¹ ''Hasa inta, shilu kore ded qiadad ta Israel ² wa kelim, ''Munu yau kan uma taki? asad bu mara, heya bi ish ma iyal ta asad; fi nus ta asad abu sokar, ³ heya rabau iyal tou. Haye yau al gowumu wahid min iyal ta heya ta asad soker, asad al alimu ashan bi seretu dahia tou, wa yalla bi shetetu rijal. ⁴ Yalla kulu umam asuma ann huwo. Kan gobudo huwo fi shabaka tomon, wa homon jibu huwo ma senara le ard ta Meisr. ⁵ Yalla heya ayenu inu hata wa lo heya intezir le rija tou, tamaniyat to heya hasa ruwa, ashan keda heya shilu iyal tou wa raba homon ashab bi tala asad al sokar. ⁶ Asad soker de lifu fi nus ta usuud. Heya kan asad soker wa alimu kef bi sheretu dahia tou; Huwo shetetu zol. ⁷ Huwo amsuku aramil tomon wa karabu modun tomon. Al ard wa ma kamil hajat tou sibu leanu ashan swat ta lifu tou. ⁸ Lakin al umma ja ded huwo min hawili muhafazat; homon wazau shabaka tomon fogo huwo. gobudo huwo fi sharak. ⁹ Ma senara homon kutu fogo huwo fi gafas wa min hinak jibu huwo le melik ta Babyliyon. Homon jibu huwo le mahal al guwi ashan swat tou tani am bi asumau fok jubal ta Israel. ¹⁰ Uma taki kan ze karma zarau fi dom taki bi jambu moyo. huwo musmir wa maliyan ma furue ashan moyo al ketir. ¹¹ Huwo indu furue guwi al bi istakdimu le mastara al hadid, wa irtifa tou kan ayenu bi wasat azama ta awurak ta shejara tou. ¹² Lakin al karma agilau fi kafu wa jedau tihit le ard, wa hawa al sherigi nashifu bara furue tou. Furue tou al guwi kasuru bara wa neshif wa nar akulu humon. ¹³ Fa hasa zarau huwo fi al barria, fi ard ta jafaf wa atsh. ¹⁴ Leanu nar tala bara min furue tou al kebir wa akulu samar tou. Ma fi fere al guwi fogo, ma fi sulta ashan bi hukumu. De yau kore wa bi gunau ze kore.''