¹ Baab mutu ta shaul, daud rija min amalik wa hu akiir fi ziklag le muda ta yomen. ² Fi yom nimira talata, al rajil ja min mukaiymatta shaul ma gumash sheretu wa ma waskan fir as towo. Wokit huwo wosulu le daud huwo waga fi wata tehed wa degir. ³ Daud kelim le huwo, “ita ja min ween” huwo juwabu ana insehip min mukaiymat ta Israel. ⁴ Daud kelim le huwo, “arjuk wori le ana kef hajat gi ruah .” huwo juwabu, al nas jere min harip.ketiriin waga wa ketiriin matu. Shaul wa weledy Yonatan Kaman kulu maitiin.” ⁵ Daud kelim le shaab de “kef ita arif gal shaul wa Yonatan weledu maat? ⁶ Al rajil al shaap juwabu, “be hass ana kan fi jebal gilboa, wa hinak shaul gi teki harba towo, wa Karlo wa hasasin kulu gobudu ma huwo. ⁷ Shaul gelibu hawulu wa ainu ana wa nadi ana le huwo, ana juwabu “ana yau. ⁸ Huwo gal le ana , ita munu? Ana juwabu huwo “ana min amalakiin, . ⁹ Huwo gal le ana arjuk min fadlak wogif adil mana wa katiilu ana,ta taab biga shedid le ana lakin haya lisa le ana. ¹⁰ Yala ana wogif adil ma huwo wa katulu huwo, ashan ana arif gal huwo ma bi ish hata kan ragid. Yala ana shilu al taj. Alkan fir as towo wa al zina al kan fi yeden towo, wa ama jibu humon le itakum, ya said tai.” ¹¹ Yala Daud shertu gumash towo wa kulu rujal al mahu amulu Kaman. ¹² Humon kore, ama huzun wa saem lahaidi misa le shaul, ma Yonatan weledu, le nas ta Yahweh, wa le bed ta Israel le anu humon waga ma sef. ¹³ Yala Daud kelim le al rajil al shaap. “ita min ween? huwo juwabu “ana jena zol al ajmebi al fi ardi min Amalakiin. ¹⁴ Daud kelim le huwo, le ita ma kuaf ashan demiru al melik al momsu ta Yahweh ma yeden taki? ¹⁵ Daud nadi wahid min rujal al shaabab wa huwo gal “ruah katulu huwo “yala al rajil ruah wa dugu huwo tehed, wa al amalakit maat. ¹⁶ Yala Daud kelim le amalakit al maat “al dom taki fi raas taki le anu ma kasuma taki ita kelim did ita “ana katulu al melik al momsu ta Yahweh.” ¹⁷ Biga Daud bada guna ta huzun an shaul wa weledu yumatan. ¹⁸ Huwo amiru almas ashan alimu guna ta dianga de aulat ta yahuza, al katibu fi kitab ta Jashar. ¹⁹ Al mejid taki Israel, al mot, katulu fi mahal taki al ali! Kef algadir waga! ²⁰ Mata wori fi Gath, Mata kelim fi sika ta askelon, ashan banad ta palastiniin ma bi yafra, ashan al banad ta al ma mutahiriin mabi amulu munasaba. ²¹ Jubal ta Gilboa, Keli hinak makun nada au matara le itakum. Wala jere bi wodi dura, hinak al daraga ta algadir demiru. Al daraga ta shaul ma masahu ma zed. ²² Min al dom ta del al katulu. min jisim ta algadir, al danga ta Yonatan ana ja wara, wa al sef ta shaul ma sakit. ²³ Shaul wa yanatan hum kan hip baadum fi meima ta haya, wa fi mutu tomon ma farigu humon. ²⁴ Intu banad ta Israel kore takum shaul, Humon libisu malabis ahmar kuman ma salasit, al kutu zima ta dahab fi malabis. ²⁵ Kef algadir waga fi mus al harib! , yomatan kutulu fi mahal taki. ²⁶ Muk tai gifulu ashan akui yomata inta kan kwes le ana. Muhaba taki le ana futu muhaba ta mara. ²⁷ Kef al gowi waga, wa asila karabu.