¹ Yahuah wonusu le Musa wa le Harun, ² '' Kelim le al nas ta Israil, gali, ' Delin yau hajat al hai al itakum bi akulu fi wasat kulu al haiwanat al fi ala al art. ³ Itakum bi akulu ayi haiwan al indu saga tehet kurain wa al kaman bi rija akulu sunu al uwo akulu. ⁴ Kaman zekef, juzu haiwanat au bi rija akulu sunu al uwo akulu au indu saga fi tehet kurain, wa itakum ma bi akulu umon, haiwanat al ze al jemel, ashan uwo bi rija akulu sunu al uwo akulu lakin ma indu tehet kura musegeg. Kida al jemel yau ma nedif le itakum. ⁵ Kaman al haiwan al bi geni tehet hajer(kileng) uwo bi rija akulu ayi haja al uwo akulu lakin ma indu sugug fogo tehet kurain, uwo yau kaman ma nedif le itakum. ⁶ Al arnab, ashan uwo bi akulu, lakin ma indu sugug tehet kura, yau manedif le takum. ⁷ Al goduruk, hata wolu indu saga tehet kura, ma bi rija akulu, yau ma nedif le itakum. ⁸ Itakum lazim ma bi akulu ayi laham tomon, wele lemesu udam tomon. Umon kulu ma nedif le itakum. ⁹ Al haiwanat bi geni fi al moyo al itakum bi akulu yau kulu delin al indu hamamat wa gusur, kan fi al mohid au fi al anhar. ¹⁰ Lakin kulu mokulugat hai al ma indu hamamat wa gusur fi al mohid au anhar, bidumu kulu al bi harik fi al moyo wa kulu al mokulugat hai al fi al moyo_umon lazim bi abou akulu ma itakum. ¹¹ Talama umon lazim bi abou, itakum lazim ma bi akulu min laham tomon; kaman, udam/gisimat lazim bi abou. ¹² Ayisunu al bi geni fi al moyo wa ma indu hamamat wa gusur yau abou/mokuruh le itakum. ¹³ Delin yau al tiur itakum lazim bi aba_wa itakum lazim ma bi akulu ashan umon yau abau: al sogur, al logunu, wa logunu al asuwet, ¹⁴ al kurikuri, ayi sikil ta sogur/falcon, ¹⁵ ayi sikil ta gurab, ¹⁶ al buam wa ayi askal ta sugur al bi sahir bilel, wa ayi tiur al bi akulu jusas mait. ¹⁷ Itakum lazim kaman bi aba al buma suker wa al buma kebir, al cormorant, ¹⁸ al buma abiat wa kulu sikilat tomon, al tiur tanin al bes bi zahir bilel be askal tomon ze osprey, ¹⁹ al stork, ayi sikil ta heron, al hoopoe, wa kaman al watwat. ²⁰ Kulu hasarat al indu ajniha al kaman bi douru ma arba kurain abau le itakum. ²¹ Lakin itakum bi agder akulu ayi min al hasarat al bi tiri al kaman bi douru ma arba kurain kan umon indu kurain al dobulu le nenzilu ala al art. ²² Itakum kaman bi akulu ayi sikil ta jerat, katydid, cricket, au jerat ta ges. ²³ Lakin kulu hasarat al bi tiri al indu bes arba kurain lazim bi abau ma itakum. ²⁴ Itakum bi kun ma nedif lakadi misa ma haiwanat delin kan itakum lemesu gisimat ta wahid min tomon. ²⁵ Hatawolao arfa fok wahid min jusaa tomon lazim kasulu gumasat tao wa fadulu ma nedif lakadi misa. ²⁶ Ayi haiwan al yau tehet kura ma gesimu de yau m gesimu kulukulu au ma bi rija akulu yau ma nedif le itakum. Ayiwahid al lemesu umon bi kun ma nedf. ²⁷ Ayihaja dauru be batna tao fiwasat kulu haiwanat al bi dauru ma arba kurain, umon ma nedif le itakum. Ayizol lemesu sikil jusas zede bi kun ma nedif lakadi al misa. ²⁸ Ayizol arfa fok sikil