¹ Biga Seliman kelimu, Rabuna kelim gal howo bi geni fi sehab al duluma shedid, ² Lakin ana abinu le inta beit al towil al kwes, mahal al inta bi geni fogo ila abad. ³ Biga melik gum lefu hawli howo wa bariku kulu nas ta Israel, fi zaman al nas ta Israel kan gi wogifu. ⁴ Huwo kelim Yahweh tai al huwo Rabuna ta Israel, keli isem tou sukuru, al hiw kelimu le abu tai David wa huwo kamilu bi iden gali, ⁵ min ma ana tala nas tai bara min Egypt, ana ma ikhtar ai medina min kulu gabail ta Israel ashan bi abinu beit, ashan isem taiu bi kun hinak, wala ana ikhtar ai zol ashan bi kun amiir./reis le nas tai Israel. ⁶ Lakin ana ikhtar Jerusalem, ashan isem tai bikun hinak, wa ana ikhtar David ashan bi kun musuul le nas ta Israel. ⁷ Wa kan fi geliba ta Daud abu tai ashan abinu beit le asili isem ta Yahweh Rabuna ta Israel . ⁸ lakin Rabuna kelim le Daud abu tai, ashan kan min geliba taki, ⁹ inta deiru abinu beit le ajili isem tai, inta amulu kwes ashan de kan min geliba taki, lakin inta yahu ma bi abinu beit de, lakin jena taki al bi tala min sulba taki, yahu bi ja abinu beit ashan isem tai, ¹⁰ Rabuna hafisu kalam tou al kan huwo kelimu, biga kutu ana fi mahal ta Daud abu tai, wa ana geni fi irsh karis ta Israel, ze ma Rabuna kelimu, ana abinu beit ashan le isem ta Yahweh, Rabuna ta Israel , ¹¹ Wa ana kutu fogo tabut ta Ahad al Rabuna geta ma iyal ta Israel. ¹² Seliman wogifu gedam ta mazbah ta Rabuna gedam ta kulu nas ta Israel, wa arfa iden touo, ¹³ Leanu huwo sala manbar min nihas, tul tou 5 gadam wa urut tou 5 gadam wa 3 gadam le fok, wa huwo kutu fin nus medan, huwo wogifu fok wa dengiri tehet gedam kulu nas ta Israel, wa biga huwo arfa iden tou fok fi samawat. ¹⁴ how kelim Yahweh, Rabuna ta Israel, mafi Rabuna tani ze inta kan fi sama wala kan fi ard, al gi hafisu ahad wa indu rahma wa muhaba le khodamiin tou al gi duwuru gedam tou ma kulu geliba tomon, ¹⁵ inta al hafisu kalam taki al kan inta kelimu le khadam taki abu tai Daud, inta yahu kelimu ma kasma taki wa inta kamilu be iden taki fi yom ta alela. ¹⁶ biga hasa, ya Yahweh Rabuna ta Israel, hafisu kalam taki al kan inta kelimu le khadam taki Daud abu tai, fi zaman al kan inta kelimu, ana ma bi aba ashan bi ainu zol al bi geni fi kursi ta Israel, iza kan nas taki gi hafisu sheriya tai, ze ma intum kan hafisu. ¹⁷ Biga hasa ya Yahweh, Rabuna ta Israel, keli kelima taki al kan inta kelimu le khadam taki Daud de timu. ¹⁸ Lakin hal Rabuna bi agdeir geni ma insaan fi duniya? Ainu sama ta samawat ma bi silu inta-wa na biga beit al ana abinu de, ¹⁹ min fadlak asuma le salawat ta khadam taki wa kore tou, Yahweh Rabuna tai, asuma le kore wa salawat al khadam taki gi seli gedam taki, ²⁰ keli ouyun gtaki geni fadi le beit de, bilel wa nahar, if mahal al inta gal inta bi kutu isem taki fogo, keli inta asuma le salawat al khadam taki gi seli min ajili mahal de, ²¹ Asuma le kore ta khgadam taki wa iyal ta Israel iza kan homon gi seli min ajili mahal de, asuam min mahal al inta gi geni fogo, min samawat, wa iza kan inta asuma, afi. ²² iza kan zol amulu katiya did jeran tou, wa asalu huwo ashan bi alifu, waiza kan huwo jaw a alifu gedam mazbah taki fi beit de, ²³ Asuma min samawat wa amulu, hakimu khadam taki, akibu zol al muznib wa kutu galat tou fir as tou, feku zol al ma muznib de, wa wodi le huwo hasab kwes tou. ²⁴ fi zaman al adu intesir le nas taki Israel ashan homon