¹ De yau haja al Yahweh kelim , asan talata katiya ta Moab ,sala arba , ana ma bi selu ogumbat tai min uomon ,lano houw aragu odum ta melik ta Edom . ² Ana bi rasulu nar fi Moab asan be demero nas al fi Kerioth .Moab be motu min hajat ketir , be korerat wa sot ta trumpeta . ³ Ana be demero guda wa be katulu omara sawa de Yahweh yau kelim . ⁴ De yau hajat al Yahweh kelim , asan talata katiya ta Judah wa sala arba katiya ana ma bi selu ogubat tai , lano umon aba ganom ta Yahweh wa Kaman umon ma hafiso ganun ta Yahweh , Kaman sukul kedib tomon sedu umon ruwa beyet bat ma abuhat tomon Kaman doro min foko . ⁵ Ana be rasulu nar fi Judah ,wa nar de be demero nas ta Orselim . ⁶ De yau kalam al Yahweh kelim , asan talata katiya ta Israel hata kan arba ,ana ma be selu ogubat tai bara min intum , lano umon tebeu masakin ma fida wa almuhtajin ma sabasib. ⁷ Umon wogif fi ras ta nas al masakin zee umon be wogif fi gubar fi ard Kaman umon lezu nas al mazurin bara , rajil ma abu towu be num ma nefsa benia wahid ,de haja al karabu isim ta Rabuna al kudus . ⁸ Umon Kaman be num gerib ma masbah be gumas al wodi ze hadia ,Kaman fi juwa ta Rabuna umon be asrab merisa ta nas al kan agibu . ⁹ Kaman ana demero nas ta Amalik fi gidam tomon , Amalik al kan umon towal wa kubar fi gesim kama gowi ze ma ana kan kelim,lakin ana demiro semar tou min fok wa juzur tou min tehet. ¹⁰ Kaman ana tala itakum min ard ta masir wa selu itakum arbeyen sena fi sahara asan itakum be selu maha ta nasa amoniyuon . ¹¹ Ana arfa anbiya min wasat ta eyal takum Kaman nazareta min sabab takum , hal de ma you kida ya nas ta Israel ? de kalam ta Yahweh . ¹² Lakin itakum jabiru Naxareta asan asrab merisa Kaman itakum amiro anbiya asan keli ma naba. ¹³ Ayenu be kalasu itakum ze haja al maliyan al bi waga wa be demeru zol tani. ¹⁴ Mafi wahid be ligo sika asan be jere Kaman nas al gowen ma be agder zedu guwa tomon ,sala zol al azim ma be saidu nesfa tomon. ¹⁵ Hata zol al gowi fi harib ma be wogif , zol al endu sura zatu ma be agder jere, zol ta husan Kaman ma be ankizu jesim tou. ¹⁶ Hata dele al gowen ta harib be jere ariyan fi youm dak ,de Yahweh yau kelimu.