¹ Yahuah wonusu le Musa wa le Harun, kelim , ² ''Zaman ayiwahid kan fogo al gilit ta gisim tao warma au gisir au alama abiat, wa uwo biga musab wa de yau al marat gilit fi gisim tao, biga uwo lazim bi jibu le Harun al rais kahana, au le wahid ta awulat al kahanat. ³ Biga al kahin bi kasifu al marat fi al gilit ta gisim tao. Kan al sar fi al makan marat biga geyeru abiat, wa kan al marat zahir sedid biga bes fogo al gilit, biga uwo yau al marat musib. Bat al kahin kasifu uwo, uwo lazim bi alinu uwo manedif. ⁴ Kan alamat al abiat fi gilit tao, wa al zahira tao ma sedid ze al gilit, wa kan al sar fi al makan marat kan ma geyeru abiat, biga al kahin lazim bi ferigu/azilu al wahid ma al marat le saba ayom. ⁵ Fi al saba yom, al kahin lazim bi kasifu uwo le ayinu kan fi fikira tao al marat ma indu ayi kutura, wa kan uwo kan ma setetu fi al gilit. Kan uwo ma kida, biga al kahin lazim bi ferigu uwo le saba ayom tani. ⁶ Al kahin bi kasifu uwo tani bat saba yom le aynu kan marat biga aksan wa kan ma setetu ketir fi al gilit. Kan uwo mafi, biga al kahin bi alinu uwo nedif. Gali de yau kan sugug. Uwo lazim bi kasulu gumasat tao, wa biga uwo nedif. ⁷ Lakin kan al sugug kan settetu fi al gilit bat uwo kan beinu nefsatao le al kahin le nadafa tao, uwo lazim biga bi wori nefsatao le al kahin tanimara. ⁸ Al kahin bi kasifu uwo le ayinu kan sugug kalas setetu aktar fi al gilit. Kan uwo kalas setetu, biga al kahin lazim bi alinu uwo manedif. Uwo yau biga marat musib/bi amsuku nas. ⁹ Kan marat gildi musib biga fi fogo wahid, biga uwo lazim bi jibu le al kahin. ¹⁰ Al kahin bi kasifu uwo le ayinu kan fi fogo gisim tao b al warma abiat fi al gilit, kan al sar kalas geyeru abiat, au kan fi gisim nayi fi al warma. ¹¹ Kan fi fogo, biga uwo yau marat gildi muzmin/koronik, wa al kahin lazim bi alinu uwo ma nedif. Uwo ma bi ferigu uwo, ashan uwo kalas biga ma nedif. ¹² Kan al marat tala bara sedid fi al gilid wa gofulu kulu al gilid ta zol ma al marat min ras le kurain tao, le abaat le hata zahir le al kahin, ¹³ biga al kahin lazim bi kasifu uwo le ayinu kan al marat kalas kati kulu gisim tao. Kan uwo lisa, biga al kahin lazim bi alinu al zol al indu marat ma nedif. Kan uwo kalas geyeru abiat, biga uwo yau nedif. ¹⁴ Lakin kan gisim nayi zahir fogo uwo, uwo bi kun manedif. ¹⁵ Al kahin lazim bi ayinu le gisim nayi wa alinu uwo manedif ashan al gisim al nayi yau manedif. Uwo yau al marat musib. ¹⁶ Lakin kan gisim al nayi geyeru abiat tani, biga al zol lazim bi rua le al kahin. ¹⁷ Al kahin bi kasiu uwo le ayinu kan al gisim kalas geyeru abiat. Kan uwo kalas biga al kahin bi alinu zol de kalas nedif. ¹⁸ Zaman zol kan indu waja fi al gilid wa kalas aliju, ¹⁹ wa fi makan ta al waja inak fi warma abiat au alama abiat, ahmar-abiat, biga uwo lazim bi wori le al kahin. ²⁰ Al kahin bi kasifu uwo le ayinu kan uwo bi zahir sedid tehet al gilit, wa kan al sar fofgo kalas geyeru abiat. Kan kida , biga al kahin bi alinu uwo ma nedif. Uwon yau marat musib/batal, kan uwo kalas raba/zidu fi al makan al kan warma/waja fogo. ²¹ Bat kan