amulu katiya did inta, iza kan homon iterifu wa sewli fi isem taki, wa homon atlubu rahama gedam takifi heikal de, ²⁵ Biga min fadlak asuma min samawat wa afi katiya ta nas taki Israel, reja homon wara fi ard al inta wodi le homon wa le judud tomon, ²⁶ fi zaman al samawat gufulu wa amfi motoro gi nezil ashan homon amulu katiya did inta, iza kan homon seli fi mahal de, iterifu bi isem taki, wa reja min katiya tomon, fi zaman al inta deyegu homon, ²⁷ biga keli inta asuma min sama wa afi katiya ta khadam taki wa ta nas taki Israel, al inta alimu homon sika taki al kwes. Al mufurud homon bi duwuru min fogo. Rasulu matara fi ard al iinta wodi le nas taki ze werisa. ²⁸ iza kan jaan waga fi ard, iza kan fi hinak marad ayan algi karabu mahal zara jara/ jarad hasarad ou iza kana du tomon hajimu fi buwaba ta medina tomon au fi ai haja ze darbet au amrat, ²⁹ wa iza kan fi salawat wa kore al amul bi zol au be kulu nasd taki Israel- kulu zol arufu darbat wa auja al fi geliba tou. Wa ze ma huwo gi arfa iden mahal ta heikal de , ³⁰ -biga keli inta asuam min ama, mahal al inta gi geni fogo, wa wodi le kulu zol hasab sikat/ haya tou inta bi arifu geliba tou leanu inta wa inta bes yahu bi arifu gulub ta insaan. ³¹ Amulu kalam de ashan homon bi kafu inta ashan keli homon duwuru fi sikat taki kulu ayam al homon gi geni fi duniya ard al inta wodi le judud ta nina. ³² wa Kaman le ajnabi al huwo ma min nas taki Israel lakin huwo min ajili isem taki al azim wa iden taki al guwii we iden taki al gi medu tuwil jaw a gi seli fi beit de, ³³ biga min fadlak asuma min sama mahal al inta geni fogo, wa amulu kulu hajad al ajnabi de asalu min inta, ashan keli kulu nas tra dsuniya arufu isem taki wa kafu inta, ze ma iyal taki ta Israel gi amulu, wa homon bi arufu inu beit al ana abinu de gi nadi be isem taki. ³⁴ Iza kan nas taki ruwa ashan bi haribu adu tomon, bi ai teriga al inta yahu rasulu homon iza kan homon seli le inta min ajili medina al inta yahu iktar wa fi beit al inta yahu abinu le isem taki, ³⁵ biga keli inta asuma min samawat le salawat tomon, telbat tomon, wa sayedu homon min mashakil tomon. ³⁶ Iza kan homon amulu katiya did inta wa ze mafi zol al ma amulu katiya- wa iza kan inta zalan ma homon, wea wodi homon fi iden ta adu tomon, ashan adu bi shelu homon ze abeid fi ard tomon, kan beyed wala gerib. ³⁷ biga iza kan homon ja lahisu inu homon biga ard ta sebi wa iza kan homon tub wa asalu rahama min inta fi ard ta sebi, iza kan homon kelimu nina amulu wa ruwa fi sika al batal wa amulu katiya , wa afkar ta nina batal. ³⁸ Iza kan homon reja le inta ma kala geliba tomon wa bi kulu roho tomon fi ard ta abudiya al silu homon ze abeid wa iza kan homon we le medina al inta ihtar, wa fi beit al ana abinu ashan isem taki, ³⁹ Biga keli inta asuam min samawat, mahal al inta gi geni fogo, le sala tomon, wa kore tomon, wa saidu homon min mashakil. Afi nas taki, al homon amulu katiya did inta. ⁴⁰ Hasa ya Rabuna tai, ana gi asalu inta, fata ouyun taki wa keli adana taki asuma sala al gi amulu fi mahal de, ⁴¹ Biga yala gum ya Yahweh Rabuna, fi mahal takli al ta raha, inta wa tabut taki ta guwa. Ya Yahweh Rabuna, keli lebisu khahana taki bi gumash ta kulasa, wan as al gi kafu inta keli mala ma bi farah taki wa kwes taki, ⁴² Yahweh Rabuna, ma ta reja/ geli bu usa ta zol al inta masa min inta, zekiru marahim ta khadam taki Daud wa kwes tou.