¹ Hasa del al kan suhar min ana ma indu ai haja ile bes bi aridu ana- shabab suhar del al abuhat tomon Ana kan bi aba ashan istakal jambu kilab ta bahaim tai. ² Feilan, gudra ta iden ta abuhad tomon kan kef bi saidu ana-nas al kan gudra(guwa) tomon ta sokol ajus kan mat? ³ Humon kan jogotin min sokol fakir wa jiyan; Humon bi akulu hajat al fi turab yabis fi duluma ta beriya wa mahal al fadi ⁴ Humon bi gata shanan wa aurag ta asjar; irig shejer ta muksasa yau akil tomon. ⁵ Talau humon bara min bein nas al bi ashruk(korekore) wara humon ze zol al bi ashurk wa haramu. ⁶ Yala humon bi ish(geni) fi wadi ta nahar, fi hufar ta ard wa ta hujar. ⁷ Bein ghabat humon bi kore ze hamir wa humon bi limu sawa tehet nabat al indu shok. ⁸ Humon kan awulad ta nas al belitin, feilan awulad ta nas al ma indu asma! talau humon bara ard be shot. ⁹ Lakin hasa Ana biga tala modu ta guna tomon; Ana biga kilma mudawala le humon. ¹⁰ Humon karahu ana wa wogif beid min ana; humon ma bi wogif ashan tufu buzak fi wusa tai. ¹¹ Allah fiku habil bita danga tai wa wodi le ana taab, wa del al hakimu ana bi fiku hubal gidam wusa tai. ¹² Mujrimin bi gum fi tija ta yemin tai; Humon talau ana beid wa bi redimu kom tomon did ana. ¹³ Humon demiru sika tai; humon lizu karisa le ana, nas al ma fi zol bi lizu humon wara. ¹⁴ Humon bi ja le did ana ze jesh be wasat hufura kebir fi hos ta medina; fi nus demar humon bi lifu nefsa tomon le ana. ¹⁵ Irhab galibu le ana; Ihtiram tai shilu(talau) beid ze shalu be hawa; sokol gainyan(gina) tai faat beid ze sihaf. ¹⁶ Hasa haya tai bi defugu bara min ana; ayam ketir ta taab kutu fi ras ana. ¹⁷ Fi lel udam tai ze bi atanu; waja al jisim tai ma bi kalasu ¹⁸ Guwa ta Allah al azim nyakamu gumasat tai; humon bi lifu hawli ana ze halaga ta sitara. ¹⁹ Huwo jadau ana fi tiin; Ana biga ze turab(ghubar) wa rumad. ²⁰ Ana bi kore le inta, Allah, lakin inta ma juwabu ana; Ana wogif fok, wa inta bi ainu ana sakit. ²¹ Inta geiru wa biga batal le ana; be guwa(gudra) ta iden taki inta azibu ana. ²² Inta arufa ana fok le hawa wa kutu hawa ashan bi shilu ana sawa; Inta jadau ana wara wa gidam le hawa(riya). ²³ Fa Ana arufu inu inta bi jibu ana le mut, le bet al kutu le kulu hajat(nas) al haiin. ²⁴ Ala kulu hal, mafi zol al midu iden tou ashan bi asadu musaada zaman kan huwo waga? Mafi zol al fi taab bi nadi musaada? ²⁵ Hal ana ma kore le zol al kan fi taab?Hal ana kan ma hazin(asif) le zol al deir musaada? ²⁶ Zaman ana indi raja le kwes, bad dak shar ja; zaman ana bi estene le nur, baad de duluma ja.(duluma ja baad de). ²⁷ Geliba tai taban wa ma bi akudu raha; ayam ta taab ja le ana. ²⁸ Ana biga ze zol al bi geni fi duluma, lakin ma ; ashan shemis; Ana bi wogif fi nus ta nas kutar wa bi kore le musaada. ²⁹ Ana aku le merfeinat, sabi ta naam. ³⁰ Jilid tai asued wa bi waga bara min ana; udam tai haragu be harara. ³¹ Ashan kida gitar(wood) tai bi wozinu le aghani ta huzun, niya tai guna le del al bi kore.