¹ De hajat al bes le Israel ,Amos wahid min ruwa al fi Tekoa ,lego fi ruya. Amos kan lego hajat de fi zaman ta ayam ta melik ta Judah al kan Uzziah ,Kaman fi ayam ta Jeroboam jena ta Joash melik ta Israel ,gabil senatyen min zalzal . ² 2.Huwo gali Yahweh bi tala min Zion Kaman huwo bi arfa sot towo min Orselim .akil (gess) ta ruwa bi yabis kulu Kaman mahal al fok fi Carmel bi nasib. ³ De yahoo kalam al Yahweh kelim : asan talata katiya ta Damascus ,wa sala arba Ana ma bi seli okubat tai bara leyano umon demiro Gilead bee alat min hadit . ⁴ Ana bee rasulu nar fi bet ta Hazael wa bi haragu mahal ta Ben Hadad. ⁵ Ana bi kasuru bab ta Damasucs wa Ana bi gata zol al bi hukumu fi wadi ta Avan , wa Kaman zol al bi amsoku mosulia fi Beth Eden. Nasa ta Aram bee selo fi abudia fi Kir, Yahweh yau kelim . ⁶ De yau kalm al Yahweh kelim ,fi talata katiya ta Gaza ,hata Kaman arba ,ana ma bee silo ogubat tai bara lano umon selimo nas ta aboudia kulu le Edom . ⁷ Ana bi rasulu nar fi sur ta Gaza wa be demero kulu gowa inak . ⁸ Ana bee selo zol al be geni fi Asdod bara wa zol al be amsuko mosulia ta Ashkelon. wa ana bi gero eda tai dit Ekron wa kulu nas ta Philistines be agibu , de elah Yahweh yau kelim . ⁹ De yau hajat al elah Yahweh kelim , asan talata katiya ta Tyre sala le arba ana ma bee selo ogubat tai bara .lano umon wodi nas kulu le Edom Kaman uomon kasuru etifagiya ta akuania . ¹⁰ Ana bi rasulu nar fi sur ta Tyre ,asan be araku umon kulu . ¹¹ De yau kalam al elah Yahweh kelim asan talata katiya ta Edom awo arba ,ana ma be selu ogubat tai bara min uomno , lano Edom katulu aku tow ma sef, wa henia kulu kalasu . yala zalan touw bi kun mustamir wa Kaman tadib towu bekun le nehaya . ¹² Ana be rasulu nar fi Teman wa be haraku mahalat ta Bozrah . ¹³ De yau kalam al Yahweh kelim , be sabab ta talata katiya ta Ammon , sala arba , ana ma bi tala bara ogubat tai ,lano umon katulu nusuwan al hamil fi Gilead ashan umon be zedu hudud tomon . ¹⁴ Ana be wala nar fi sur ta Rabbath wa be haragu mahalat be gorerat fi zaman ta hareb Kaman be hawa sedit ta demar . ¹⁵ Melik tomon be ruwa fi abudia sawa ma nas ta sokul towo kulu , Yahweh yau kelim.