al kahin kasifu uwo wa ayinu gali biga mafi sar abiat fogo uwo, wa gali uwo ma fi tehet al gilid lakin kalas woduru, biga al kahin lazim bi ferigu uwo le saba ayom. ²² Kan uwo setetu sedid fi al gilid, biga al kahin lazim bi alinu uwo manedif. Uwo yau biga marat batal. ²³ Lakin kan alama abiat geni fi makan tao wa ma setetu, biga uwo yau al alama ta al jarah, wa al kahin lazim bi alinu uwo nedif. ²⁴ Kan al gilid indu harik wa al makan al haragu de kalas tala ahmar-abiat au alamat abiat, ²⁵ biga al kahin bi kasifu uwo le ayinu kan al sar fi al alama kalas geyeru abiat, wa kan uwo zahir biga sedid min al gilid. Kan uwo kalas, biga uwo yau marat musib/batal. Uwo kalas tala bara fi al harik, wa al kahin lazim bi alinu uwo manedif. De yau al marat musib/batal. ²⁶ Lakin kan al kahin kasifu uwo wa ligo gali mafi sar abiat fi al alama, wa yau ma tehet al gilid lakin woduru, wa uwo biga mafi tehet al gilid lakin woduru, biga al kahin lazim bi ferigu uwo le saba ayom. ²⁷ Biga al kahin lazim bi kasifu uwo bat saba ayom. Kan uwo kalas setetu sedid fi al gilid, biga al kahin lazim bi alinu uwo manedif. Uwo yau marat al musib/batal. ²⁸ Kan al alama geni fi makan tao wa ma setetu fi al gilid lakin kalas woduru, biga bes yau warma min al harik, wa al kahin lazim bi alinu uwo nedif, lianu uwo wele haja aktar min al alama ta harik. ²⁹ Kan rajil au mara kalas bga amusuku ma marat fogo ras, ³⁰ biga al kahin lazim bi kasifu al zol le marat al amusuku uwo le ayinu kan bi zahir sedid min al gilid, wa kan biga asfar, sar regeg fogo. Kan biga kida, biga al kahin lazim bi alinu uwo manedif. Kan bi furufuru, au marat amusuku fogo al ras. ³¹ Kan al kahin kasifu al marat al bi furuguru wa ayinu gali uwo ma tehet al gilid, wa kan inak mafi sar asuwet fogo, biga al kahin bi ferigu al zol ma al marat furufuru le sabaa yom. ³² Fi al saba yom al kahin bi kasifu al marat le ayinu kan uwo kalas setetu. Kan inak yau mafi sar asfar, wa kan al marat zahir le bikun bes fi gilid jua, ³³ biga uwo lazim bi haligu, lakin makan al amarat lazim ma bi haligu, wa al kahin lazim bi frigu al zol ma al marat furufuru le saba ayom aktar. ³⁴ Fi al saba yom al kahin bi kasifu al marat le ayinukan uwo kalas wogif setetu fi al gilid. Kan uwo bi zahir ma sedid min al gilid, biga al kahin lazim bi alinu uwo nedif. Al zol de lazim bi kasulu gumasat tao, wa biga uwo bi kun nedif. ³⁵ Lakin kan al marat furufuru kalas setetu sedid fi al gilid bat al kahin kelim uwo kan nedif, ³⁶ biga al kahin lazim bi kasifu uwo tani. Kan al marat kalas setetu fi al gilid, al kahin ma mutaj le fetisu le sar asfar. Al zol biga manedif. ³⁷ Lakin kan fi ayinuu ta al kahin al marat furufuru kalas wogif setetetu wa sar asuwet kalas raba fi al makan de, biga al marat kalas aliju. Uwo biga nedif, wa al kahin lazim bi alinu uwo biga nedif. ³⁸ Kan al rajil au mara kalas indu alamat abiat fogo al gilid, ³⁹ biga al kahin lazim bi kasigu al zol le ayinu kan al alamat woduru, al yau bes gisir al kan tala bara fi al gilid. Uwo biga nedif. ⁴⁰ Kan sar ta rajil kalas waga bara