¹ Yahwah kan kelim le Musa gali, ² Wori le shaab ta Israel, ayi wahid al fi nus shaab ta Israel, awu ayi ajnebi al geni fi Isreal, al biwodi ayi min iyal towo le molek, bikatulu behagiga. Nas ta mahal/wata hinak bi durubu huwo be hajer hujar. ³ Ana Kaman bi gilibu usa tai did zel de wo ashan huwo wodi jena towo le molek, ashan nejisu mahal tayi al mokadas wa karabu isim tayi al mokadas. ⁴ Iza kan nas ta mahal dak gofulu uyun tomon le zol de zaman al huwogi wodi ayi min iyal towo le malek, kan umon ma katulu zol de ⁵ Ana benefsa tayi bigeyiru usa tayi min zel de wa ashira towo, ana bigata huwo bara, wa Kaman ayi zol tani al bi amulu ze zina al zol de kan amulu zina mamolek. ⁶ Zol al biruwa wara sokol seher wa sokol ayinu hajat be arowah ashan bi amulu zina benufus tomon ma arowoh del, ana bigeiru usa tayi did zol de; ana bigata zol de min nus ta nas towo. ⁷ Ashan kida salau takum nesa takum ashan bikun kudusiin. Ashan ana Yahwah Rabuna takum. ⁸ Intum bi hafizu talimat tayi wa ishtakal bewo, ana Yahwah al azilu intum ze nas al kudus. ⁹ Ayi zol al bi laanu abu towo awu umatowo bikatulu. As huwo laanu abu awu uma towo, dom towo bikun fi ras towo. ¹⁰ Zol al biamulu zina ma mara ta rajil tani, yani, kan zol amulu zina ma mara ta jeran towo-al zania wa al zani (rajil wa mara) de behagiga bikatulu umon. ¹¹ Iza kan rajil num ma mara ta abu towo, huwo kalas ayinu ariyan ta abu towo, umon kulu weled wa mara abu towo bikatulu. Dom tomon bikun fi ras tomon . ¹² Iza kan rajil num ma mara weled towo, umon itnen kulu behagiga bikatulu, umon amulu bidur, dom tomon fi ras tomon. ¹³ Iza kan rajil num ma rajil tani, zegi num ma mara, humon kulu haja al mokruh/batal. Humon kulu bikatulu rajil jouzu mara wa kamon. ¹⁴ Iza kan rajil jouzu mara wa kamon ruwa jouzu umata mara de, da sher wa kaab. Biharagu umon, rajil wa mara, ashan ma bikun fi haja kaab ze de fi nus takum. ¹⁵ Iza kan rajil num ma hayiwan, behagiga bikatulu uwo, wa intum bikatulu hayiwon de. ¹⁶ Iza kan mara shilu ayi hayiwon ashan binum ma huwo, intum keli katulu mara de ma hayiwon de umon bistehik mutu. Dom tomon bikun fi ras tomon. ¹⁷ Iza kan rajil shilu okot, towo, binia ta abu towo, binia ta uma towo ashan bi ayinu ariyan ta hiya, wa hiya bi ayinu ariyan towo de fadiya. Bi gatau umon bara min ena ta nas tomon, huwo kalas ayinu ariyan ta okot towo, wa huwo bikun mosuol le galat towo. ¹⁸ Iza kan rajil num ma mara fi zaman ta ayinu dom ta shahar, wa ayinu ariyan ta hiya, wa ayina dofugu ta dom de. Umon kulu, rajil wa mara bi gatau umon min nus ta nas tomon. ¹⁹ Inta ma bi num ma okot uma taki wala okot abu taki ashan ma bikarabu suma ta usura takum. Inta bikun mosuol le galat inta amulu. ²⁰ Iza kan zol num ma mara ta aku abu towo, huwo kalas ayinu ariyan ta ami towo, wa umon bimutu bidun weledu iyal. ²¹ Iza kan rajil jouzu mara ta aku towo, de momnu, huwo kalas ayinu ariyan ta aku towo; umon ma biweledu iyal. ²² Intum keli hafizu ganun wa kararat, intum bi enterim umon ashan mahal/arid al ana gi shilu intum ashan bi geni fogo de keli ma aturusu intum bara. ²³ Intum keli ma dowuru wara gawanin ta beled al ana gi ruwa turuju umon bara gubal intum bida kalu fogo, ashan umon kan amulu hajat al batal del, wa ana akrah umon. ²⁴ Ana kan wori le intum, “intum bimeliku wata tomon, wa ana biwodi le intum wa bikun takum, wata/beled al Malian ma leben wa asel. Ana Yahwah Rabuna takum, al gesimu intum min nas tannin. ²⁵ Intim keli ferigu beyin tiyur al nedif waal ma nedif, Kaman beyin tiyur al nedif wa al ma nedif. Intum keli ma nijisu nefsa takun min hayiwanat al nijis, tiyur al nijis, awu ma ayi kaliga al gi juru nefsa fi turab wata. Al ana kalas gesim ze nijis fi nus takum. ²⁶ Intum keli kun kudusiin, leanu ana Yahwah, ana kudus wa ana kalas gesimu intum min bagi nastanin, ashan intum taabi le ana. ²⁷ Rajil wala mara al ta sher awo wonusu ma arowah, bistehik ashan bikatulu. Shaab nas bi durubu umon be hujar wa dom tomon bikun fi ras tomon.”