¹ Yahuah wonusu le Musa wa Harun , kelim '' ² Wonusu le al nas ta Israil, wa kelim le umon, 'Kan ayi zol indu taasiriat sawail/moyo al bi ja bara min gisim tao, uwo biga manedif. ³ Adam nadafa tao yau besaba taasir le moyo de. Hata wolao gisim tao bi dofugu moyo au kalas wogif, de yau manedif. ⁴ Ayi serir al uwo num fogo bi kun manedif, wa ayihaja al uwo geni fogo bikun manedif. ⁵ Ayizol lemesu serir tao lazim bi kasulu gumasat tao wa beredu nefsatao ma moyo, wa bi kun manedif lakadi asia/misa. ⁶ Ayiwahid al geni fogo ayihaja al yau al zol ma al marat moyo al bi kubu min gisim, zol zede lazim kede kasulu gumasat tao wa beredu nefsatao fi moyo, wa uwo bi kun manedif lakadi misa. ⁷ Ayiwahid al lemesu al gisim ta wahid al indu taasir/marat moyo bi dofugu/kubu lazim bi kasulu gumasat wa beredu nefsa tao be moyo, wa bi kun manedif lakadi assia/ misa. ⁸ Kan al zol al indu sikil dofugu moyo zede bazik fogo zoltani al yau nedif, biga zol de lazim bi kasulu humsat tao wa beredu nefsu be moyo, wa uwo bi kun manedif lakadi misa. ⁹ Ayi naal/sifinja al yau uwo kalas lemesu fogo alabis mudafik bi kun manedif. ¹⁰ Kida ayizol lemesu ayihaja al kan tehet zol dak bi kun manedif lakadi misa, wa ayiwahid al arfa hajat del lazim bi kasulu gumasat tao wa hamimu nefsu be moyo; uwo bi kun manedif lakadi misa. ¹¹ Ayiwhid al zol mau istifrak lemesu bidun kasulu idenat tao ma moyo lazim bi kasulu gumasat tao wa hamamu nefsatao ma moyo, wa uwo bi kun manedif lakadi misa. ¹² Ayi gurma tini al al wahid ma sikli moyo bi dofugu lemesu lazim bi kasuru, wa ayi hamilat min kasab lazim bi bilu fi moyo. ¹³ Kan uwo al indu difak biga nedif min dofugu tao, biga uwo lazim bi hasibu le nefsatao saba ayom le nadafa tao; biga uwo lazim bi kasulu gumasat tao wa beredu gisim tao fi moyo al bi jere. Biga uwo bi kun nedif. ¹⁴ Fi al yom tamania uwo lazim bi silu itniin hamamat sukerin wa bija gidam Yahuah fi al matkal le al kemat ta intima; inak uwo lazim bi wodi al tiur le al kahin. ¹⁵ Al kahin lazim bi gedim umon, wahid ze tekdimat katia wa al tani ze tekdimat mahruk, wa al kahin lazim bi amulu makfara le uwo gidam Yahuah le dofogu tao. ¹⁶ Kan ayi rajil indu istifrak ta sawil ta jihas atanasuli, biga uwo lazim bi istahama gisim tao kulu be moyo; uwo bi kun manedif lakadi misa. ¹⁷ Ayi gumas au gilid al biga fi fogo sail lazim bi kasulu ma moyo; uwo bi kun manedif lakadi misa. ¹⁸ Kan rajil num ma mara wa inak fi tawasul sawail/haiwanat manawi, kulu umon lazim bi beredu ma moyo wa bi kun manedif lakadi misa. ¹⁹ Kan aada saharia ta mara hasil, talaus ta hia bi istemir le saba ayom, wa ayizol lemesu hia bi kun manedif lakadi misa. ²⁰ Ayihaja hia ragat fogo fi fetera ta aada bi kun manedif; ayihaja al hia jalas/geni fogo kaman bi kun manedif. ²¹ Ayizol lemesu serir ta hia lazim bi kasulu gumasat tao wa beredu nefsu be moyo; zol de bi kun manedif lakadi misa. ²² Ayizol lemesu ayihaja al hia gaat fogo lazim bi kasulu gumsat tao wa beredu nefsu be moyo; zol de bi kun manedif lakadi misa. ²³ Sala kan yau fok serir au ayihaja al hia geni fogo, kan uwo lemesu umon, zol de bi kun manedif lakadi misa. ²⁴ Kan ayi rajil num ma hia, wa kan wasaka ta hia al bi kubu lemesu uwo, uwo bi kun manedif le saba ayom. Ayi serir al uwo num fogo bi kun manedif. ²⁵ Kan mara bi dofugu dom le ayom ketir al yau ma fi al zaman ta aada saharia ta hia, au kan hia indu nezif al futu al zaman ta aada saharia ta hia, kulu al fetera ta ayom ta al nezif ta adamnadafa ta hia, hia bi kun ze kan hia kan fi al ayom ta aada saharia ta hia. Hia biga manedif. ²⁶ Ayi serir al hia ragat fogo fi fetera nezif al domowi bi kun le hia bes ze al serir al hia ragat fogo zaman aada saharia, wa ayihaja al hia geni fogo bi kunmanedif, bes ze al adamnafa ta aada saharia ta hia. ²⁷ Ayizol lemesu ayi min hajant delin bi kun manedif; uwo lazim bi kasulu gumasat tao wa beredu nefsu be moyo, wa uwo bi kun manedif lakadi misa. ²⁸ Lakin kan hia biga nedif min nezif dom ta hia, biga hia bi hasibu le nefsa saba ayom, wa bat dak hia bi kun nedif. ²⁹ Fi yom al tamania hia bi silu le hia itniin hamamat sukerin wa jibu umon le al kahin fi al matkal le al kema ta intima. ³⁰ Al kahin bi gedim wahid ter ze tekdimat katia wa al tani ze tekdimat mahruk, wa uwo bi amulu makfara le hia gidam Yahuah le adamnadafat nezif ta dom. ³¹ De yau kef ita lazim bi ferigu al nas ta Isarail min adamnadafa tomon, kida umon ma bi mutu ashan adamnadafa tomon, be nijisu/waskanu tabuut tai, al Ana bi geni fogo finus tomon. ³² Delin yau al hajat/farait le ayiwahid al indu nezif ta moyo, le ayi rajil al sail bi tala baramin uwo wa amulu uwo biga manedif, ³³ le ayi mara al indu aada saharia, le ayiwahid ma nezif sail, sala rajil au mara, wa le ayi rajil al num ma mara al manedif.'''