¹ Yala Eliphaz al Temaniti juwabu wa kelim, ² Iza aiya wahid hawil ashan wonusu maak, inta bikun bila sobur? Lakin munu bu wogif nefsu min wanasa ? ³ Shuf inta arshidu keterin; ita gowi yeden al deif, ⁴ Kelimat taki saidu huwo al kan gi waga; ita amulu rukba al gi rejif gowi. ⁵ lakin hasa mashakil ja le inta ,wa inta dahwar, huwo lemesu ita, wa inta fi mashkila. ⁶ Ma kafu taki yau taakut taki; wa istikama ta sika taki rajah taki? ⁷ Fakkar fi de; munu yau woduru ligo wokit ma indu zam? Au mitten nas al adil bi gatau bara ? ⁸ Le hasap haja al ana ainu, del al gi kuruju katiya wa bi sara mushakil wa bi hasidu. ⁹ Be nefes ta Allah humon woduru; Be daga ta zalan towo bi akulu humon. ¹⁰ suraak ta ased , sot ta ased al takian, Al asnaan ta asud al shaabaab–moksuriin. ¹¹ Al ased al ajuz bi mutu ashan iktiaj ta dara, iyal ta lobuwa setet fi aiya makan. ¹² Hasa mushkila tani jibu le ana, Wa adana tai asuma anu. ¹³ yala ja fikra min ruiah fi lel, wokit num amik bikun fi nas. ¹⁴ De kan ma lel al kafu wa rejif ja le ana, Wa kulu udam tai rejif. ¹⁵ yala al roho ruah min gidam wash tai wa shar ta jisim tai gum fok. ¹⁶ Al roho gi wogif lisa, ana magder meizu sikil towo. Sikil kan fi ena tai ;kan fi sukut , wa ana asuma sot gi kelim, ¹⁷ Hal al insan al fi jasad bikun bir min Allah? Hal alinsan bikun tahir min al kaalik ? ¹⁸ Shuf, iza Allah ma kutu siga fi kadamiin towo; iza kan hu bi isteki malaikat tou an akta, ¹⁹ godur kef le del al aishiin fi biud ta tiin, al asasu min turab ,al bi kasiru gerib min ze gongo ? ²⁰ Fi wasad ta saba wa misah demirum; Humon bi woduru le abad budun aiya wahid ma bi lahisu humon. ²¹ Hal ma fi Khayma habil sir silu min nusum? Humon bi mutu budun hikma.