juusas de lazim kaulu gumasat tao wa fadulu ma nedif lakadi al misa. Haiwanat delin bi kun manedif le itakum. ²⁹ Min al haiwanat al bi dubu ala alart, delin yau al haiwanat al bi kun manedif le itakum: al haiwan suker indu sar azrak bikulu tiur ma bat haiwanat(weasel), al far, ayi sikil ta dab kebir, ³⁰ al gecko, al worol, maniang, dab rumla wa hirboya. ³¹ Min kulu al haiwanat al bi dubu, delin yua al haiwanat al bi kun manedif le itakum. Ayizol lemesu umon zaman umon kalas mutu bi kun manedif lakadi misa. ³² Kan ayi min umon mutu wa waga fok ayihaja, haja dak bi kun mandif, hatawolao de yau salau min kasab, gumas, jilit, au gumas-sual. Sunumin uwo wa sunu al bi istakdimu le uwo, lazim bi kutu fijua moyo; uwo bi kun manedif lakadi misa. Biga uwo bi kun nedif. ³³ Le ayi guruma min tin fijua au fogo al ayi haiwana manedif waga, ayihaja al yau fi al guruma bi tala manedif, wa itakum lazim bi demiru guruma de. ³⁴ Ayi akil al bi akulu lakin indu moyo fogo uwo min guruma de yau manedif. Ayi moyo al yau le sarab min guruma de biga ma nedif. ³⁵ Ayihaja al wahid min jusas tomon waga fogo biga ma nedif; kan uwo fi furun au konun suker, uwo lazim bi kasuru le gitaat. Umon biga ma nedif wa umon lazim biga ma nedif le itakum. ³⁶ Kor au bir le silu moyo kede geni nedif ; lakin ayiwahid al lemesu jusas tomon biga manedif. ³⁷ Kan ayi juzu ta jusas tomon waga fogo ayi buzur le zara, buzur delin lisa bi kun nedif. ³⁸ Lakin kan moyo yau kutu fogo al buzur, wa kan ayi juzu ta jusas tomon waga fogo umon, biga umon bi kun ma nedif le itakum. ³⁹ Kan ayi haiwan al itakum bi akulu mutu, biga zol al lemesu al jusas bi kun manedif lakadi misa. ⁴⁰ Ayizol akulu ayi min al jusas lazim kede kasulu gumasat tao wa bi geni ma nedif lakadi misa. Ayiwahid al arfa fok jusas zedel bi kasulu gumasat tao wa bi geni ma nedif lakadi misa. ⁴¹ Ayi haiwan al bi dub fogo al wata yau abau/mokuruh; uwo lazim ma bi akulu. ⁴² Ayihaja bi juru ma batna tao, wa ayihaja bi dauru ma arba kurain, au ayihaja al indu kurain ketir_kulu al haiwanat al bi dubu ala al art, delin itakum lazim ma bi akulu, lianu umon kulu mokuruh. ⁴³ Itakum lazim kede ma amulu nefsa takum waskan ma ayi mokulugat al hai al bi juru fi al wata; itakum lazim ma bi nijisu nefsa takum ma umon, zede itakum bi tala ma nedif ma umon. ⁴⁴ Lianu Ana Yahuah Allah takum. Itakum kede hafis nufuskum kudus, lezalik, wa kunu kudusin, ashan Ana kudus. Itakum lazim ma bi nijisu nufuskum ma ayi sikli ta haiwanat al bi haraik hawuli ala al wata. ⁴⁵ Lianu Ana Yahuah, al jibu itakum be fok bara min al art ta Masir, le bi kun Allah takun. Itakum lazim lizalik kunu kudusin, lianu Ana kudus. ⁴⁶ De yau al ganun al biktas al haiwanat, al tiur , ayi mokulugat hai al bi harik fi moya, wa ta ayi mokulugat al bi dubu ala al art/wata, ⁴⁷ al yau bi agderu ferigu wa bi amulu beina al haiwanat ma nedif wa al nedif, wa beina hajat hai al bi agder bi akulu wa al hajat hai al ma bi agder bi akulu.'''