''Hal Inta arufu be inu Pharisiyin del tala zalanin zaman umon asma kalam de?'' ¹³ Yesua juwabu wa gal, Ai shejer al abu bitai al samawi ma zarau bi amurugu bara. ¹⁴ Sibu umon barau, Umon amiyanin. Kan zol amiyan juru zol amiyan kulu umon bi waga fi ufra.'' ¹⁵ Butrus juwabu wa kelim le Yesua, '' Haki le nina amsal de. ¹⁶ Yesua gal, ''Hal Intum lisa ma fahmin? ¹⁷ Hal intum ma ainu be inu ai haja al bi dakalu be kasuma bi yemsi le batna wa bad dak be yemsi le bakhana. ¹⁸ Lakin kalam al bi tala min kasuma ja min geliba. Umon yau kalam al bi nejisu zol. ¹⁹ Min geliba bi yetla afkar sherira, kitil, zina, daara, sherga, shahada be kidib, wa kalam kafir. ²⁰ Del yau hajat al bi nejisu zol. Lakin akulu be idan al ma kasulu ma bi nejsu zol.'' ²¹ Bad dak Yesua masha min hinak wa tala le akhlim bita mudun ta Tyre wa Sidon. ²² Asmau Mara min Canaan ja min iklim dak. huwo kelim be shot fok wa gal, Arhamni, Rabana, Ibin Daud! biniya bitai moskun shedid.'' ²³ Lakin Yesua ma juwabu hiya. Talamiz bitou ja le huwo wa kelim, gal, kelim le hiya keli yemsi, hiya bi amul izaach wara nihna.'' ²⁴ Lakin Yesua juwabu wa gal, ''Ma rasulu ana le ai zol ile bes le korufan ali woduru bita bet ta Israel.'' ²⁵ Lakin hiya ja wa dangar gidami, gal, Rabana, saidni.'' ²⁶ Huwo juwabu wa gal, Huwo ma kwes ashan inta bi shilu ezh bita iyal wa jadau le kilab.'' ²⁸ Hiya Gal. Nam, Rabana, hata kilab al suhar bi akulu fadalat ali bi waga min terbeza bita seid bitomon.'' ²⁷ Bad dak Yesua Juwabu wa gal le hiya, ''Ya mara, Iman bitak azim, Keli haja de hasil le inta zema inta deiru.''bit bitou ligo ilaj fi nefsu zaman. ²⁹ Yesua sibu mahal dak wa masha gerib ma bahar ta Galileya. Bad dak huwo masha fi ras jebel wa geni hinak. ³⁰ Jamahir be adad kebir ja le huwo. umon jabu ma umon nas abu mukasirin, amiyanin, tamtam, wa ali bi douru be rukuba, wa nas kutar al ayanin. Umon jabu fi kura ta Yesua, wa huwo aliju umon. ³¹ Jamahir istkarabu zaman umon ainu nas al kan abu tamtam bi wonusu, al bi douru be rukuba tala kwesin, abu mukasirin bi douru, wa amiyanin bi sufu. Umon sabihu Allah bita Israel. ³² Yesua nadi talamiz tou le huwo wa gal. '' Ana bi hin le jamahir del le anu umon geni ma ana le fetra ta talata yom wa ma indum haja ashan bi akulu. Ana ma deiru ashan bi sibu umon bi yemsi bidun ma akulu, wele umon bi tala tabanin fi sika.'' ³³ Tamamiz kelimu le huwo, Nina bi ligo ezh kifaya wen fi mahal al fadi zede ashan bi sabanu (kefi) jamahir kebir zede? ³⁴ Yesua kelimu le umon, ''Intum i indakum ezh kam? Umon gal ''Saba, wa samak suhar besit.'' ³⁵ Bad dak Yesua amiru jamahir del keli geni tehet fi turab. ³⁶ Huwo shilu saba ezh de wa asmak de, wa bad huwo wodi sukur, huwo kasuru ezh de wa wodi le talamiz. Talamiz wodi le jamahir. ³⁷ Nas del akulu wa tala sabanin. Bad dak umon limu saba gufat malyan min fadalat. ³⁸ Del al kan akulu arba alf rijal bidun nasawin wa iyal. ³⁹ Bad dak Yesua rasulu jamahir del wa rikib murkab wa masah le iklim bita Magadan.