¹ Yahuah wunusu le Musa, kelim , ² '' Silu Harun wa awulat tao ma uwo, al malabis wa al zet misha, al tor le tekdimat al katia, al itniin koruf, wa al gufa ta ess al ma indu kemira. ³ Limu kulu al jamaia fi al matkal le al kemat ta intima.'' ⁴ Kida Musa amulu ze Yahuah amiru uwo, wa al jamaa ja mabaat le al matkal ta al kema ta intima. ⁵ Biga Musa kelim le al jemeia, ''De yau sunu Yahuah kan amiru ashan bi amuu.'' ⁶ Musa jibu Harun wa awulat tao wa kasulu umon ma moyo. ⁷ Uwo libisu fogo Harun gumas wa rubutu gumas tani hawli sulba tao, libisu uwo ma al jalabia wa kutu al gumasat mukasa kayetu be terga al kuwes giafa alahasab tesmim wa mowasafar kahanutia wa rubutu fogo uwo. ⁸ Uwo kutu al gitadrus fogo uwo, wa fi al gitdrus uwo kutu al Urim wa al Thummim. ⁹ Uwo kutu al hima fogo ras tao, wa fogo al hima , be gidam, uwo kutu al sahan zahabia, al taj mukadas, ze Yahuah kan amiru uwo. ¹⁰ Musa silu al zet misha , masau al tabut wa ayihaja fogo wa ferigu umon kas le Yahuah. ¹¹ Uwo rusu al zet fogo al altari saba marat, wa masahu al altari wa kulu afasat tao, wa al tesitkasil wa magaat tao, le ferigu umon barau/ kas le Yahuah. ¹² Uwo kubu juzu ta zet al misha fogo ras Harun wa masahu uwo le kerisu/ferigu uwo barau/kas. ¹³ Musa jibu awulat Harun wa libisu umon ma malabis. Uwo rubutu sashes hawuli sulubat tomon wa kati gumas lamaan hawuli ruus tomon, ze Yahuah kan amiru uwo. ¹⁴ Musa jibu al tor le tekdimat al katia, wa Harun wa awulat tao kutu iden tomon fogo al ras ta al tor al umon kan jibu le tekdimat katia. ¹⁵ Uwo katulu uwo, wa uwo silu al dom wa kutu fogo al gurun ta al altari ma dufur tao, tahiru al altari, kubu bara al dom min al magaat ta al altari, wa kasisu uwo barau le Allah ashan le amulu kafara le uwo. ¹⁶ Uwo silu kulu al zet al kan fogo ajaza al dakili, al futa ta al kibda, wa al kilwat itniin ma zet tomon, wa Musa haragu kulu fogo al altari. ¹⁷ Lakin al tor , gili tao, laham tao, wa kara/ wasaka tao uwo haragu be bara al kema, ze Yahauah kan amiru uwo. ¹⁸ Musa gedimu al koruf le tekdimat mahuruk, wa Harun wa awulat tao kutu iden tomon fogo al ras ta al dan. ¹⁹ Uwo katulu wa rusu dom tao fi ayi tija ta al altari. ²⁰ Uwo gata al dan le gitaat wa haragu al ras wa al ghitaat wa al zet. ²¹ Uwo kasulu al ajiza al dakilia wa al kurain ma moyo, wa uwo haragu al dan kulu fogo al altari. Uwo kan tekdima mohuruk wa bi antij riha hilu, al tekdima amulu be nar le Yahuah ze Yahuah kan amiru Musa. ²² Biga Musa gedimu al dan tani, al dan ta tekiris, wa Harun wa awulat tao kutu iden tomon fogo al ras ta al dan. ²³ Harun katulu uwo, wa Musa silu juzu ta dom tao wa kutu fogo al taraf ta adana ta Harun, fogo al dufur kebir ta iden tao al yomin, wa fogo al dufur kebir ta kurain tao al yomin. ²⁴ Uwo jibu awulat ta Harun, wa uwo kutu juzu ta al dom fogo al taraf ta adana tomon al yomin, fogo al dufur kebir ta iden tomon al yomin, wa fogo al dufur kebir ta kurain tomon ta yomin. Biga Musa rusu dom de fi ayi tija ta al altari. ²⁵ Uwo silu al zet, al zet ta danab, kulu al zet al kan fogo al ajiza al dakili, al futa ta al kibda, al itniin kiluwa , wa zet tomon, wa juzu al be fok ta kurain. ²⁶ Bara min al gufa ta ess al mafi fogo kemira al gidam Yahuah, uwo silu wahid ess bidun kemira, wa wahid ess al fogo zet, wa wahid wafer, wa kutu umon fogo zet wa fogo al laham al beina dus wa kurain. ²⁷ Uwo kutu kulu fi al iden ta Harun wa fi al idenat ta awulat ta Harun wa habibu umon gidam Yahuah ze tekdima muhib. ²⁸ Biga Musa silu umon bara min iden tomon wa haragu umon fogo al altari le tekdimat al mahruk. Umon kan kerisu tekdima wa antiju riha hilu. De kan al tekdima amulu ma nar le Yahuah. ²⁹ Musa silu al sudur wa hariku uwo ze al tekdima mahbub le Yahuah. De kan nisbat Musa ta al dan le al tekiris ta kahin, ze Yahuah kan amiru uwo. ³⁰ Musa silu juzu ta zet misha wa al dom al kan fogo al altari; uwo rusu delin fogo Harun, fogo gumasat tao, fogo awulat tao, wa fogo gumasat ta awulat tao ma uwo. Fi teriga zede uwo kasisu Harun wa gumasat tao, wa awulat tao wa gumasat tomon le Yahuah. ³¹ Be kida Musa kelim le Harun wa le awulat tao, ''Rakabu al laham fi al matkal le al kema ta itima, wa inak akulu uwo wa al ess al yau fi al gufa ta tekris, ze Ana amiru, 'Harun wa awulat tao bi akulu uwo.' ³² Ayisunu al fadulu ta al laham wa ta al ess ita lazim bi haragu. ³³ Itakum lazim ma bi rua baramin al matkal ta al kema le fetera ta saba ayom, lakadi al ayom ta tersim takium kalas kamilu. Lianu Yahuah bi kerisu itakum le feterat saba ayom. ³⁴ Sunu kalas la amulu fi ayom de_ Yahuah kan amiru kede yau amulu le amulu makfara le itakum. ³⁵ Itakum bi geni nahar wa bi lel le saba ayom fi al matkal le al kema t ta intima, ashan de yau sunu Ana kan bi amiru.'' ³⁶ Kida Harun wa awulat tao amulu kulu al hajat al Yahuah kan amiru umon be wasat Musa.