¹ Baad de, Ayub fata kasmu wa naalu yom al weledu huwo fogo. ² Hu kelim, ³ Keli yom al weledu ana fogo woduru, ⁴ Kede yom dak kun duluma! kede Rabuna maa fikiir andu, hata nur keli ma wale fogo, ⁵ Kede duluma wa dul ta mutu shilu le huwo. Kede shehab ighis fok tou, kede kulu ai hahja al kutu yom bikun duma al hagiga kuwafu huwo. ⁶ Ze fi lel dak , duluma tegil gordonu. kede ma afrah fi nus ayam ta sena; kede ma ja fi adad ta shuhur. ⁷ Shuf, kede lel dak kun bila jena; Kede sot ta farah ma ja fogo. ⁸ Del albi naalu yom- Del al bi arufu gowumu Sefina kebir. ⁹ Keli nujum ta yom dak wala duluma. Kede yom dak fetish nur, lakin ma ligo; wele kede ainu ena ta saba al bediri, ¹⁰ Ashan hu ma gofulu baab ta rehim ta umatai, wa ashan hu ma dusu mushkila min ena tai. ¹¹ Le ana ma mutu wokit ana tala min botun umi? Le ana ma woduru wokit uma tai weledu ana? ¹² Le ruba towo istakbilu ana?Le shudur towo istakbilu ana ashan ana radau? ¹³ Le hasa kan ana naim tehed beraha. Ana kan num wa fi raha. ¹⁴ Ma muluk wa murshidiin ta dunia, al abinu turubat le nufusum al hasa fi dahaya. ¹⁵ Au kan naim tehed ma amiraat al indu kan dahab, al malau biud tomon ma fida. ¹⁶ Au bikun ana kan lisa ma weledu, ze adfal al ma ainu nur. ¹⁷ Hinak al shar bi wogifu min muskila; Hinak taab tomon fi raha. ¹⁸ hinak al masajiin fi raha sawa; Hum mabi asma le sot ta abid al suwak . ¹⁹ Kulu alsukar wa kubar hinak; al kadam hur min said towo hinak. ²⁰ Le nur bi wodi le zol al fi taab? Le haya wodi le zol al indu marara fi roho, ²¹ le zol algi fetishu mutu wa ma ja; le zol al gi hafiru aktar min maal al dusu? ²² le nur bi wodi le zol al bi afrah kaalis wa farhan kan huwo ligo turba? ²³ Le nur bi wodi le rajil al sika tou dusu, rajil al Allah hajisu? ²⁴ lianu huzun tai hasil min bidal akulu; adi shunun tai gi kubu ze moyo. ²⁵ lianu haja al ana gi kafu ja le ana; al ana gi kafu minu ja le ana. ²⁶ Ana ma fi raha ,ana ma sukut, wa ana ma indu raha; Muskila ja bel ax.”