¹ Aliho kaman istemir wonuso: ² "Asuma le kelimat tai, intum nas al hukama; asuma le ana, intum al indo marafa. ³ Leano adana bi fahiso kelimat ze ma hanak bi jeribo akil. ⁴ Kede enna ikhtar le nufus tanna shuno al sah: kede enna arufu yato yao tama le enna. ⁵ Ashan Ayob kelimo, 'Ana nedif, lakin Allah shelo hag tai. ⁶ Ragm ino ana amolo al sah, bi aino ana kadab. Dabara tai ma gi aburudo, ragm ana ma indo katia.' ⁷ Fi yato rajil ze Ayob, al bi ashrab hagara se moya, ⁸ al bi lifu ma nas al bi amolo shar, wa al bi dauro ma ashrar? ⁹ Leano huwo kelimo, 'Zol ma bi ligo faida fi amolo hajat al Allah dero.' ¹⁰ Ashan keda asuma takum le ana, intum nas al bi fahim: huwo beyed le al Gadir ashan bi amolo katia. ¹¹ Leano huwo bi insan hasab amail tou; huwo bi kutu ai insan bi ligo mukafa tou hasab teriga ta haya tou. ¹² Hagiga, Allah ma bi amolo shar, wele al Gadir ma hasal meilo hukum. ¹³ De muno wokil mosul min ard? Muno yao selimo le huwo dunia de kulu? ¹⁴ Kan huwo fekir ele fi nefsa tou bes, wa rija ruho wa nefes tou le nefsa tou, ¹⁵ fa bashar kulu bi muto; insan bi rija le turab tani. ¹⁶ Hasa kan ita indo marafa, asuma le de; asuma le sot ta kelimat tai. ¹⁷ Hal zol al bi akrah adala bi kun hakim? Ita bi din Allah al bar wa al gadir? ¹⁸ Allah, al bi kelimo le melik, 'Ita ma indo faida,' aw kelimo le nebil, 'Intum ashrar'? ¹⁹ Huwo ma bi mailo le kadda wa ma bi arufo agnia akter min masakin, leani humon kulu amal ta iden tou. ²⁰ Fi laza humon bi mutu; fi nus bilel humon bi rugus min khof wa bi mutu; nas al agwia bi shelo bara, lakin ma be iden ta insan. ²¹ Leano ena ta Allah fi sika ta insan; huwo bi ragibo khatawat tou. ²² Mafi duluma, mafi duluma al tegil (dul ta mutu) al nas ta katia bi duso nefsa fogo. ²³ Leano Allah ma gi ihtaj ashan fahiso mustagbal ta insan; mafi adi le ai zol ashan bi ruwa gidam tou le hukum. ²⁴ Huwo bi kasuru nas al agwia hita hita ashan sikat tumon ma der tahgig ketir; wa huwo bi kutu tanin fi mahalat tumon. ²⁵ Ashan huwo arufo amail tumon; huwo bi jada humon bilel; wa demiro humon. ²⁶ Huwo bi katulo humon fi gidam ta nas ashan sher al humon amolo. ²⁷ Ashan humon rija wara min doria wara tou wa aba arufu sika tou. ²⁸ Be teriga de humon sibo masakin kore le Allah; wa huwo bi asuma kore ta nas al mozlumin. ²⁹ Kan huwo askut, mono bi deen huwo? Kan huwo dusu wosa tou, de mono bi aino huwo? Gawanin tou fok kulu shab wa fard, ³⁰ hata zol al ma indo Allah ma bi hukumo, ashan mafi zol bi lagbato nas. ³¹ Iftarid ino fi zol kelimo le Allah, 'Ana galtan, wa ana ma bi amolo katia tani; ³² alimo ana al ana ma aino; ana amolo katia, wa ana ma bi amolo tani.' ³³ Ita bi fekir ino Allah bi akibo zol fi katia tou, be ma ino ita ma rudu hajat al Allah amolo? Kede ita ikhtar, ma ana. Biga kelimo al ita bi arofo. ³⁴ Rujal al indo maarafa bi kelimo le ana -hagiga, kulu zol hakim asuma ana bi kelimo, ³⁵ 'Ayob wonuso kalam fariq; kelimat tou ma fogo hikma.' ³⁶ Kan bes kuto Ayob fi mahkama ashan bi asomao le tafasil ta moshkila tou ashan huwo bi wonuso ze nas al ashrar. ³⁷ Leano huwo zido tamarod fi katia tou; huwo bi safigo iden tou be hagara fi gidam tanna; huwo wonuso keilmat ketir did Allah."