¹ Fi ayam ta Ahauerus( De Ahasuerus al hakimu min hind lahadi le Cush, aktar min 127 wilayat). ² Fi ayam dak melik Ahasuerus geni fi kurus tou ta melik fi mahal al gowi ta Susa. ³ Fi sena nimra talata ta hukum tou, huwo amulu hafula(iid) le kulu dubad wa khudam tou. Jesh ta Persia wa Media, nubala, wa wula ta wilayat kan fi hudur. ⁴ huwo gedimu(zahiru) mali ta azama ta momlaka tou wa ihtiram(sharaf) ta mejid bita azama tou le ayam ketir, le 180 ayam. ⁵ Kan kalasu ayam del, Melik nazimu hafula(iid) al timu saba ayam, Huwo le kulu shab al fi mahal gowi ta Susa, min kebir lahadi suker. Nazimu fi saha ta hadika ta kasra bita melik. ⁶ Lounu Saha ta hadika de be sitara min gumas gutun abiyat wa banafseji, be habil ta gumas naim wa ahmar banafseji), haligu fi khatim min fidah min amida ta rakam. Fii sarair ta dahab wa fidah fi ras hujar al mulawan be lon ahmar, zahari, wa abiad, rakam, loula, wa hujar al lounu. ⁷ Bi gedimu sharbad be kubayat ta dahab. Ai kubaya barau(ferid) wa fii kamur ta muluk al jabu ashan sokol kwes ta melik. ⁸ Sharbat de bi wodi be ganun(asab kararat), "Ma bi asuru nas", be teriga de melik wodi talimat le dubad al fi kasra tou ashan bi amulu asab niya ta ai zol. ⁹ Melka Vasti kaman nazimu hafula le nasawin al fi kasra ta melik Ahasuerus. ¹⁰ Fi yom nimra saba, zaman melik tala farhan ashan kamur, huwo kelimu le Mehuman, Biztha, Harbona, Bigtha, Abagtha, Zethar, wa Karkas ( saba dubad al khadimu gidamu), ¹¹ ashan bi jibu Melka Vashti gidamu be taj tou. Huwo der ashan bi wori le shab wa dubad jamala tou, hiya jemil khalis. ¹² Lakin Melka Vashti aba ja be kalam al dubad ta melik jabu le huwo. Melik biga tala zalan; zel haragu huwo (geliba tou haragu). ¹³ Bad kida melik wonusu be nas al hukama, al fahimu hajat al gedim (de khatuwa ta melik le nas al arufu ganun shedid wa gediya(hukum). ¹⁴ Nas al gerib ma huwo yau Karshena, Shethar, Admatha, Tarshish, Meres, Marsena, wa Memukan, sabah umra ta Persia wa Media. Humon indum furas ashan bi gabilu melik, wa humon bi amsuku makatib kubar fi momlaka. ¹⁵ "Be ihtiram le ganun, Bi amulu shunu le Melka Vashti ashan huwo ma ihtaramu awamir ta Melik Ahasuerus, al dubad jabu le huwo?" ¹⁶ Memukan kelimu fi gidam ta melik wa dubad, Ma gidam melik barau al Melka Vashti amulu kalam batal , kaman did dubad kulu wa shab al fi wilayat ta Melik Ahasuerus. ¹⁷ Nasawin bi ja arufu kalam ta melka. Huwo bi kutu nasawin ashan ma bi ihtaramu rujal tomon. Humon bi kelimu, 'Melik Ahasuerus wodi awamir le melka Vashti ashan bi jibu gidamu, lakin hiya aba.' ¹⁸ Gubal yom de ma kalasu nasawin ta Persia wa Media al asuma kalam ta melka de bi kelimu nefsu kalam de le dubad ta melik. Humon bi tala zalanin. ¹⁹ Kan melik der, kede karar tala min huwo ashan bi rasulu, wa kede katibu fi gawanin ta Persians wa Medes, al ma bi agder geiru, al Vashti ma bi ja tanimara fi gidamu. Kede melik wodi khana tou ta melka le zol tani al aksan min huwo. ²⁰ Kan karar ta melik de alinu fi momlaka tou al wasi, kulu nasawin bi ihtaramu rujal tomon, min kubarin le sukerin." ²¹ Melik wa umra tou tala farhanin be irshad de, wa melik amulu ze Memuken fekiru. ²² Huwo rasulu juwabad le wilayat kulu, fi ai wilaya ashab rutan tomon. Huwo amiru inu ai rajil bi kun seid ta bet tou, Karar de wodi asab rutan ta kulu shab fi embrator.