¹ De yau al ganun ta tekdimat galat.Uwo yau kudus kalis. ² Umon lazim bi katulu al tekdimat galat fi al makan le katulu uwo, wa umon lazim bi rusu dom tao fi kulu tija ta al altar/mazbah. ³ Kulu al semin/zet fogo uwo bi gedimu: al zet ta danaba, al zet al yau kulu fi mahalat al be jua, ⁴ al itniin kiluat wa al zet fogo umon, al yau gerib le silsila ta dahar ma dula, wa sunu al bi kati kibda, ma al kiluat_kulu de lazim bi talau. ⁵ Al kahin lazim bi aragu mahalat del fogo al altar/ mazbah ze al tekdima amulu ma nar le Yahuah. De yau al tekdimat galat. ⁶ Ayi rajil finus al kahana bi akulu juzu ta tekdima de. Uwo lazim bi akulu fi makan mukadas ashan uwo yau kudus kalis. ⁷ Al tekdimat katia yau ze tekdimat galat. Al nefsu ganun bi nafisu/ tabigu le kulu min umon. Umon tabi/bikun le al kahin uwo al amulu kafara ma umon. ⁸ Al kahin al gedimu tekdima mohuruk ta ayiwahid bi silu le nefsa tao al gilit ta tekdim dak. ⁹ Ayi tekdima ta dura al yau kabisu fi al furun, wa ayi tekdima zede al yau rakabu be tawa au fi al makbas bi tabi/bi kun le al kahin al gedimu uwo. ¹⁰ Ayi tekdimat dura, kan yabis au lakbatu/ajinu ma zet, bi tabi/bi kun kaman sawa le kulu al ajial ta Harun. ¹¹ De yau al ganun ta al zebiha ta tekdimat salam al nas bi gedim le Yahuah. ¹² Iza ayi wahid kedimu uwo ashan le wodi shukur, biga uwo lazim bi gedim u uwo ma zebiha ta kabis amulu be dun kemira, lakin ajinu ma zet, min kabis al amulu ma degit al kuwes al yau ajinu ma zet. ¹³ Kaman le al sabab ta wodi shukuran, uwo lazim bi gedim ma tekdimat kabis ta salam tao amulu ma kemira. ¹⁴ Uwo yau bi gedim wahid ta ayi sikil ta zebihat delin ze al tekdima gedimu le Yahuah. Uwo bi kun/ tabi le al kahin al rusu al dom ta al tekdimat salam fogo al altar/ mazbah. ¹⁵ Al zol bi gedim tekdimat salam le al sabab ta wodi shukuran lazim bi akulu al laham ta tekdima tao fi al yom ta al zebiha. Uwo lazim ma bi sibu ayi min fogo lakadi al sabah tani. ¹⁶ Lakin iza al zebiha ta tekdima tao yau le sabab ta halifa, au le al sabab ta al tekdima huriat-irada, al laham lazim bi akulu fogo al yom al uwo gedim zebiha tao, lakin sunu al fadulu min uwo biga bi akulu fi al yom altani. ¹⁷ Walao, ayihaja min laham ta al zebiha fadulu fi yom al talit lazim bi haragu. ¹⁸ Iza ayi min al laham ta al zebiha ta tekdimat salam ta wahid yau akulu fogo al yom al talit, uwo ma bi kun mokbul, wele uwo bi gediru le al zol al gedimu. uwo bi kun haja batal, wa al zol al akulu uwo bi arfa al galat ta katia tao. ¹⁹ Ayi laham al lemesu haja al ma nedif lazim ma bi akulu. Uwo lazim bi haragu. Ze le al bagi ta al laham, ayi wahid al yau nedif bi akulu uwo. ²⁰ Wolao, zol al ma nedif uwo akulu ayi laham min al zebiha ta al tekdimat salam al tabi le Yahuah_zol zede lazim bi gatau bara min nas tao. ²¹ Iza ayiwahid lemesu ayi haja al ma nedif_hata sokol waskan ta insan au waskan ta haiwan au ta juzu ta waskan, hajat batal_ wa iza uwo biga akulu juzu ta laham ta zebiha ta tekdimat salam al tabi le Yahuah, zol de lazim bi gatau bara min nas tao.''' ²² Biga Yahuah wonusu le Musa, kelim, '' ²³ Wonusu le al nas ta Israel wa kelim, 'Itakum lazim ma bi akulu zet ta abgar, korufan, au ganamayat. ²⁴ Al zet ta al haiwanal mutu bidun ma gedimu zebiha, au al zet ta al haiwan al katulu ma haiwanat ta gaba, bes bi istagdimu le agrat tanin, lakin itakum lazim abadan ma bi akulu uwo. ²⁵ Ayizol al akulu al zet ta al haiwan al nas bi gedimu ze al zebiha ma nar le Yahuah, zol de lazim bi gatau bara min nas tao. ²⁶ Itakum lazim ma bi akulu dom welebeayi teriga fi ayi min biut takum, wele kan yau min ter au al haiwan. ²⁷ Ayizol akulu ayi dom, zol de lazim bi gatau bara min nas tao.''' ²⁸ Kida Yahuah wonusu le Musa wa kelim, '' ²⁹ Kelim le al nas ta Israil wa kelim, ' Uwo al gedimu zebiha ta tekdimat salam le Yahuah lazim bi jibu juzu ta zebiha tao le Yahuah. ³⁰ Al tekdima le Yahuah bi amulu ma nar, uwo yau lazim bi jibu uwo ma iden tao. Uwo lazim bi jibu al zet ma al sudur ze al tekdima gidam Yahuah. ³¹ Al kahin lazim bi aragu al zet fogo al altar/ mazbah, lakin al sudur bi kun/ tabi le Harun wa ajial tao. ³² Itakum lazim bi wodi juzu al be fok ta kurain le al kahin ze al tekdima gedimu bara min al zebiha ta tekdima ta salam takum. ³³ Al kahin, wahid ta ajial Harun, al bi gedim al dom ta al tekdimat ta al salam wa zet_uwo bi indi juzu be fok kurain ze nisba tao ta al tekdim. ³⁴ Lianu Ana yau silu min nas al Israil, al sudur ta al tekdima, wa al laham be fok ta kurain de yau wodi, wa umon kalas wodi le Harun al kahin wa awulat tao ze nisba tomon daiman. ³⁵ De yau nisba le Harun wa ajial tao min al tekdima le Yahuah amulu ma nar, fi al yom zaman Musa kerisu/gedimu umon le kadimu Yahuah fi al sokol ta kahin. ³⁶ De yau al nisba ta Yahuah amiru ashan bi wodi le umon min al nas ta Israil, fi al yom al uwo masau al kahana. Uwo daiman bi kun nisba tomon abri kulu ajial. ³⁷ De yau al ganun ta al tekdima mohuruk, ta tekdimat al dura, ta tekdimat al katia, ta tekdimat al galat, ta tekdimat al tekris, wa ta al tekdimat zebiha ta salam, ³⁸ al yau Yahuah wodi awamir le Musa fok al Jebel Sinai fi al yom al uwo amiru al nas ta Israil le gedimu zebiha tomon le Yahuah fi al sahara/ gabat ta Sinai.'''