¹ Hasa fi shahar nimra talata, al huwo shahar ta Adar, fi yom nimra talatasar, zaman ganun wa karar ta melik gerib ashan bi talau, fi yom al ada ta Yahudiin ashan bi koumu humon, galabu(geiru). Yahudiin koumu del al kan bi karahu humon. ² Yahudiin lama fi mudun tomon fi kuku wilayat ta Melik Ahasuerus, ashan kutu iden fi ras del al hawil ashan jibu karisa fi ras tomon. La wahid bi wogif did humon, leanu nas kulu bi kafu Yahudiin. ³ Kulu dubadta wilayat, wula ta wilayat, wula, wa idarat ta melik saidu Yahudiin leanu humon biga bi kafu Mordecai. ⁴ Mordecai biga kebir fi bet ta melik, wa marafa(shuhra) tou waza fi kulu wilayat, Fa zol isimu Mordecai biga bi tala azim. ⁵ Yahudiin hajamu ada tomon be seaf, katulu wa demiru humon, wa amulu ze humon deiru le del al karahu humon. ⁶ Fi Mahal al gowi ta Susa be nefsu Yahudiin katulu wa demiru kumsumiya rijal. ⁷ Humon katulu Parshandatha, Dalphon, Aspatha, ⁸ Poratha, Adalia, Aridatha, ⁹ Parmashta, Arisai, Aridai, Vaizatha, ¹⁰ wa asharaawulad ta Haman weled ta Hammedatha, adu ta Yahudiin. Lakin humon ma nahabu. ¹¹ Yom dak adad ta nas al katulu fi mahal al gowi ta Susa, wodo taharir le melik. ¹² Melik kelimu le Melka Esther, " Yahudiin katulu kumsumiya rijal fi mahal al gowi ta Susa, bima fi ku Ashara awulad ta Haman. Humon amulu shunu tani fi bagi wilayat ta melik? Hasa balak taki shunu? bi amulu le inta. Talab taki shunu? bi amulu (wodi)le inta." ¹³ Esther kelimu, kan melik gabilu, kede Yahudiin al fi Susa wodi le humon izin ashan talau(shilu) karar ta yom de bukra, wa kede jusa ta ashara iyal ta Haman haligu(kanagu) fi shenek." ¹⁴ Yala melik amiru inu de kede amulu. Talau karar fi Susa, wa humon haligu(kanagu) ashara aulad ta Haman. ¹⁵ Yahudin al fi Susa ja sawa fi yom arbatashar ta shahar ta Adar, wa katulu tultumiya rijal tani fi Susa, lakin humon ma amulu nahab. ¹⁶ Bagi Yahudiin al kan fi wilayat ta melik ja sawa ashan hami haya tomon, wa humon ligo ihasa min ada tomon wa katulu kamsa wa sebein alf ta del al bi karahu humon. lakin humon ma kutu iden tomon fi mumtalakat ta nas al humon katulu. ¹⁷ De hasal fi yom talatsar ta shahar ta Adar. Fi yom arbatasar humon akudu raha wa kutu yom dak ta iid wa farah(saada). ¹⁸ Lakin Yahudiin al fi Susalimu sawa fi yom talatasarwa arbatasar. Fi yom kamistasar humon akudu raha wahumon kutu yom le iid wa farah. ¹⁹ De yau sabab Yahudiin al bilad, al bi salau biyut tomon fi ariaf, hafisu yom arbatasar ta shahar Adar ze yom bita farah wa iid, wa ze yom al humon bi rasulu hadayat ta akil le baad tomon ²⁰ Mordecai sejilu hajat del wa rasal juwabad le kulu Yahudiin a fi fi kulu wilayat ta melik Ahesuerus, kulu al gerib wa beid, ²¹ wodi le humon musuliya ashan bi hafisu yom arbatasar wa yom kamistasar ta shahar Adar kulu sena. ²² Del yau ayam al Yahudiin ligo ihasa min ada tomon, wa shahar al huzun tomon galabu le farah, wa huzun le yom ta ihtifal. Humon yau bi kutu humon ayam ta iid wa farah, wa rasulu hadayat ta akil le baad tomo, wa hadayat le nas masakin.(fahir). ²³ Yala Yahudiin istemir be ihtifal al humon bada, bi amulu hajat al Mordecai kan katibu le humon. ²⁴ Fi wokit dak Haman weled ta Hammedatha al Agagite, adu ta Yahudiin, katitu did Yahudiin ashan bi demiru humon, wa huwo bi jadau Gura, ashan hasuru(Kasuru) wa demiru humon. ²⁵ Lakin zaman kalam de jibu gidam melik, huwo wodi talimat be juwabat le kuta sherir Haman amulu did Yahudiin bi rija fi ras tou, wa inu huwo wa awulad tou bi haligu(kanagu) fi shenek. ²⁶ Ashan kida humon nadi ayam del Purim, wara isim ta Pur. Leanu ashan kulu hajat al katabu fi juwab, wa kulu hajat al humon kan ainu wa al hasal le humon, ²⁷ Yahudiin gabilu adad wa khidma jedid. Ada de bikun le nufus tomon, iyal ta iyal tomon, wa ai wahid al dumu humon. Huwo ashan inu humon bi ihtefil ayam al itnin del kulu sena. Humon bi ihtefil humon be sika tani(teriga tanI) wa fi nefsu wokit ai sena. ²⁸ Ayam del bi ihtefilu wa hafisu fi ai jil, ai usura, ai wilaya, wa ai medina. Yahudiin del wa iyal ta iyal tomon be iman ma sibu hafisu ayam de ta Purim, ashan humon kede ma nesitu humon. ²⁹ Melka Esther biniya ta Abuhail wa Mordecai al Yahudi katabu be sulta kamil wa sedeku juwab nimra itnin an Purim. ³⁰ Juwabat rasalu le Yahudiin kulu fi 127 wilayat ta Momlaka ta Ahasuerus, bi itmana le Yahudiin Aman wa hagiga.(hag). ³¹ Juwabat del sedeku ayam ta Purim fi wokit tomon al hadidu(muhadad), ze Mordecai al Yahudi wa Melka Esther istelemu(wodi) le Yahudiin. Yahudiin gabilu iltizam de le nufusum wa iyala ta iyal tomon, bes ze humon kaman gabilu awukat ta sum wa kore(buka). ³² Amur ta Esther sedeku nizam(ganun) del an Purim, wa katabu humon fi kitab.