¹ Nadab wa Abihu, awulat ta Harun, kulu wahid silu seyala, kutu nar fogo, wa bakur kaman. Biga umon gedimu al nar al mamokbul/musadaka gidam Yahuah, al uwo kan ma amiru umon le tekdim. ² Bekida nar tala bara min gidam Yahuah wa anbula umon, wa umon mutu gidam Yahuah. ³ Biga Musa kelim le Harun, ''De yau sunu Yahuah kan wonusu anu zaman uwo kelim, ' Ana bi beinu kadasa tai le delin al ja gerib le ana. Bi mejidu Ana gidam kulu nas. '''Harun ma kelim ayi haja. ⁴ Musa nadi Mishael wa Elzaphan, al awulat ta Uzziel al kal ta Harun, '' Taal ini wa arfa akuwana taki bara ta al kema min gidam al taabuut.'' ⁵ Kida umon ja gerib wa arfa umon, lisa labisin gumasat kahana tomon, bara ta al kema, ze Musa kan wajihu/ amiru. ⁶ Biga Musa kelim le Harun wa le Eleazar wa le Ithamar, awulat tao, ''Ma takum sibu sar ruos takum mualak mokfufuf, wa ma takun seretu gumasat takum, kida ashan kede itakum ma mutu, wa kida al Yahuah ma bi kun zalan ma kulu al jamaia. Lakin sibu ahal takum, al bet Israil kulu, le huzun le delin al al nar ta Yahuah kalas haragu maitin. ⁷ Itakum lazim ma bi rua bara min al matkal ta al kemat al intima , au itakum bi mutu, lianu al zet mishah ta Yahuah fi fogo itakum. ''Kida umon amulu alahasab le towojihat Musa. ⁸ Yahuah wonusu le Harun, kelim, ⁹ ''Mata asurub mosrub au merisa, ita , au awulat al fadulu ma ita, zaman itakum gi rua fijua kemat ta intima, kida itakum ma bi mutu. De bi kun ganun sabit abrikulu nas ta ajial taki, ¹⁰ le maizu/ ferigu beina al kudusin wa al adein, wa beina al manedif wa al nedif, ¹¹ kida kede ita biga derisu al nas ta Israil kulu al gawanein al Yahuah kalas ammiru bewasat Musa.'' ¹² Musa wonusu le Harun wa le Eleazar wa le Ithamar, awulat tao la fadulu, ''Silu tekdimat al dura al fadulu min al tekdima le Yahuah amulu ma nar, wa akulu uwo bedun kemira fijabu al altar, lianu uwo yau kudus kalis. ¹³ Itakum lazim bi akulu uwo fi makan al mukadas, ashan uwo yau nisba takum wa nisbat awulat taki ta al tekdima le Yahuah amulu ma nar, lianu de yau sunu Ana kalas kan ammiru le wori le itakum. ¹⁴ Al sudur al yau hariku wa laham nus yau gedimu le Yahuah, itakum lazim bi akulu fi makan nedif mokbul le Allah. Ita wa awulat taki wa banat ma ita bi akulu nisab delin, lianu umon yau wodi ze nisba takum wa nisbat awulat taki bara min min al zebihat ta tekdimat ta al shukur ta al nas ta Israil. ¹⁵ Al laham nus al yau gedimu wa al sudur al yau hariku, umon lazim bi jibu ma al tekdimat ta zet amulu be nar, le habibu/hariku gidam Yahuah. Umon bi kun takum wa awulat taki ma ita ze al nisba lelabad, ze Yahuah kalas ammiru.'' ¹⁶ Biga Musa asalu an al galamaya le tekdimat al katia, wa ligo gali uwo haragu bara. Bekida uwo tala zalan ma Eleazar wa Ithamar, al awulat ta Harun al fadulu; uwo kelim, ¹⁷ ''Le kalas itakum ma akulu al tekdimat katia fi al makan ta al tabuut, talama uwo yau kudus kalis, wa talama Yahuah kalas wodi uwo le itakum le silu bara al zunub ta al jemeiya, le amulu makfara le umon gidam uwo? ¹⁸ Ayinu, dom tao lisa ma jibu fijua al tabuut, kida itakum kan hagiga kalas akulu uwo fi al makan ta tabuut, ze Ana ammiru.'' ¹⁹ Biga Harun juabu Musa, ''Ayinu, alela umon amulu tekdimat katia tomon wa haragu gidam Yahuah, wa de haja kalas hasal le ana alela. Iza Ana kan akulu al tekdimat katia alela, bikun uwo kalas biga mokbul fi al ena ta Yahuah?'' ²⁰ Zaman Musa asuma zede, uwo kan iktene.