¹ Yahuwa kelimu le Musa: wonusu le gusus, awulad bita Aaron, wa kelimu le umon, Ai wahid kede ma nijisu nefsu le del ali bi mutu beinu nas tou, ² ile le ahal tou al gerib kalis-uma tou, abu tou, weled tou, bit tou, aku tou, ³ au ukut tou al azra ali fi tehet musulia tou, kan hiya ma indu rajil- huwo bi nijisu nefsu ashan hiya. ⁴ Lakin huwo lazim kedema nijisu nefsu le ahal tanin wa bad kida wasaku nefsu. ⁵ Gusus lazim keli ma haligu ras bitomon au haligu taraf(zawiya) bita dikin tomon, wele gatau gisim tomon. ⁶ Umon lazim yekun kudusin le Allah tomon wa ma alisu isim bita Allah tomon Le-anu gusus bi gedimu hataya abu akil le Yahuwa, rakif bita Allah tomon. Ashan kida gusus lazim kede yekun kudusin. ⁷ Lazim umon kede ma zowuju ai mara al bita zina wa al nijis,(waskan) wa umon lazim keli ma zowuju mara al rajil tou talagu, fa umon kas le Allah tomon. ⁸ Inta bi kutu huwo kas, fa huwo yau bi gedimu rakif(kubs) le Allah taki. Huwo lazim kede kun kudus le inta, le-anu Ana, Yahuwa yau kutu inta kudus, ana kudus. ⁹ Ai bit bita gesis al nejisu nefsu wa tala bita zina bi alisu abu tou. Lazim bi haragu hiya. ¹⁰ kebir bita gusus bein akwana tou al masau ras tou be zed, wa al karizu huwo ashan bi libisu gumas kas bita kebir bita gusus, kede ma libisu gumas wa shar tou ma morbut au sheretu gumas tou. ¹¹ Huwo lazim kede ma rua fi ai mahal al fogo meit wa nejisu nefsu, hata kan le abu au uma tou. ¹² Lazim kede kebir bita gusus ma sibu mahal al mukudas au, Le-anu karizu huwo ze gesis kebir be misha bita Allah tou. Ana Yahuwa. ¹³ Gesis al kebir de lazim kede zowuju azra ze mara tou. ¹⁴ Lazim huwo kede ma zowuju armala, mara al talagu, wele mara bita zina. Huwo kede ma zowuju sikil(nowiya) nusuwan del. Huwo bei zowuju azra bes min nas, tomom, ¹⁵ Bad kida huwo ma bi nejisu iyal tou bein nas tou, fa Ana Yahuwa, al kutu huwo ashan yekun kudus."' ¹⁶ Yahuwa wonusu(kelimu) le Musa, gal, ¹⁷ Wonusu le Aaron wa kelimu le huwo, 'Munu min iyal bita iyal bitakum min kulu ajial al jisim tou endu eeb, Huwo lazim kede ma ja ashan bi gedimu akil le Allah tou. ¹⁸ Ai zol al indu eeb fi jisim kede lazim ma ja gerib ma Yahuwa, ze zol amiyan wele zol al ma bi agder douru, zol al ma kalagu kwes, ¹⁹ zol al moksur fi yed wele iden, ²⁰ zol al indu singit wele jogot wele guser, wele zol al indu eeb fi uyun tou, wele al indu ayan, jara, jilba, wele zol al khisia bitou damar. ²¹ Mafi zol bein usra bita gesis Aaron be jisim al indu eeb bi ja gerib ashan bi gedimu hataya al amulu be nar le yahuwa. Sikil zol al endu eeb fi jisim; lazim kede ma ja gerib ashan bi gedimu kubs le Allah. ²² huwo bi akulu akil bita Allah tou, au baad min al kudusiyin kalis au baad min kudusiyin. ²³ Ala kulu hal, lazim huwo ma bi dakalu fi jua sitara wele bi ja gerib ma mambar, le-anu huwo endu eeb fi jisim, Ashan huwo ma bi nejisu mahal bitai al kudus, fa Ana Yahuwa, yau kutu umon kudusiyin(mukadisiyin)."' ²⁴ Bad kida Musa wonusu kalamat del le Aaron, le awulad bitou, wa le kulu nas bita Israel.