min ras tao, uwo biga abusala, lakin uwo biga nedif. ⁴¹ Kan sar tao kan waga bara min al juzu be gidam ta ras tao, wa kan be dok ta ras tao biga sala, uwo biga nedif. ⁴² Lakin kan inak biga sikil ahmar-abiat fogo sala ta ras au be fokras, de yau marat batal al kalas tala bara. ⁴³ Biga al kahin lazim bi kasifu uwo le ayinu kan kan al warma ta al marat fogo makan sala ta ras tao au be fokras biga ahmar-abiat, ze al zahira ta al marat batal fi al gilid. ⁴⁴ Kan de uwo, biga uwo kalas indu marat batal wa uwo biga manedif. Al kahin lazim betaakit bi alinu uwo manedif ashan marat tao al fi ras. ⁴⁵ Al zol al kalas indu marat batal lazim bi libisu gumasat al seretu, sar tao lazim bi kun mualak mofkuk, wa uwo lazim bi kati usa tao le fok anafa tao wa nadi bara, 'Ma nedif, manedif'. ⁴⁶ Kulu al ayom al uwo indu al marat batal uwo bi kun manedif. Ashan uwo yau manedif ma marat al bi setetu, uwo lazim bi geni barau. Uwo lazim bi geni bebara al kema. ⁴⁷ Al gumas al biga waskan ma tahaluf, kan uwo yau suf au gumas harir, ⁴⁸ au ayihaja keyetu au keyetu min suf au harir, au gilid au ayihaja amulu min gilid_ ⁴⁹ kan fogo tahaluf kadra au hamra fi al gumas, algilid, al kam mukeyet, au ayihaja amulu min gilid, biga de yau al tahalif al setetu; uwo lazim bi wori le al kahin. ⁵⁰ Al kahin lazim bi kasifu al haja le tahaluf; uwo lazim bi ferigu ayihaja al indu tahaluf le saba ayom. ⁵¹ Uwo lazim bi kasifu al tahaluf tanimara bat saba yom. Kan uwo setetu fi al gumas au ayihaja mukeyet min suf au kham harir, au gilid au ayihaja al yau sitakdimu min al gilid, biga uwo yau tahaluf batal, wa al haja de ma nedif. ⁵² Uwo lazim bi haragu al gumas de ,au ayihaja keyetu min suf au kham harir au gilid au ayihaja amulu ma gilid,, ayihaja al yau ligo fogo tahaluf batal, lianu uwo bi adi le marat. Al haja de lazim bi haragu bara takulukulu. ⁵³ Kan al kahin kasifu al haja wa ayinu gali al tahaluf kan ma setetu fi al gumas au gita mukeyet min suf au harir, au buda min gilid, ⁵⁴ biga uwo bi amiru umon le kasulu al gita al ligo fogo al tahaluf, wa uwo lazim bi ferigu uwo le saba ayom aktar. ⁵⁵ Biga al kahin bi kasifu al gita mothalaf bat kalas kan kasulu. Kan al tahaluf lisa ma geyeru loan tao, hata wolao uwo kan ma setetu, uwo yau manedif. Ita lazim bi haragu al gita, ma mabihinak bewen al tahaluf kan waskanu/lowusu uwo. ⁵⁶ Kan al kahin kasifu al gita , wa kan al tahaluf kalas woduru bat uwo kan kasulu, biga uwo lazim bi seretu bara juzu al mulawas min al gumas au min al gilid, au min al gita mukeyet. ⁵⁷ Kan al tahaluf lisa zahir fi al gumas, wele fi al gita mukeyet, au fi ayihaja amulu min gilid, uwo yau setetu. Ita lazim bi haragu ayi gita al indu al tahaluf. ⁵⁸ Al gumas au ayihaja mukeyet min suf au gita harir, au gilid au ayihaja amulu ma gilid_kan ita kasulu al gita wa al tahaluf kalas rua, biga al gita lazim bi kasulu tani mara, wa uwo bi geni nedif. ⁵⁹ De yau al ganun an tahaluf fi gumas ta suf au harir, au ayihaja keyetu mi suf au gita harir, au gilid au ayihaja amulu ma gilid, kida gali ita bi alinu uwo nedif au manedif.