¹ Kan nina bi istakal sawa ma Huwo, nina bi asalu ashan kede intakum ma rudu neima ta Allah kusara. ² Ashan Huwo kelim, "Fi zaman al munasib Ana kutu bal le inta, wa fi yom ta kulasa Ana saudu inta." Aynu, hasa de zaman al munasib. Aynu, hasa de yom ta kulasa. ³ Wa nina ma der kutu hajiz gidam ai wahid, ashan kede ma loumu kidma ta nina. ⁴ Lakin, nina wori badu gali nina kadamin ta Allah be kulu hajat al nina amulu. Nina kadamin Bito fi ketir tahamul, tajarib, huzun, taab, ⁵ jeldat, sijin, shgab, fi shokol al saab, num mafi bilel, fi jiyan, ⁶ fi tahara, maarafa, sobur, amulu kuwes, fi roh al kudus, fi muhaba al hagiga. ⁷ Nina kadamin Bito fi fi kelima al hagiga, be guwa ta Alah. Nina indu daraga bita al bir fi idan al yemin wa ta shimal. ⁸ Nina istakal be ihriram wa bidun ihteram, be talis wa be tesbih. Tahamu nina gali nina nas kadabin wa baad dak nina biga nas al kuwesin. ⁹ Nina istakal ze ma arufu nina lakin lisa arufu nina. Nina. Nina istakal ze meitin - aynu! - lisa nina hai. Nina istakal ze bi azibu nina fi amail ta nina lakin ma lakin ma hukumu nina be mutu. ¹⁰ Nina istakal ze haznanin, lakin nina daiman farhanin. Nina bi istakal ze masakin, lakin tarau nina ganiyanin. Nina bi istakal ze nina ma indu hajalakin tarau nina futu kulu hajat. ¹¹ Nina wonusu hagiga kulu le intum, ya nas ta Korontus, geliba ta nina fadi kalis. ¹² Ma robutu intum ma nina, lakin robutu intum fi geliba takum. ¹³ Wa ashan intum bi agder geni be taamul al kuwes - Ana be wonusu ze le iyal - kede intum kun moftuhin kaman. ¹⁴ Kede ma robutu intum sawa ma del al ma mominin. Yatu rubat al fi beina del al abrar ma del ta fowda? Yatu elaka al fi beina nur wa duluma? ¹⁵ Yatu tifagiya al Mesih indu ma Beliar? De shunu al bi limu zol momin ma al ma momin? ¹⁶ Wa de yatu tifagiya al fi beina hikal ta Allah ma ta asnam? Ashan nina yau haikal ta Allah al hai, bes ze Allah kelim: "Ana bi ja geni fi nus tomon wa bi douru fi nus tomon. Ana bi kun Allah tomon, wa humon bi kun nas Tai." ¹⁷ Ashan kida, "Tala takum bara min nus tomon, wa geni takum barau," Rabuna yau kelim. "Mata takum lemesu hajat al nijis, ashan Ana bi fadalu intum. ¹⁸ Ana bi kun Abu takum, wa intum bi kun awlad wa banat Tai," Rabuna yau kelim.